Эртний хүний ДНХ кодыг тайлсан генетикч Нобелийн шагнал хүртлээ | News.MN

Эртний хүний ДНХ кодыг тайлсан генетикч Нобелийн шагнал хүртлээ

Эртний хүний ДНХ кодыг тайлсан генетикч Нобелийн шагнал хүртлээ

Эртний хүний ДНХ кодыг тайлсан генетикч Нобелийн шагнал хүртлээ

Нобелийн физиологи, анагаах ухааны салбарын 2022 оны шагналыг Хүн төрөлхтний хөгжлийн явцад мөхсөн эртний хүмүүсээс бид хэрхэн генетикийн хувьд хувьсан өөрчлөгдсөнийг судалж илрүүлсэн Шведийн эрдэмтэн хүртлээ. Сванте Паабо нь эртний хүний ДНХ-ийн кодыг тайлснаар цар тахлын үед Неандерталь генийн хувилбарыг тээсэн хүн Covid-19-өөр бусдаас илүү хүндээр өвчилж байгааг судлан тогтооход тусалжээ. Сванте Паабо нь өдгөө Германы Лейпциг хот дахь Макс Планкийн хувьслын антропологийн хүрээлэнд захирлаар ажиллаж буй. 

Шведийн Стокгольм хотод төрсөн Сванте Паабо анагаах, биохимийн чиглэлээр их сургуульд суралцаж төгсчээ. Тэрбээр хэлэхдээ, "бид  генетикийн түүхийг мөрдөн дагаснаар хэрхэн өөрчлөгдөн хувьссаныг нь олж тогтоон, цаг хугацаа руу буцах боломжтой гэдгийг мэдсэн нь надад гайхамшигтай нээлт байсан" гэж ярьжээ. Өдгөө 67 настай Сванте Паабо Нобелийн шагналын хорооноос өөр рүү нь залгахад наргиж байна гэж бодсон гэв.

Түүний эцэг нь мөн Нобелийн шагналт биохимич байсан бөгөөд археологи, палеонтологийн олдворуудын ДНХ-ийн дарааллыг судлах арга замуудыг бий болгосноор хүний ​​гарал үүслийн судалгааг хөгжүүлсэн нэгэн аж. 

Нобелийн физиологи, анагаахын шагнал нь шинжлэх ухааны салбар дахь хамгийн нэр хүндтэй шагнал гэдгийг зохион байгуулагч тал онцолжээ. Нобелийн шагналыг дагалдаж, 10 сая крон /ойролцоогоор 900,357 ам.доллар/ гардуулсан байна.

Жил бүрийн аравдугаар сард Швед, Норвеги дэх Нобелийн шагналын хорооноос шинжлэх ухаан, уран зохиол, эдийн засаг, энх тайвны чиглэлээр шинэ амжилт тогтоосон бүтээл, нийгэмд хувь нэмрээ оруулсан хүмүүсийг шалгаруулж, шагнадаг. Энэ жил Нобелийн шагналд 343 хүний нэрийг дэвшүүлснээс зургаан хүнийг шалгаруулж, аравдугаар сарын 7-10-ны хооронд өдөр бүр нэг нэгээр нь зарлана.

ЭХ СУРВАЛЖ: REUTERS, THE NEW YORK TIMES

Энэ мэдээнд өгөх таны сэтгэгдэл?
8
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-10-04 149.34.244.160

нийт хүмүүсийн 1-5% хувь нь неандарталь генитэй байдаг л даа. Харин Африкчуудаас неандарталь гень олдоогүй. бие томтой өвчинд тэсвэртэй ч урлагийн мэдрэмж муутай байсан гэж үздэг. Урлагийн мэдрэмж муу нь гар урлал хөгжихөд саад болж гар урлал хөгжөөгүйгээс бараа солилцоо явуулж чадахгүй, гар урлал бараа солилцоо хийж чадахгүйн улмаас ургуулан бодох тархины хөгжил муугаас хомосапиенсүүдээс муу байсны улмаас орчин үеийн хүмүүст шахагдаж алга болсон. Ургуулан бодож чаддаг бараа солилцоо гэрээ

Avatar

Зочин 2022-10-04 149.34.244.160

хэлэлцээ хийж чаддаг хомоспиенсүүд ан гөрөө байгаа газрын мэдээ солилцож, дулаан хувцасаа наймаалцаж, дайсны эсрэг 2 өөр омог нэгдэж гэрээ хэлцэл хийдэг болохоор агуйн неандарталиудыг шахсаар эцэст нь неандартальчууд мөхөж алга болсон. Хүний харилцааны гол з****г болсон хэл ярианы хөгжилтэй байснаас болж хомосапиенсүүдийн мэдээлэл солилцох, эцгээс хүүд өвлүүлэх зэр з****г урлах гэх мэт мэдээллийг амар хялбар дамжуулдаг болсноос хүний дэвшил эхэлсэн гэж үздэг.

Avatar

Зочин 2022-10-04 149.34.244.160

Анхны урлаг нь аман яриагаар шүлэглэх байдлаар шүлэг дуу, уран зурагт амьтан авлахыг заасан үзүүлэн таниулах байдлаар уран зураг, зэр з****г шавар суулга урлах байдлаар уран баримал хөшөө дурсгал үүссэн байдаг. Анхны урлаг хоол хүнсээ авлах аргыг үр хүүхэддээ зааж үзүүлэх байдлаар үүсээд аажимдаа нарийсч хөгжөөд дуу хөгжим, барилга архитектур, уран зураг хөшөө баримал хийдэг болтлоо нарийссан байдаг.

Avatar

Хотын уугуул иргэн 2022-10-04 192.82.83.10

Ямарч ач холдогпогүй марзан "нээлтэнд" Нобелийн шагнал өгөх юм даа . Гол шалгуур нь цагаан арьстан байх ёстой. Тэр кодыг эрдэмтэд аль хэдийнээ умшихсан байсан. Даанч хэнч тоогоогүй. Энэ сэргэлэн толгой ажилчихлаа.

Avatar

Оноч 2022-10-04 66.181.161.40

эцэг хүү юм биздээ.

NewsMN Гар утасны хувилбар Татах
NEWS.mn

Мэдээллийн эх сурвалж