"Ямар ч ялгаварлалгүй бүгд тэгш боловсрол хүртэх боломж бүрдлээ" | News.MN

"Ямар ч ялгаварлалгүй бүгд тэгш боловсрол хүртэх боломж бүрдлээ"

"Ямар ч ялгаварлалгүй бүгд тэгш боловсрол хүртэх боломж бүрдлээ"

"Ямар ч ялгаварлалгүй бүгд тэгш боловсрол хүртэх боломж бүрдлээ"

Боловсролын мэдээллийн технологийн төвийн дэргэд энэ жилээс “Medle” цахим сургууль үйл ажиллагаагаа явуулж эхэллээ. Тус сургууль нь үндэсний сургалтын хөтөлбөрийн дагуу орон даяар онлайнаар сургалт зохион байгуулах Монголын анхны цахим сургууль юм. Одоогоор цахим сургуульд 21 аймаг, 9 дүүргийн ерөнхий боловсролын 477 сургуулийн 10 дугаар ангид суралцдаг 10407 сурагч 16 судлагдахууны 620 бүлгээр суралцаж, 155 багш ажиллаж байна.

Цахим сургуулийн багш, сурагчид нь Монгол орны өнцөг булан бүрээс тодруулбал ажиллаж, суралцаж буй сургуулийнхаа танхимаас болон гэрээсээ цахим сургуулийн хичээл, сургалтын төлөвлөлт, хуваарийн дагуу виртуал анги танхимд уулзаж, харилцаа холбооны үүлэн технологи ашиглаж хичээллэхээрээ онцлогтой аж.

Нээлтийн үеэр БШУ-ы сайд Л.Энх-Амгалан “Монгол Улсын боловсролын салбарын цахим шилжилт нь дэлхийн хамгийн амжилттай яваа таван цахим шилжилтийн нэг болсон. Өнөөдрийн  “Medle” цахим сургууль нь зөвхөн шинэ сургууль нээж буй асуудал биш. Үндэсний хэмжээнд 330 сум, 21 аймагт сурч буй бүх хүүхдэд тэр тусмаа аравдугаар ангид дэвшин суралцаж буй хүүхдүүд сонгоны хичээлээ хамгийн шилдэг багш нараар заалгах боломж олгогдож байна. Аравдугаар ангид хүүхдүүд хичээлээ сонгодог. Гэвч хөдөө орон нутагт бүлэг бүрддэггүй. Үүний улмаас дуртай хичээлээрээ ЭЕШ өгч чаддаггүй. Ингээд дуртай мэргэжлээрээ сурч чаддаггүй хүндрэл байсан. Харин өнөөдөр үүнийг засахын тулд “Medle” мэндэлж байна” гэлээ.

Мөн багш нарын төлөөлөл болсон М.Ганбат дараах зүйлсийг ярив. Түүний хувьд Боловсролын мэдээллийн технологийн төвийн дэргэдэх “Medle” цахим сургуулийн физикийн сургалт хариуцсан ахлах багш юм.

М.Ганбат “Аравдугаар ангийн 14 гаруй мянган хүүхэд сонгон суралцах хичээлд орж эхэлж байгаа. Түүний 12 мянга нь манайхтай холбоотой байна. Мөн 155 багш ажиллаж байна. Нэг багш 100 хүүхэдтэй ажиллах хуваарьтай. Гол онцлог нь цахим хэрэглэгдэхүүн, цахим арга зүй, цахим үнэлгээ. 21 аймаг, есөн дүүргээс хүүхдүүд хамрагдаж байна. Бүх сумын хүүхдүүд байна. Ямар ч ялгаварлалгүй бүгд тэгш боловсрол хүртэх боломж бүрдлээ. Улаанбаатараас хамгийн шилдэг багш нараас онлайнаар сургалт авах, бие дааж хичээллэх боломж гарч ирлээ” гэж ярьсан.

Харин “Medle”-д нэгдсэн МУБИС-ийн лицей сургуулийн 10-а ангийн сурагч Б.Есү ярихдаа “Цахим сургалт эерэг үр дагавартай юм шигээ. Би бизнес судлалын хичээл судалж байгаа. Одоогоор хараахан мэргэжлээ тодорхойлоогүй байгаа. Гэхдээ нийгэм, бизнес судлал, математик зэрэг хичээлүүдийг сонгон судалж байна. Өмнө нь ингэж сурах боломж байдаггүй байсан. Бизнес судлал гэдэг хичээлийг манай ангиас 2-3 хүүхэд сонгож байсан учир анги бүрдэх боломж бүрдээгүй” гэсэн юм.

Мөн түүний найз Д.Номинсолонго “Цар тахлын үед цахимаар орж байх үед хичээлээ ойлгохгүй байх үе байсан. Танхимаар орохоор илүү ойлгоод байх шиг байсан. Одоо олон аймгийн хүүхдүүдтэй хамт сурч байгаа учир нэгнээсээ илүү туршлага судалж байна даа" гэлээ.

 

Энэ мэдээнд өгөх таны сэтгэгдэл?
4
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БОЛОВСРОЛ 2022-09-29 202.179.25.4

ГАЙХАЛТАЙ САЙХАН МЭДЭЭ БАЙНА. МАШ ЧУХАЛ

Avatar

Зочин 2022-09-29 122.201.21.28

dandaa huuhnuud ohiduudaas yariltsag avhii huvguud orj bolohgui yu nuguu hunii erh jendern haan bna setguuruudeee

Avatar

Зочин 2022-09-29 203.98.76.9

Сургуулиуд гүнзгийрүүлсэн /Англи хэл, математик, хими, фикик/ анги нэрийн дор хүүхдүүдийг зэрэг зиндаа тогтоож, ялгаварлан гадуурхаж байна. Ялангуяа 6 дугаар ангид орж байгаа хүүхдүүдийг Жишээ нь Д,Сүхбаатарын нэрэмжит 2 дугаар сургууль

Avatar

Зочин 2022-09-29 203.91.115.56

Бүхнийг тэгшитгэх гээд улайрчих юм. Тэрний оронд сургууль завсардаж буй хүүхдүүддээ анхаар л даа. Био, Партизан, Аргүнт гээд суурингуудад өдий төдий хүүхэд сургуульгүй эцэг эхдээ зарагдаад явж байна. Сайд нь юугаа харж байдаг байна аа?

Avatar

Батбаяр 2022-09-29 202.9.40.209

Маш сайхан сургалт байна.. Боловсрол хүн бүрт нээлттэй болж байна. Орон зай үл хамааран дижитал ттехнологийн дэвшил ашиглаж буй нь үнэхээр сайшаалтай.. Амжилт. Баярлалаа

NewsMN Гар утасны хувилбар Татах
NEWS.mn

Мэдээллийн эх сурвалж