"Чалко” компани Монголын нүүрс тээвэрлэлтэд ноёрхлоо тогтоов уу! | News.MN

"Чалко” компани Монголын нүүрс тээвэрлэлтэд ноёрхлоо тогтоов уу!

"Чалко” компани Монголын нүүрс тээвэрлэлтэд ноёрхлоо тогтоов уу!

"Чалко” компани Монголын нүүрс тээвэрлэлтэд ноёрхлоо тогтоов уу!

Өмнөговь аймгийн Ханбогд сумын ИТХ-аас “Цагаан хад- Мөнхийн их” компанийн сайжруулсан шороон зам тавих саналыг дэмжсэн тогтоолыг өнгөрөгч есдүгээр сарын 30-нд баталжээ. Тус сумын ИХТ-ийн гаргасан энэхүү тогтоолыг харахад хятадуудад ээлтэй, эсрэгээрээ монголчуудад хохиролтой шийдвэр болж байна гэх хардлага төрүүлээд байна. Энэ талаар Ханбогд сумын ИТХ-ын дарга Т.Буян-Өлзийгөөс тодруулахад “Тус компанийн зүгээс оруулж ирсэн саналыг сумын Иргэдийн төлөөлөгчдийн хурлаар баталсан. Боомтын зөвлөл, ажлын хэсгээс дэмжих санал оруулж ирсэн. Одоо ИТХ-ын тогтоолыг сумын Засаг дарга болон холбогдох албаныхан судалж, шийдвэрээ эцэслэнэ. Тусгайлсан замын төрийн өмчит компани барих, зөвхөн “Чалко” компанийн нүүрс тээвэрлэлт явна гэсэн” гэсэн тайлбар өглөө.

Монголын нүүрс тээвэрлэлтэд давуу эрхтэйгээр үйл ажиллагаа явуулж буй “Цагаан хад-Мөнхийн их” компани БНХАУ-ын төрийн өмчит “Чалко”-гийн хөрөнгө оруулалттай компани юм.

Тус компани өмнө нь битүүмжилсэн багийн /бөмбөлөг/ тээврийн зохион байгуулалтаар нүүрс тээвэрлэдэг байсан бол өнгөрсөн наймдугаар сараас зөвхөн “Чалко” компани өөрсдийн тусгай нүүрс тээвэрлэлтийг эхлүүлжээ. Өдөрт 30-40 машин нүүрс тээвэрлэлтэд явуулах болсон талаар албаны хүмүүс хэлж байна.

Засгийн газраас Гашуунсухайт, Шивээхүрэн боомтын үйл ажиллагааг эрчимжүүлэх үүрэг бүхий ажлын хэсэг байгуулсан. Ажлын хэсэг өнгөрсөн зургадугаар сард БНХАУ-ын ӨМӨЗО-ы Баяннуур хотын Ганцмод боомтын захиргаа, БНХАУ-ын төрийн өмчит “Чалко” компанийн удирдлагуудтай цахим уулзалт хийсэн байдаг. Энэ үеэр БНХАУ-ын төрийн өмчит  “Чалко” компанийн зүгээс нүүрс тээврийг нэмэгдүүлж, Гашуунсухайт-Ганцмод боомтод тусгай гарц байгуулах хүсэлт гаргасан байна.

Тус компанийн хүсэлтийг Монголын Засгийн газар тэр дор нь хүлээн авч, энэ талаарх чиглэлийг Ханбогд сумын ИТХ-д өгчээ. Нэг ёсондоо “Чалко” компани Монголын нүүрс тээвэрлэлтэд ноёрхлоо тогтоох боломжийг Монголын төр бодлого, шийдвэрээрээ дэмжсэн гэсэн үг.

Ханбогд сумын ИХТ-ын тогтоолын дагуу ийнхүү "Чалко" өөрийн гэсэн экспортын замтай болж, Монголын нүүрс тээвэрлэлтэд “эзэн” суух нь дээрээс чиглэлтэй нэгэнт шийдэгдсэн, бас ойлгомжтой асуудал болсон байна.

Харамсалтай нь, “Чалко” манай нүүрсний тээвэрлэлтэд ноёрхлоо тогтоосноор Монголын компаниуд үүд хаалгаа барьж, дампуурах дээрээ тулаад байна. Нүүрс тээврийн жолооч, нүүрс тээврийн дотоодын аж ахуйн нэгжүүдийн зүгээс “Чалко” компанид давуу эрх олгож, нүүрс тээвэрлэлтийг нь нэмэгдүүлж, дотоодын аж ахуйн нэгжүүдийг “шахах” бодлогыг Засгийн газар авч байна гэж хардаж буй аж. Ингэж хардах нь ч үндэслэлтэй, Ханбогд сумын ИХТ-ын даргын тайлбараар бол.

Хэдийгээр дотоодын нүүрс тээврийн компаниудыг нэгтгэж, битүүмжилсэн багийн /бөмбөлөг/ тээврийн зохион байгуулалтад оруулсан ч өдөрт дөнгөн данган 2-3 машин нүүрс тээвэрт гарч байгаа аж. Гэтэл “Чалко” компани өдөрт 30-40 машин нүүрс тээвэрлэлт хийж байгаа гэхээр Монголын Засгийн газар мөнгө олохын тулд ёстой “Би үхэхээр чи үх” гэгч л болж.

Ам ангайх бүртээ л хувийн хэвшлээ дэмжинэ гэх мөртлөө эрх баригчид эсрэгээрээ Монголын компаниудаа алхам тутамдаа боож, хаах шийдвэр гаргах болсон. Үүний нэг жишээ нь энэ. Ингээд Монголын нүүрс тээвэр хятадуудаас хамааралтай болчихвол эдийн засгийн хувьд ч эрсдэлтэй юм.

Ш.ЧИМЭГ

Энэ мэдээнд өгөх таны сэтгэгдэл?
10
ТэнэглэлТэнэглэл
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-10-05 122.201.31.127

Нүүрсний үнэ өссөн энэ үед сайн гаргах л хэрэгтэй. Гаднаас өөр яаж валют оруулж ирэх билээ дэ?

Avatar

Smart girl 2022-10-05 122.201.22.127

Za tgd maniusiin uursdiin l archaaguih shdee. Gatan urlug eejii heldgeer heden hujaa nariin nuurs teevriin mungiig ni hurtel saixan segsreed uguh bolomj baital mgl companiud ni uursduu pcr surug hariu hudaldaj ntr avdiin bishuu tgj suliarch bgad nugu bumbug bilu teriigee delbe s****a tgd busdaddaa gai bolno. Iim bhad nuurs hudaldaj avdag company argaa baraal uursduu orj irj avsan nuursee gargah gd yadaad bgan bishudee. Hun muulj haraaj bhaar ehleed uursduu hicheetsgeey yr ni haana ch.

Avatar

Зочин 2022-10-05 202.55.188.114

Дээдэх нь суудалаа олохгуй бол доодох нь гуйдэлээ олохгуй гэж УИХ гэж хулгайч худалчаар дуурсэн байгууллагыг тараая!

Avatar

Болд 2022-10-05 192.82.93.11

Дамбын хишгээ нүүрсээ зөөж чадахаа болио юу хаха…

Avatar

Зочин 2022-10-05 103.57.94.214

Монголд ашигтай эсэхээ яриагүй байж муулахаа л бодох юм ингэж байхад монгол руу хэн хөрөнгө оруулах вэ дээ

Avatar

Зочин 2022-10-05 150.129.142.22

36 сая тн нүүрсийг хурдан гаргаж нүүрсээ зарж байх нь чухал. Ийм их нүүрсийг гаргахад Чалко ганцаараа барахгүй. Манай хэдэн баячуудын барлаг жолооч нарт чажил олдоно

Avatar

Zochin 2022-10-05 202.21.108.224

Гадны компанид давуу эрх олгоно гэдэг сайн юм биш, дотоодын компаниудаа дэмжмээр бгаам даа

Avatar

Иргэн 2022-10-05 202.126.90.156

Энэ мөнгөөр хүүхдийн 100 өг тэгвэл

Avatar

Цөхөрсөн хүн 2022-10-05 182.239.93.151

Ажил хийгээч дуракаа

Avatar

Bold o 2022-10-05 223.38.36.178

Тээврийн хөлс нэмүү өртөг хятадын тал оров оо хөлдүү…удахгүй нүүрс ихээр гарч л байвал хамаагүй гээд хятадуудаар нүүрсээ ухуулна даа…монгол хүн юу ч хийгээд хэрэггүй халамж аваад байж байхад болно тиймээ Оюун эрдэнээ данхар данхаа…

Avatar

Цөмөөхөй 2022-10-05 182.239.93.151

Нүүрс зөөсөн хэдэн олигархууд хангалттай цусалсан, хөөрхий тэнд нь жолооч хийж байгаа хүмүүс нь хөдөлмөр шулалтанд өртөөд хэсэг олигархууд хагартлаа баяжсан болж

Avatar

Зочин 2022-10-05 203.91.115.49

Нүүрс нь гарна мөнгө нь орж ирнэ үүнийг монголчууд хэрэглэнэ өөр яахын

Avatar

Зочин 2022-10-05 192.82.92.114

Зарж байгаа авж байгаа нь ч гэсэн худалдаж авсан нүүрсээ хурдхан гаргахыг бодно биздээ.

Avatar

Баярлав 2022-10-05 192.82.92.114

Улс нүүрсээ гаргах гарц замуудыг хайж бгаам бн, ашгүйдэ

Avatar

Зочин 2022-10-05 150.129.140.75

Зарим хүний буруу ойлголтод залруулж хэлэхэд Чалко, Санхиа, Бужма аль нь ч байсан нүүрсний тээвэрт монополь тогтоогоод дараа нь Монгол нүүрсний үнийг унагаж ашиг олохыг оролдодог энэ бол ээлжит төрийн хамгаалалтай оролдлого байна.

Avatar

Зочин 2022-10-05 192.82.92.114

эдийн засаг элгээрээ мөлхчихөөд байхад хэн нь ямар хамаа байнаа. Хилээ хааж хааж арай гээд жоохон мөнгөтэй болох гэхээрээ хөнжилөө жийлцээд яхав дээ

Avatar

Зочин 2022-10-05 192.82.92.114

Энэ нүүрс чинь гарч л байвал улс оронд хэрэгтэй ш дээ монгол компаниуд адилхан л гарч байна лээ ш дээ

Avatar

Зочин 2022-10-05 192.82.92.114

Delhii niiteeree nuursees tatgalzaad ehelj baihad erthen iheer gargaad duusah ni zuv shu de.

Avatar

Зочин 2022-10-05 192.82.92.114

Их хэмжээгээр тогтмол тээвэрлэлтээ л хийж чадаж байвал хэн хийх нь ямар хамаа байна. Хэдэн тээврийн компаний эрх ашиг гэд нүүрсээ гаргахгүй улсаараа хэвтэх үү? Юу бичээд байгаа сэтгүүлч вэ

Avatar

Зочин 2022-10-05 103.57.93.192

нүүрсээ гаргахгүй хадгалаад байж байхуу? гаргаж чадаж л байвал хэн ч гаргасан болношт

Avatar

Зочин 2022-10-05 59.153.113.103

Өрөө хурдан төлж дуусгах нь зөв л баймаар юм. Дараа дараагынх нь нээгдэж түргэснэ. Энэ юу бичээд байгаа сэтгүүлч вэ

Avatar

Зочин 2022-10-05 192.82.89.198

тээвэрчин 300 хүний амьдрал чухал уу 3 сая иргэний орлого чухал уу

Avatar

Зочин 2022-10-05 43.242.242.59

Нүүрсээ гаргаж л байвал хэн нь яаж хурдан гаргах нь хамаагүй. Хятадууд өөрсдийнхөө нүүрсийг хурдан гаргах байх. Гэхдээ манай улс зарж байгаа нь чухал юмаа. Худалдаж авсан нүүрсжээ яаж гаргах нь чухал биш

Avatar

Зочин 2022-10-05 202.21.110.106

NUURSEE IHEER GARGAJ ORLOGO OLJ BAIH NI CHUHAL SHUU.

NewsMN Гар утасны хувилбар Татах
NEWS.mn

Мэдээллийн эх сурвалж