Дорнод аймаг нийгмийн салбартаа 21 аймагтаа жишиг болохуйц анхдагч олон төслүүдийг хэрэгжүүлж байна. Тодруулбал "Би сувилагч", "Дорнодын багш" төслүүдийг аймгийнхаа хэмжээнд болзолт уралдаан байдлаар зохион байгуулж шинэлэг санал санаачилга, ур чадварыг үнэлж, шилдэгээр шалгарсан 3 СУВИЛАГЧ, 4 БАГШИД орон сууц худалдан авахад зориулж тус бүр 20,0 сая төгрөгийн бодит дэмжлэгийг үзүүлжээ.

Төслийг санаачилж бодит ажил болгосон аймгийн Засаг дарга М.Бадамсүрэн нийгмийн баталгааг хангасан хөрөнгө оруулалтыг цаашид үргэлжлүүлж, бусад салбарт хэрэгжүүлхээ илэрхийлэв.