Иран эмэгтэйчүүдийн төлөө дэлхий даяар жагсав | News.MN

Иран эмэгтэйчүүдийн төлөө дэлхий даяар жагсав

Иран эмэгтэйчүүдийн төлөө дэлхий даяар жагсав

Иран эмэгтэйчүүдийн төлөө дэлхий даяар жагсав

Иранд 22 настай Махса Амини нэртэй эмэгтэй толгойн алчуур зүүгээгүйн улмаас баривчлагдаж, улмаар нас барсан. Энэ хэргээс улбаалан тус улсын эмэгтэйчүүд урьд өмнө байгаагүйгээрээ тэмцэл өрнүүлж байна. Тэгвэл Турк, АНУ, Швейцарь, Франц улсуудад мөн иран эмэгтэйчүүдийн төлөө жагслаа. Нийтдээ дэлхийн 159 хотод иран эмэгтэйчүүдийн төлөө жагссан гэж Ираны хүний эрхийн байгууллагаас мэдээлэв.

Туркийн нийслэл Истанбул хотод өчигдөр /2022.10.02/ иран эмэгтэйчүүдийн төлөө жагслаа. Жагсагчдын дунд иран хүмүүс ч олон байжээ. Эмэгтэйчүүд улаан сарнай, Ираны туг барин жагссан. Мөн “Эмэгтэйчүүд, амьдрал, эрх чөлөө” гэсэн лоозон барьжээ. Жагсаал Бямба гаригийн орой баруун хэсгийн Измир хотоос эхэлсэн байна.

Түүнчлэн АНУ дахь Ираны нийгэмлэгийн гишүүд Баасан гаригийн орой Лос Анжелес хотын гудамжинд жагслаа. “Тэд манай хүмүүсийг алж байна. Би энд 30 жил амьдарсан хэдий ч үндэстнийхээ төлөө санаа тавьдаг” гэж нэгэн жагсагч хэлжээ. Жагсаалын үеэр Калифорнийн Ассамблейн гишүүн Лаура Фридман “Иран эмэгтэйчүүд болон тэдний холбоотон эрчүүдийн золиос, шийдэмгий байдлыг би биширч байна” гэж хэлэв.

Швейцарийн нийслэл Берн дэх Ираны Элчин сайдын яамны гадаа Бямба гаригт жагсаал боллоо. Жагсаалын үеэр хоёр хүн элчин сайдын яамны хашааг давж орж, тугны шон дээрээс Ираны далбааг татаж унагажээ. Цагдаа нар жагсагчид руу резинэн сумтай буугаар буудав. Элчингийн байр руу нэвтэрсэн хоёр залууг саатуулаад байна.

Францын нийслэл Парис хотноо өчигдөр /2022.10.02/ олон мянган хүн жагсав. Хэд хэдэн эмэгтэй жагсагч үсээ тайрч, эсэргүүцлээ илэрхийллээ. Жагсагчид “Эмэгтэйчүүд, амьдрал, эрх чөлөө”, “Иран эмэгтэйчүүдийн эрх чөлөө”, “Хижаб заавал өмсөхийг эсэргүүцэж байна”, “Махса Амини”, “Исламын бүгд найрамдах улс сөнө”, “Дарангуйлагчийн үхэл”, “Анхны феминист хувьсгалд нэгдээрэй” гэсэн лоозон барьжээ.

Ливан, Канад, Чили, Их Британи, Япон, Итали, Герман гэх мэт улсад мөн жагсаал өрнөсөн мэдээлэл байна.

Эх сурвалж: ABC, RFERL, TIMES OF ISRAEL, AFP

Энэ мэдээнд өгөх таны сэтгэгдэл?
6
ЗөвЗөв
1
ХахаХаха
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-10-03 192.82.80.175

iran emegteichuud neriin door iranii neftnii toloo jagsaal. Manai Ardchilaliin neriin door OTn toloo jagsdag shig

Avatar

мгл 2022-10-03 202.179.11.230

manai zaluuchuudad iim zorig, husel baina uu?

Avatar

evroopoos 2022-10-03 81.246.200.208

BatUul Sosorgolog Elbegehulgaich nar Erliizhuugee daguulaad jagsaach Adilhan ardchilaliin toloo biz dee Mongoliin daisan novshnuudaa

Avatar

Зочин 2022-10-03 202.9.40.42

АН ч сайн хатгаж байна даа. Тэд хэзэнээс Иранд дургүй байсан. БолволИраныг хуваачих санаатай үзээд байгаа

NewsMN Гар утасны хувилбар Татах
NEWS.mn

Мэдээллийн эх сурвалж