"Төсвийн алдагдлыг 1.5 их наядаар бууруулна гэдэг том тоо" | News.MN

"Төсвийн алдагдлыг 1.5 их наядаар бууруулна гэдэг том тоо"

"Төсвийн алдагдлыг 1.5 их наядаар бууруулна гэдэг том тоо"

"Төсвийн алдагдлыг 1.5 их наядаар бууруулна гэдэг том тоо"

УИХ-ын гишүүн Ц.Туваантай ярилцлаа.


-Удахгүй ирэх оны төсвийг хэлэлцэх гэж байна.  Төсвийн төсөлтэй танилцсан уу, хэр төсөв болсон гэж та дүгнэж байна вэ?

-Засгийн газраас УИХ-д 2023 оны улсын төсвийг өргөн барьсан. Ардчилсан намын бүлгийн хуралд Сангийн сайд  оролцож, 2023 оны төсвийн талаар товч танилцуулга хийсэн. Монгол Улс анх удаагаа 20 их наядыг давсан төсвийг оруулж ирлээ. Үүнээс төсвийн алдагдлаа 1.5 их наядад барих юм байна.

Нэг талаараа төсөв тэлж байна гэдэг эдийн засаг тэлж байгаа асуудал. Гэхдээ төсвийн алдагдлыг 1.5 их наядаар бууруулна гэдэг том тоо.

Бид өмнө төсөв дээр шүүмжилж байсан. Төрийн хэмнэлтийн тухай хууль хэрэгжиж байгаа энэ үед хөрөнгө оруулалтыг бүр маш их хэмжээнд царцаасан хэрнээ л төсөв тэлчихсэн. Мөн урсгал зардал нэмэгдсэн. Урсгал зардал бол эдийн засгийн, хүн амын өсөлттэй холбоотойгоор орж ирэх нь тодорхой. Гэхдээ л үүнийг задалж, нарийн харах хэрэгтэй. Дахиад хөрөнгө оруулалт нэмэгдчихсэн харагдсан. Хэмнэж байгаа, бүсээ чангалж байгаа гэсэн боловч хоёр их наядаар төсөв тэлсэн байгааг бид харах хэрэгтэй.

Хоёрдугаарт, төсөв дээр би 2-3 өнцөг харсан. Юу вэ гэвэл, төрийн албан хаагчдын цалинг нэмэгдүүлэх. Өнөөдөр инфляци, үнийн өсөлт тэнгэрт тулчихсан, валют ийм байгаа үед иргэдийнхээ цалинг нэмэх хэрэгтэй. Үүн дээр улсын төсвөөс 20 хувь, орон нутгийн төсвөөс 80 хувь гээд нэг дахин нэмэгдүүлэх боломжтой гэж байна лээ. Хоёрдугаарт, хүүхдийн мөнгө. Ардчилсан намын үед үүнийг санаачилсан. Энэ бол халамж биш. Баялагийн тэгш хуваарилалт. Хүүхдийн мөнгийг тодорхой түвшинд танана гэж ярьж байна лээ. Чухам яаж танах нь чухал. Хүүхдийг ялгаварлан гадуурхах энэ асуудлыг яаж тойрох вэ гэдэг анхаарал татаж байна. Гуравдугаарт, тээвэр, хил гааль, ложистикийн хүнд энэ үед хүнсний хангамж дээр бид маш том хөтөлбөр баталсан. Энэ дээрээ 260 тэрбум төгрөгийн асуудал тавьсан байна лээ. 1.7 их наядын хөрөнгөөр дөрвөн жилд багтааж, үүнийг шийднэ гэсэн. Энэ жил дор хаяж 400 гаруй тэрбум төгрөг тавих л ёстой. Энэ мөнгө аль салбарт, ямар хөтөлбөрт чиглэх нь сонирхолтой байна.

-Өндөр орлоготой иргэдээс татвар авна гэсэн. Та үүн дээр ямар байр суурьтай байна вэ?

-Монголд өндөр орлоготой иргэдээс татвар авлаа гээд төсөвт их мөнгө орж ирэхгүй болов уу. Ядуурлын түвшин өсч байна. Баялаг бүтээдэг дундаж давхарга энэ цаг үед бараг л байхгүй болж байна. Би бол тэндээс хэдэн төгрөг төвлөрүүлэхийг нь мэдэхгүй байна.

-Өнгөрсөн долоо хоногт Ардчилсан намын удирдлагууд уулзсан. Ардчилсан намын даргын асуудал хэзээ шийдэгдэх вэ?

-Бүх зүйлийг анхны байран дээр нь авааччихлаа. Хоёр хүсэлт байсан. Хоёуланг нь хангаж шийдвэрлээгүй орхичихсон байсан. Дээд шүүхийн шийдвэр гарсан. Тэгэхээр энэ асуудал их л нээлттэй, буцаж ухарсан байдалтай байгаа. Маш олон намын гишүүд санаа зовж, уулзсан байна лээ. Энэ уулзалтын мэдээлэл нийгэмд тарчихсан. Гэхдээ тодорхой шийдэл дэвшүүлсэн зүйл бол олж хараагүй.

-АН-ын бүлгийнхний дунд тамга, тэмдэгний асуудал үүссэн. Та нар хоорондоо учир зүйгээ олж болохгүй гэж үү?

-Монгол Улсад хууль засаглах ёстой л гэж би боддог.  Хэн нэгэн хүн дураараа аашилж, би ингэх ёстой, тэгэх ёстой гэх асуудал байж болохгүй.

Энэ мэдээнд өгөх таны сэтгэгдэл?
6
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

AA 2022-10-04 107.189.30.86

Авилга авах местэнд очиж чадахгүй бол төрийн албан хаагч бараг өлбөрч үхэх нь энүүхэнд байна.Энэ гишүүн л ганц дугарч байна бидэнд туслаач

Avatar

Зочин 2022-10-04 202.179.26.40

НИЙСЛЭЛД ТАВЬСАН 500,000,000,000 ТЭРБУМЫН ХАСЪЯ

Avatar

Зочин 2022-10-04 192.82.91.5

Энэ гэж нэг алиалагч нөхөр юу хийдэг юм бол дөө

Avatar

44 2022-10-04 185.220.101.26

z**l zasgiin shees

Avatar

Lhavgaa 2022-10-04 185.220.101.26

Yur ni Ene tuvaan geed gishuun mash uneng yarij baina.Bi turiin alban haagch zarim ni zun amraltaa avaad samrand yavsan unen shuu ingeed bodhoor ystoi gomdoh uu uilahuu b** med

Avatar

Зочин 2022-10-04 203.91.115.55

За даа, төсвийн хөөсрөл энэ улсыг дампуурал руу нь хөтлөж байх шиг байна. Процесыг дарааллынх нь хувьд задлан шинжилье. Энэ засагтай холбож ярихад ковидоор далимдуулан томоохон цавчаануудаа хийсэн. Оюук энэ тэр чинь хөшөө мөшөөхөн гоочлоод өлбөрдөг дээрээ явж байсан үе. Гэтэл гэнэт ковид гээл түргэн авахуулдын. Хүүе хаая гэхийн завдалгүй л 20 оны төсвөөс эрх баригчид 4.5 трилион төгрөг хусаад хаядын. Дараа жил нь 3.6 трилионыг хуслаа. За ингээд улсын мөнгийг хамаагүй идчихсэн улсад тайлангаа тав

Avatar

Зочин 2022-10-04 203.91.115.55

ина гэж том даваа бий. Гэтэл Оюук энэ даалгавраас шууд л зугтлаа. Тэмээ гэхээр ямаа гэдэг бол Оюук ямаа нэхэнгүүт нь тэмээ амлаад явчихдагийн. Өч төчнөөн мөнгө шамшигдуулаад зах зээл дээр мөнгө ховордсон байдлыг овжин олж харлаа. Тэр талдаа илүү авьяастай шиг билээ. Түүнээс бодит потенциаль нь бол ердөө галч л гэж байгаа. Ингээд 10 трилионоор зах зээлээ тэтгэх үлгэр эхэлсэн юм. Ер нь бол 10 трилион гэдэг нь төсвөөс хуссан мөнөөх үйлт 7.5 трилионтой л дүйгээд байгаа хэрэг. Мөнгө хэвлэлээ. Энэ бол

Avatar

Зочин 2022-10-04 203.91.115.55

зүгээр нэг цаас хэвлэж тараахаас ч хорлонтой бодлого байсан. Зүйрлэвэл нэг худалдаачин 20 кг мах өдөрт авч зараад амьдралаа болгодог байж. Мөнгө ховордсон учир гүйлгээ муу. Тэгвэл мөнөөх Оюук 10 трилион тараах нэрээр хамаарал бүхий хүмүүстээ цаас хэвлэж өгсөнөөр мөнөөх худалдаачны 20 кг махыг тэдгээр хүмүүс нь хуу хамсан хэрэг. Зүгээр цаасаар шүү дээ. Өөрөөр хэлбэл хэрэгцээ гарах тухай бүрт нь эрх баригчдын хамаарал бүхий түмэн иргэн хэвлэсэн бэлэн цаасаар зах зээл дээрх капиталыг үнэ цохин авч

Avatar

Зочин 2022-10-04 203.91.115.55

үнэгүйдүүдж эхэллээ. Тэд нэг удаад хэрэгцээгээ хангасан уу гэвэл хангасан. Харин тэдгээр түмэн хүний тансаглал бусад 3 сая гаруй иргэндээ тун хорлонтой туслаа. Эрх баригчдын түмт бэлэн цаасаар 20 кг мах авсан бол жилжин, саржин, өдөржин ажиллаж илүүчилсэн мөнгөөрөө жирийн иргэнд авах таарах мах үлдсэнгүй. Тэд ердөө мөнөөх хэвлэсэн 10 трилионы үнэр шингэсэн дайвар авах л төдий потенциальтай үлджээ. Юутай гаслантай. Ковидоос хойш эрх баригчдын барьж буй тактик бол аль болох төсвийг хөөсрүүлэх.

Avatar

Зочин 2022-10-04 203.91.115.55

Бодитоор 12 трилион хавьцаа байвал зохих төсвийн орлого зарлага одоо 20 трилион шүргэж байна. Энэ бол мөнөөх хэвлэсэн цаасандаа зориулж, мөн төсвөөс хийдэг өдий төдий хулгайнуудаа хаацайлах гэж л эрх баригчдын хөөсрүүлж буй дүн. Тэд авдагаа авна, сонгуульд ч ялна. Ямар хуваагдсан Ан яладтай нь биш. Гэвч тэд өөрсдийн өчүүхэн эрх ашгийнхаа хөлд улсынхаа эдийн засгийг засал авахгүйгээр сэглэж байгаа юм. Үүний өр төлөөсийг мөнөөхөн 3 саячууд л аанай үүрнэ. Эрх баригчдын түмт харин язартлаа таргална.

0 0
Avatar

Зочин 2022-10-04 202.126.88.116

хуцалгүй төсвий илүү дутуу зардлуудаа хасаад идэж ууж байгаа зардлаа танаад эдийн засгийн тогтвортой байдалаа хангаад ажиллаадах, яасан идэж ууж ханаж цаддагүй гуйлгачингууд гэхээр ийм байдаг байна аа

Avatar

СОНГОГЧ 2022-10-04 202.9.46.191

"Төсвийн алдагдлыг 1.5 их наядаар бууруулна гэдэг ulger

Avatar

Иргэн 2022-10-04 103.57.93.50

Та нар чадахгүй юм бол зайгаа тавьж өгөх хэрэгтэй.

Avatar

зочин 2022-10-04 192.82.66.30

Төрийн байгууллагуудын хэнд ч хэрэггүй олон ажлын төсвийг 50% байтугай танах хэрэгтэй ш тэй

Avatar

Зочин 2022-10-04 202.21.119.194

татварын шаталсан системийн одоо биш юмаа гэхэд дараа хийж л таараа тийм болохоор эртхэн хэрэгжүүлээд иргэддээ таниулж байсан нь дээр. Татвар төлөгчдийн 10-аас бага хувь нь хамрагдах болохоор иргэд өрөөсгөл ойлголттой эсэргүүцээд байгаа юм шиг ээ.

NewsMN Гар утасны хувилбар Татах
NEWS.mn

Мэдээллийн эх сурвалж