Дэлхийн цорын ганц “өрөвдмөөр” банк | News.MN

Дэлхийн цорын ганц “өрөвдмөөр” банк

Дэлхийн цорын ганц “өрөвдмөөр” банк

Дэлхийн цорын ганц “өрөвдмөөр” банк

Үе үеийн Засгийн газрын үед “үйл тамаа цайдаг” газар бол Монголбанк. Монгол Улсын хэмжээнд төрийн мөнгөний бодлогыг хэрэгжүүлэх эрх бүхий байгууллагын хувьд хариуцлагатай байх нь маргаангүй. Тиймдээ ч түүнийг удирдаж байсан ерөнхийлөгчдөөс чичлүүлж, дарамтлуулж, гүтгүүлж, хардлага сэрдлэгийн бай болсон нь олон бөгөөд толгойтой үс нь цайгаагүй нь ч ховор. Ямар үйлийн үрээр Монголбанкны ерөнхийлөгчөөр сонгогддог бол гэж өмнөөс нь халаглаж, халширмаар үе ч тохиох.

Төв банк /Монголбанк/-ны тухай хуульд Төв банкны үйл ажиллагаа Засгийн газраас хараат бус байхаар заасан бөгөөд энэхүү заалт нь олон улсын жишигт нийцсэн дэвшилтэт заалт болсныг мэргэжилтнүүд онцолдог.

Гэхдээ Засгийн газраас хараат бус байх Төв банкны үйл ажиллагааг хязгаарлах хүчин зүйлс бий юу гэвэл бий. Тухайлбал, төсвийн бодлого алдагдсан үед Засгийн газар төсвийн алдагдлаа Төв банкны зээлээр санхүүжүүлэх сонирхол нэмэгддэг. Төв банк /Монголбанк/-ны тухай хуульд Монголбанкнаас Засгийн газарт олгох зээлийн хэмжээ сүүлийн 3 жилд төсөвт орсон орлогын дунджийн 10 хувиас хэтрэхээргүй байхаар заасан байдаг. Энэ нөхцөл байдал Засгийн газрын үнэт цаасны захын хөгжлийг саатуулах төдийгүй инфляцийн дарамтгүй санхүүжилтийн эх үүсвэр бий болгоход хүндрэл учруулдаг.

Өдгөө Монголбанкны хараат бусаар үйл ажиллагаа явуулах байдал хэдийнэ алдагдаж, УИХ болон Засгийн газрын улс төрийн популист шийдвэрийг хэрэгжүүлэгч болж хувирсныг хэлэх хүн олон буй. Зарим нь Төв банк эрх баригчдын сонгуулийн оноо цуглуулах, халамж, Covid-19-ийн дэмжлэг, хөнгөлөлттэй зээл зэргийг санхүүжүүлдэг “мөнгө хэвлэгч” болсныг ч онцолсоор ирсэн билээ.

Төсвийн алдагдал нэмэгдэж, инфляци өсч, ханшийн сулрал гаарч, гадаад өрийн дарамт нэмэгдсэнд Монголбанкийг буруутгаж, бие даасан мөнгөний бодлого явуулж чадахгүй байгааг нь шүүмжлэх хүн ч олон байгаа юм.

ОУВС-гийн Ажлын хэсгийнхэн өчигдөр (2022.09.28) Монголд ажилласан хугацааны “тайлан” мэдээллээ хийхдээ Монгол Улсын Төв банкийг “Улс төрийн шахалтаар хүсээгүй бодлого хэрэгжүүлдэг дэлхийн цорын ганц банк” гэж нэрлэв. Тэд Монголбанкны хараат бус байдал огт дээрдээгүй, Засгийн газар болон УИХ-ын улс төрийн шийдвэрээс хараат байдал хэвээр байна гэж үзэж буйгаа мэдэгдсэн юм.

“МОНГОЛБАНК МӨНГӨНИЙ БОДЛОГЫН ШИЙДВЭР ГАРГАХААСАА ӨМНӨ УЛС ТӨРИЙН ШАХАЛТААР
ҮҮРЭГ, ХАРИУЦЛАГАД ХҮЛЭГДДЭГ”

ОУВС-гийн Ажлын хэсгийн ахлагч Ангана Банержи хэлэхдээ “Монгол Улсын Их хурал өнгөрсөн гурван жилийн хугацаанд Монголбанкны “гарыг хүлсэн” гэж хэлж болохоор шийдвэрүүд гаргаж ирлээ. Монголбанк нэг гараараа эдийн засагт их хэмжээний мөнгө нийлүүлээд, нөгөө гараараа бодлогын хүүг чангалж, эдийн засгаа хумих арга хэмжээ авахад хүрч байна. Монголбанк хараат бусаар мөнгөний бодлого хэрэгжүүлж чаддаггүй, улс төрийн шахалтаар хүсээгүй бодлого хэрэгжүүлдэг байдал одоо ч үргэлжилж байна. Монголбанк өнөөдөр ийм нөхцөл байдалд орсон дэлхийн цорын ганц Төв банк.

Дэлхий даяар өдгөө Төв банкууд, тэр дундаа тэргүүлэх эдийн засаг бүхий улс орны Төв банкууд хүндхэн сорилтуудтай нүүр тулсан, хэцүү цаг үе. Харамсалтай нь, энэ үед Монголбанк хуулийн дагуу, хараат бус мөнгөний бодлого хэрэгжүүлж чадахгүй байгаа нь асуудал дагуулж байна.

Монгол Улсын Их Хурлын үйлдэл, шийдвэрүүд Төв банкны тухай хуулийг зөрчиж байна.

Монголбанкинд эдийн засагт дэмжлэг үзүүлэхийг шахаж, хүсээгүй шийдвэр гаргуулж байгаа нь өнөөдөр бидний ярьж байгаа төсвийн алдагдал, гадаад өр зэрэг тулгамдсан асуудлуудын суурь юм. Монголбанкны мөнгөний бодлогод улс төрийн нөлөөлөл үзүүлэх байдлаар халамжийг хавтгайруулж олгосон зэрэг шийдвэрүүдээ эргэн харж, улмаар зогсоох нь эдийн засагт тулгамдсан асуудлуудыг шийдэх гол гарц. УИХ өөрийнхөө баталсан Монголбанкны тухай хуулийг хүндэтгэж, дагаж мөрдөх хэрэгтэй.

Төв банк зөвхөн хэрэгжүүлсэн бодлогоо тайлбарладаг байх ёстой. Гэтэл Монголбанк мөнгөний бодлогын шийдвэр гаргахаасаа өмнө улс төрийн шахалтаар үүрэг хариуцлагад хүлэгдчихдэг. Монголбанк өөрөө бид сайн ажиллаж, ханшийг хяналтдаа барьж байна гэх зэргээр дүр эсгэхээ больж, мөнгөний бодлогын шийдвэрүүд яагаад үр дүнд хүрэхгүй байгааг олон нийтэд тайлбарлах хэрэгтэй” гэв.

Энэхүү дүгнэлтээр бид дэлхийд өрөвдөлтэй харагдаж буй нь тодорхой бөгөөд Монгол Улсын Их Хурал, Засгийн газар Төв банкаа хараат бус байлгаж, дарамтлалгүй, ажлыг нь хуулийн дагуу хийлгэ л гэсэн гол мессэж өгч буйг төвөггүйхэн ойлгож болох юм.

Олон улсын туршлагаас харахад, хараат бус Төв банктай улс орнуудын инфляци бага байдаг нь нотлогддог.

Энэ мэдээнд өгөх таны сэтгэгдэл?
14
ЗөвЗөв
3
ТэнэглэлТэнэглэл
2
ХахаХаха
2
ХарамсалтайХарамсалтай
2
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-09-29 66.181.189.175

Боловсрол муутай гишүүдийг хөдөөний тойргуудаас олноор сонгодогоос өнөөгийн УИХ-ын нэр хүнд муу байна.

Avatar

Зочин 2022-09-29 202.126.88.231

Ганц Монгоь банк ч биш Үндсэн Хуулийн Цэц, Дээд Шүүх, Прокурор Цагдаа Тагнуулын байгууллага Сонгуулийн Ерөнхий Хороо Төрийн албаны зөвлөл гэдэг байгууллагууд цөм үндсэн үүргээ гүйцэтгэж чадахгүй МАН-аас Хараат болсон шудрага ёс монголд байхгүй тэднийг томилдог биш ард түмнээс сонгодог ард түмэндээ тайлагнадаг л болгохгүй бол сөнөнө

Avatar

Зочин 2022-09-29 202.126.89.241

палдига сайт

Avatar

Зочин 2022-09-29 202.179.27.95

Төрийн банкинд төр хяналтаа тавихгүй , ОУВС хяналт тавих уу, даварсан юм бэ. Тусгаар тогтносон улс мөн үү

Avatar

Зочин 2022-09-29 192.82.90.70

tur gedeg bol maash urgun oilgolt shuu

Avatar

Хараа 2022-09-29 202.179.21.199

Ийм УИХтай байхад юм үнэтэй болж энгийн иргэдийн амьдрал улам муудана гэж байна. Тиймээс зөв бодлого явуулж чадах хүмүүсээ сонго, ах дүү хамаатан садангаараа, МАН намаараа энэ улс орныг цөлмөж байгааг болиулах хэрэгтэй байна даа.

Avatar

Зочин 2022-09-29 103.26.194.195

МАН Монгол банкийг, мөнгөний бодлогыг, эдийн засгийг самарч а л ж хаясныг ОУВС баталж хэллээ

Avatar

Зочин 2022-09-29 103.10.21.249

улс төр бгаа цагт эдийн засаг хэзээч сэргэхгүй эдийн засгийг дарамтанд оруулагч нь төр өөрөө энэ эмэгтэй мааш зөв олж харсан ийм л байсан ийм л бна монголын эдийн засаг сэргэхгүй луйварчид бгаа цагт

Avatar

Зочин 2022-09-29 103.161.242.135

Энд бодоод байх юмгүй. Төв банкны ажилтангууд дор хаяж тал нь далан зургаагийн хамаатан садан найз нөхөд нь байгаа даа…

Avatar

Зочин 2022-09-29 202.126.89.132

Ямаан сахалт яасан өрөвдүүлэх тактик шаагаад эхэлсэн үү. аль хэдийн халаад, шүүгээд, яллаад шоронд хатаачих газар толгойг нь илээд ш*** юмаа.

Avatar

Зочин 2022-09-29 66.181.160.20

Аль ч Засгийн газар улс төрийн бодлого хэрэгжүүлэгч байдаг учраас дарамт үзүүлэх оролдлого гарч таарна. Харин Төв банкны Ерөнхийлөгч нь улс төрчдийн тавиул этгээд байх юм бол тэгээд л дуусч байгаа нь тэр л дээ!! Төвбанкны Ерөнхийлөгч нь хуулиа хатуу баримтлаад Засгийн газрын хууль бус шахалтыг биелүүлэхгүй байх үүрэгтэй, хуулиар тийм боломжтой!!! Шальчигануур хүн бол чадахгүй л дээ!

Avatar

Монгол хүний төрх 2022-09-29 66.181.179.42

Монголчуудын дургүй Хятад улсад албан тушаалаа ашиглаж авилгал авсан бол бүх насаараа хорих – дээд хэмжээ өгдөг манайд авсан авилгалын мөнгөнөөс 40 саяыг төлөөд гэм буруугаа хүлээсэн гээд мултарна ? Сонгуулийн дараа төрийн өмчийн байгуулгад намын цүнх баригч нараар дүүрнэ. 60 тэрбум ЖДУ УИХ- гишүүд холбогдсон намдаа ялалтын бэлгийг өгнө. Төмөр зам 10 жил гацаасан нөхрөө ерөнхийлөгч болгоно.Итгэл найдварын гал сөрөг хүчин дотроо дэгээ хавх ашиглаж хорсолоо тайлна. Сайдын суудал зүүдлэнэ

Avatar

Зочин 2022-09-29 103.57.92.247

Дотооддоо засгийн газрын үнэт цаас гарга аа. 20 хувьтай байхад болно. Олон жилийн өмнө хийгээд, үр дүнтэй нь батлагдсан шүү дээ.

Avatar

Зочин 2022-09-29 202.126.90.23

Төв Банк ямар буруу байхвэээ….Цаана нь суугаа 76 Сангийн Сайд нарыхаа л учрыг ол ‼️Их мэдэгчид, Чадагчид , Популистууд….угтаа 76 бол зүгэр л н**ш – bullshit-үүд ‼️

Avatar

МОНГОЛ БАНКАА ЦЭВЭРЛЭХЭЭС ЭХЭЛЬЕ 2022-09-29 202.179.25.4

ДАРГА НАРЫН ЭХНЭР ,ХҮҮХДҮҮД ,БЭР, ХҮРГЭН, ХАМААТАН, САДНЫ ЦЭЦЭРЛЭГ БОЛСОН МОНГОЛ БАНКАА ЦЭВЭРЛЭХЭЭС АЖИЛ ЭХЛЭНЭ…. ТӨРИЙН МӨНГӨНИЙ БОДЛОГЫГ ХИЙЖ ЧАДДАГГҮЙ ГАНГАН КОСТЮМТАЙ КОФЕ УУСАН БАРАГ 300 ШАХАМ АЖИЛТАНТАЙ,… МОНГОЛ БАНКЫГ ҮНДЭС ЯЗГУУРААР НЬ ЦОО ШИНЭЭР ЗОХИОН БАЙГУУЛАЖ ӨӨРЧЛӨХ ХЭРЭГТЭЙ …. ЕРДӨӨ 30-ААС ИЛҮҮГҮЙ АЖИЛТАНТАЙГААР…. БУСДЫГ НЬ БҮГДИЙГ ХУВИЙН ХЭВШЛЭЭР ХИЙЛГЭДЭГ БАЙХААР …

Avatar

Зочин 2022-09-29 202.55.188.106

Ямар удирдагч байна тийм ард тумэн байдаг УИХ гэж хулгайч худалчаар дуурсэн байгууллагыг тараая!

Avatar

Зочин 2022-09-29 202.126.90.23

ЯГ ЗӨВ, УИХ ГЭЖ BULLSHIT-ҮҮД ‼️ МОНГОЛЫН ТӨР ЗАСГИЙН ТОГТОЛЦОО, БОДЛОГО ГЭД ХАМАГ ЮМС НЬ БУРУУГААС УЛС ОРНЫ БҮХ САЛБАРУУД ХҮНТЭЙГЭЭ ЮУТАЙГАА ДАМПУУ ‼️
ЯДААД АРДУУД НЬ УХАМСАРГҮЙ,

Avatar

Ард түмний сонголт -МАН 2022-09-29 66.181.179.42

Ямар ард түмэн байна тийм удирдагч нарыг төрүүлдэг . 2020-2021 оны сонгууль угтаж иргэн бүр 300 мян төгрөг авч үнэнгүй цахилгаан дулаан олон төрлийн хавтгайрсан халамж авсаны төлөөсөө нугалж төлөх цаг ирсэн.Үнийн өсөлт цалин тэтгэвэр халамж хадгаламж гээд бүгд үнэгүйдэлт 20-40% хүрч буцаан төлбөрөө өгч байна. 2018 онд М.Энхболдыг ерөнхийлөгч ерөнхий сайд гарамгай тавтайгаа нийлж байгаа өвлийн хүйтэнд талбай дээр жагсаж байгаад огцруусан үр дүн гарч байна

NewsMN Гар утасны хувилбар Татах
NEWS.mn

Мэдээллийн эх сурвалж