Засгийн газрын ээлжит хуралдаан үргэлжилж байна. Өнөөдрийн хуралдаанаар:

-Гадаад валютын улсын нөөцийг нэмэгдүүлэх чиглэлээр авах арга хэмжээний тухай Засгийн газрын тогтоолын төсөл,

-Хууль тогтоомжийг боловсронгуй болгох үндсэн чиглэлийн хэрэгжилтийн явцын талаар,

-Монгол Улсын стандартын өнөөгийн нөхцөл байдлын талаар,

-Засгийн газрын гадаад зээл, тусламжийн хөрөнгөөр хэрэгжиж байгаа төсөл, арга хэмжээний хэрэгжилтийн талаар зэрэг 23 асуудал хэлэлцэхээр төлөвлөжээ.

ЗАСГИЙН ГАЗАР ХУРАЛДАЖ БАЙНА

Засгийн газрын ээлжит (2022.10.05) хуралдаан болж байна. Эргэн сануулбал, өнгөрсөн долоо хоногт Сангийн сайд 2023 оны төсвийн төслийн талаар мэдээлэл өгсөн юм.

Эдийн засгийн хөгжлийн сайд Ч.Хүрэлбаатар “Оны эхэнд манай улсын валютын нөөц 4.4 тэрбум ам.доллар байсан бол өнөөдрийн байдлаар 2.4 тэрбум ам.доллар болсон. Иймд нөөцөө нэмэгдүүлэх шаардлагатай. Манай улсын инфляци өсч, эдийн засгийн өсөлт саарч байна. Иймээс эдийн засгийг тогтворжуулах шаардлагатай. Засгийн газар эдийн засгийг тогтворжуулах арга хэмжээ авч хэрэгжүүлнэ. Өөрөөр хэлбэл мөнгөний бодлого чангарна, төсвийн алдагдлыг 1.5 их наяд төгрөгөөр бууруулна” гэж мэдээлж байв.

Өнөөдрийн хурлаас гарсан шийдвэрийг эргэн мэдээлнэ.