БАЙР СУУРЬ: Монголд эрчим хүчний тусгаар тогтнол маш чухал | News.MN

БАЙР СУУРЬ: Монголд эрчим хүчний тусгаар тогтнол маш чухал

БАЙР СУУРЬ: Монголд эрчим хүчний тусгаар тогтнол маш чухал

БАЙР СУУРЬ: Монголд эрчим хүчний тусгаар тогтнол маш чухал

Нийслэлчүүдийн эрчим хүчний хэрэглээ хэт их, эх үүсвэр хангалтгүй байгаагаас шалтгаалж энэ өвөл хөлдөх эрсдэл өндөр байгааг салбарын сайд анхааруулж буй. Тиймээс эрчим хүчний салбарт тулгамдаж буй асуудал, цаашид хэрэгжүүлэх боломжтой гаргалгааны талаар Эрчим хүчний яамны төлөөлөл болон Монголын эрчим хүчний инженерүүдийн холбоо, Сэргээгдэх эрчим хүч үйлдвэрлэгчдийн холбоо, инженерүүдийн байр суурийг хүргэж байна.


НӨХЦӨЛ БАЙДАЛ ХҮНДЭРЧ ҮНЭ ЗАЙЛШГҮЙ НЭМЭХ ШААРДЛАГАТАЙ БОЛЖ БАЙНА

Сэргээгдэх эрчим хүч үйлдвэрлэгчдийн холбооны ерөнхийлөгч Ж.Осгонбаатар:

-Дэлхий нийтэд эрчим хүчний салбарт тулгарч байгаа гол асуудал бол дэлхийн дулаарал, хүлэмжийн хийн ялгарлыг бууруулах. Үүний тулд цэвэр эрчим хүчийг хэрэглэх зайлшгүй шаардлагатай байна. Дэлхий нийтээрээ өнөөдөр хатуу түлшийг эрчим хүч үйлдвэрлэхдээ хэрэглэдэг. Тэгэхлээр тодорхой хувийг цэвэр эрчим хүч рүү шилжүүлж, 2050 он гэхэд хатуу түлшнийхээ оронд сэргээгдэх эрчим хүчийг хэрэглэдэг болоход зорьж байна. Энэ чуулга уулзалт цар тахлын дараа олон улсын төлөөллийг хамруулж зохиогдож байгаа гэдгээрээ онцлог. Өнгөрсөн хоёр жилийн хугацаанд ч мөн ногоон эрчим хүч, ногоон хэрэглээ, технологи зэргийг хамарсан сэдвүүдээр чуулга уулзалтыг зохион байгуулсан.

Эрчим хүчний хангамж хүндрэлтэй байгаа. Хотжилтоос шалтгаалж цаашид эх үүсвэрийг нэмэхгүй бол бүр ч хүндэрнэ.

Энэ бол цаг үеийн асуудал. Гэхдээ цаашид яаж эрчим хүчний найдвартай эх үүсвэртэй байх, бүтцийн хувьд ямар өөрчлөлт хийх шаардлагатайг шийдвэрлэхийг зорин ажиллахыг илүүд үзэж байна. Монгол Улсын эрчим хүчний үнэ дэлхийн бусад улс оронтой харьцуулахад маш хямд. Үнэ нэмж алдагдал нөхөх нь нэг талаар зөв хэдий ч нөгөө талаар нь авч үзвэл иргэдэд мэдээж хүнд тусна. Гэхдээ эрчим хүчний салбар сүүлийн 20-иод жил зах зээлд шилжилгүйгээр үнэ ханшаа хатуу бариад явсан.

Одоо нөхцөл байдал хүндэрч үнэ зайлшгүй нэмэх шаардлагатай болж байна.

Эрчим хүчний салбар мэдээж өөрөө бодлого зохицуулалт, системтэй. Систем нь нэгдсэн үйлдвэрлэлээрээ хэрэглэгчид рүүгээ эрчим хүчээ хангадаг. Тиймээс эх үүсвэрүүдийн хувьд тодорхой хувийг сэргээгдэх эрчим хүчнээс авах боломжтой. Монгол Улсын хувьд суурилагдсан хүчин чадлын 17-18 хувийг сэргээгдэх эрчим хүч эзэлж байна. Үйлдвэрлэлийн хувьд өнгөрсөн оны байдлаар 10 орчим хувийг сэргээгдэх эрчим хүчнээс бүрдүүлсэн. Цаашид сэргээгдэх эрчим хүч техник технологийн хувьд тогтвортой ажиллах боломж нь бүрдвэл хангамж өсөөд явна.

Гэхдээ сэргээгдэх эрчим хүч нь технологийн зардлын хувьд өндөр өртөгтэй. Харин нэг бий болгосон тохиолдолд үр өгөөж нь өндөр байдгаараа онцлог.

ХАМГИЙН ГОЛ НЬ ЭРЧИМ ХҮЧНИЙ ХЯМРАЛААС БОГИНО ХУГАЦААНД ГАРАХ

Эрчим хүчний инженер, профессор Н.Энэбиш:

-Сэргээгдэх эрчим хүчний эх үүсвэр нь байгаль экологи, хүрээлэн буй орчин, эдийн засгийн хувьд үр ашиг ихтэй. 1970-аад онд дэлхий дахиныг хамарсан нефтийн хямрал болсноор дэлхийн улсууд, ялангуяа капиталист орнууд сэргээгдэх эрчим хүчийг судлан хэрэглэхэд анхаарч эхэлсэн. Тэдгээрийн өрсөлдөгч байсан социалист орнууд ч мөн энэ чиглэлээр хамтран ажиллах болсноор, хуучнаар Эдийн засгийн харилцан туслалцах зөвлөлийн гишүүн байсан Монгол Улс сэргээгдэх эрчим хүчний хөтөлбөрт оролцож эхэлсэн. Өөрөөр хэлбэл, 1970-аад оны сүүлээр Монгол Улс энэ чиглэлийн анхны судалгааг хийж, зарим хөтөлбөр хэрэгжүүлж эхэлсэн дээ. Шинжлэх ухааны академийн Физик техникийн хүрээлэнд нарны зайн анхны лаборатори байгуулагдаж, судалгаа хийж,  малчин айл өрхүүдэд зориулсан жижиг оврын нарны зай хийх болсон.

Газарзүйн байршлын хувьд М онгол орон нарны эрчим хүчийг ашиглах хамгийн төгс таатай нөхцөл бүрдсэн орон.

Далай тэнгисээс хол, хуурай, эх газрын байршилд байдаг учраас нэгж талбайд тусах нарны цацрагийн хэмжээ маш өндөр. Ялангуяа говийн бүс нутаг нарны эрчим хүчний асар өндөр нөөцтэй. Африкийн Сахар гэх мэт дэлхийн бусад цөл газартай харьцуулахад Монголын говь их сэрүүн уур амьсгалтай. Гадаах агаарын температур сэрүүн байхад нарны зайн цахилгаан үйлдвэрлэл нь улам нэмэгддэг. Хүйтэн ч гэсэн цэлмэг нар тусч л байвал нарны зайн цахилгаан үйлдвэрлэл нь улам нэмэгддэг учир сэрүүн уур амьсгалтай байдаг нь Монгол Улсад нарны эрчим хүчийг ашиглах давуу тал болдог.

Бид эрчим хүчний хомсдолд орж байгааг их ярьдаг. Гэхдээ хамгийн гол нь энэ хямралаас яаж богино хугацаанд гарах вэ? гэдгийг чухалчилж авч үзэх нь ховор.

Энгийн арга бол хэрэглэгчид хэт хэрэглээгээ танаж, тодорхой хэмжээний хязгаарлалттай эрчим хүчээ ашигладаг болох. Ийнхүү ухаалаг, хэмнэлттэй зарцуулж чадвал эх үүсвэрүүдийн хүчин чадал тогтворжино. Тухайлбал 17:00-22:00 цагийн хооронд оргил ачааллын үе таарч бид Оросоос өндөр үнээр эрчим хүч авахаас өөр аргагүйд хүрч байна. Үүнийг иргэд ойлгож, хэт хэрэглээгээ тодорхой хэмжээнд бууруулах нь зөв.

ХУУЧИН ЦАХИЛГААН СТАНЦУУДЫН ХҮЧИН ЧАДЛЫГ ЦААШИД НЭМЭХ ЯМАР Ч БОЛОМЖГҮЙ

Монголын эрчим хүчний инженерүүдийн холбооны захирал, зөвлөх инженер Р.Ганжуур:

-Монгол Улс эрчим хүчний 20 хувийн дутагдалд орсон. Үүнээс гадна дулааны эрчим хүчний чадлын дутагдалд орсон. Цахилгаан станцуудын хүчин чадал хэрэглээгээ гүйцэхээ больсон гээд тулгамдаж байгаа асуудал их. Хоёрдугаарт, эрчим хүчний нийт тоноглолын 40 хувь нь ашиглалтын хугацаа нь дууссан. Гуравдугаарт, ОХУ-ын эрчим хүчний системийг найдвартай гэж үзэж болохооргүй байна. Эдгээрээс дүгнэж үзвэл эрчим хүчний салбарт гарцаагүй хүндрэл тулгарсан.

Хуучин буюу одоо ашиглагдаж байгаа цахилгаан станцуудын хувьд цаашид хүчин чадлыг нэмж ашиглах ямар ч боломжгүй. Шинээр баригдах цахилгаан станц ч гэж байхгүй. Одоогоор зөвхөн “ДЦС-3” ТӨХК-ийн 300 мегаваттын өргөтгөл яригдаж байна. Энэ бүтээн байгуулалт ашиглалтад ороход дөрвөн жил шаардлагатай. Түүнээс өмнө шинэ хүчин чадал, эрчим хүчний эх үүсвэр ашиглалтад оруулж чадахгүй гэсэн үг.

Тэгэхээр ирэх дөрвөн жилд нийслэлд нэг ч орон сууцны барилга барих боломжгүй, даац хэтэрсэн гэж ойлгож болно.

Эрчим хүчний эх үүсвэрийг нэмсний дараа бол хотжилт яаж явагдах боломжтой. Гол нь хэрэглэгчдийн тоог нэмэхгүйгээр дөрвөн жилийг хэрхэн давах вэ? гэдэг чухал. Нэмэлт хэрэглээг хязгаарлахгүйгээр одоогийн байгаа хүчин чадлаар эрчим хүчийг бүрэн хангах боломжгүй.

 Монгол Улсын эрчим хүчний тусгаар тогтнол өнөөдөр 100 хувь хангагдаагүй.

Тоон хувиар илэрхийлбэл 80 хүртэлх хувийг хангаж байна. Үлдсэн 20 хувийг Орос болон Хятадаас импортоор авч байгаа. Энэ бол тусгаар тогтнол хангагдаагүй байгаагийн илрэл. Шинэ цахилгаан станц бий болгож байж л дотоодын хэрэгцээг бүрэн хангах асуудлыг шийдвэрлэнэ. Түүнээс өнөөгийн нөөцөөр эрчим хүчний салбар тусгаар тогтноно гэвэл боломжгүй. Мөн шинэ, томоохон бүтээн байгуулалтуудыг иргэд зөв талаас нь хүлээж авах нь чухал.

Тавдугаар цахилгаан станц, Багануурын цахилгаан станцын жишээг одоо Эрдэнэбүрэнгийн усан цахилгаан станц дээр давтах эрсдэл үүсээд байна. Тиймээс иргэд өргөн хүрээний мэдээллийг авах нь зөв.

Угтаа баруун бүсийн гурван аймгийн хэрэглэгчдийн эрчим хүчний тусгаар тогтносон байдал өнөөдөр 30 хувийн хангамжтай байгаа. 70-аас илүү хувь нь импортын эрчим хүчээс хамааралтай.

Тэгэхлээр энэ тохиолдолд иргэд төдийгүй хэвлэл мэдээллийн байгууллагууд зөвөөр танин мэдүүлж эрчим хүчний обьектуудыг яаралтай хугацаанд ашиглалтад оруулах тал дээр анхаарах хэрэгтэй.

ХҮЧИН ЧАДЛЫН ДУТАГДАЛД ОРСОН НЬ ТАРИФЫГ ОЛОН ЖИЛ БОДИТ ӨРТГӨӨС БАГА ТОГТООЖ ИРСЭНТЭЙ ХОЛБООТОЙ

Эрчим хүчний яамны бодлого төлөвлөлтийн газрын дарга Б.Ерэн-Өлзий:

-Эрчим хүчний салбар нөөц тоноглолгүй болчихсон. Өвлийн өндөр ачаалалтай саруудад бүрэн хүчин чадлаараа ажиллана. Гэхдээ өмнөх жилүүдэд ямар нэг доголдол гарч, тоноглол саатах үед хэрэглээг хязгаарлаж байсан.

Тиймээс одоо бол аль болох хэрэглээг хязгаарлахгүйн тулд л ажиллаж байна.

Хүчин чадлын дутагдалд орж хэрэглээг хязгаарлаж буй суурь шалтгаан нь хэрэглэгчийн тарифыг олон жилийн турш бодит өртгөөс бага тогтоож ирсэнтэй холбоотой. Хөрөнгө оруулалтыг хязгаарлаж байсны улмаас эрчим хүчний компаниуд өргөтгөлийн ажлаа хийхэд хүндрэл учирсан. Эрчим хүчний үйл ажиллагааг найдваржуулах шаардлагатай. Өнөөдөр бүх зүйл дээр үнийн өсөлт явагдаж байна. Зардал нэмэгдэж байгаа учир дулааны үнэ нэмэгдэж л таарна. Үнээ өсгөхгүй гээд байгаа бол юугаар дараагийн засвар үйлчилгээгээ хийж, найдвартай байдлаа хангах билээ дээ. Үйлдвэрлэсэн бүтээгдэхүүнээ бодит өртгөөр худалдах ёстой шүү дээ.

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-09-29 192.82.67.51

эрчим хүчний яамныхан, тэдэнтэй түрийвч нэгтэй компаниудын шуналаас л болж ийм байдалд байгаа юм шүү дээ. Цахилгаан станцын төхөөрөмжүүдийг албаар эвдэн, устгаж, сэлбэг дээр нь оросорс авахдаа дунд нь ихээхэн цавчаа хийдэг шүү дээ. Одоо сүүлийн үед Хятадуудтай нийлж, усан цахилгаан станц дээр цавчаа хийдэг болсон гэж салбарынхан нь ярих юм билээ. Эрчим хүчний яам ийм байгаа цагт эрчим хүчний тусгаар тогтнол гэж байхгүй байхоо.

Avatar

Зочин 2022-09-29 202.9.46.61

Энэ хэдэн МАНы бөгсчид салбараа хөгжүүлээгүй байж Хятадын өрөнд орж улсаа худалдах далд санаатай данхан фүүгийн бодлогыг далдуур сурталчилж байна. МАН сөнөтүгэй.

Avatar

Зочин 2022-09-29 66.181.161.32

Монголчууд эрчим хүчнийхээ үнэ тарип тогтоодог зохицуулах хорооны даргаараа хэдэн жил хасаг хүн тавьж удирдуулаад салбараа тэр чигээр нь дампууруулаад хаячихсан энэ өвөл хаа сайгүй хөлдөнө дөө яанаа. Хасагийг 2 ангилдаг 1-т муу хасаг 2-т маш муу хасаг гэдэг юмдаа.

Avatar

иргэн 2022-09-29 103.212.118.88

та нар30жил юу хийж байсан хөгшчүүл вэ??????!!!!!!Ард түмэнгмдоод дээдгүй л айлгж дарамтлахнь танай намын ажил юмуу.!!!!!!Тогусны мөнгө зөндөө л өгдөг Та нарт өргүй !!! ажилаа хийж чаддагхүнд өгцөхөө Хөгшчүүлээ!!!!!!!!!

Avatar

Зочин 2022-09-29 202.21.104.2

Энэ асуудлыг 30 жил ярьж байна. Өчнөөн боломж байсан. Даваасүрэнгээс авхуулаад авилгач сайд, гишүүд, нам дагасан мэргэжлийн бус дарга нар нь авилга, хувь хараад ямарч төсөл хөтөлбөрийг явуулдаггүй, гацаадаг..Монголоо хорлосон бүх авилгачдыг шонд өлөж шоронд хатаа! Хаа очиж шоронд суулгачаад байгаа Сономпилийн буянаар эрчим хүчний үйлдвэрлэл тодорхой хувиар өссөн гэж мэргэжлийн хүмүүс ярьж бнлээ. Ажил хийснээ барьж хорьчоод авилгач, самраачид нь жүжиг тавиад ярьж л байдаг.ккк

Avatar

Иргэн 2022-09-29 66.181.191.178

Муу АН-ынхан, АНУ-ын даалгавраар эрчим хүчний салбарыг битгий оролдоод бай.

Avatar

Зочин 2022-09-29 43.242.242.59

Атомын цахилгаан станц бол Монголын эрчим хүчний го найдвар юм. Дэлхийн бүх улс хэдэн арван атомын цахилгаан станцтай байхад Монгол ганцыг ч бариагүй байна.Манай улс түүхий эдээр баян бас гарсан хаягдлыг булшлах талбай ихтэй эрс тэрс хүйтэн уур амьсгалтай мөртлөө огт барьдаггүй нь дарга нарын эрчим хүчний салбараас мөнгө цохидог боломжийг нь хаах гээд байгаатай холбоотой юмаа

Avatar

иргэн 2022-09-29 202.21.126.195

Чойжилсүрэн сайдаа та энэ УБДСТӨХК-н ажилтай танилцаж буруу үг үйлдлээ засаж өгөхгүй байгаа нөхдүүдэд хариуцлага тооцож мэдрүүлэх цаг болсонг ухаарч биеэрээ бүр зорин очиж халаалт,халуун усын өгөөгүй байгуулагын хүмүүстэй уулзаж бидний ажлыг хэвийн явууллахад туслаачээ.Энэ дулааны хүмүүс халаалт халуун ус хаагаад үйл ажиллагаа явуулах боломж олгохгүй байна

Avatar

Зочин 2022-09-29 202.126.89.31

Яг тусалж харагдаач!

Avatar

иргэн 2022-09-29 202.21.126.195

Хүнд байгаа үед нь давхцуулж бас цахилгаан халаалтаар нь дарамтлаж байгаа нь хир үнэнд нийцэх бэ.Аж ахуй нэгж байгууллагаа дэмжинэ гэсэн мөртлөө татвар даатгал гэрэл халаалтын нэмэхээр юу дэмжиж ажиллах болох бэ дээ.Одоо ч гэсэн халаалт халуун усаа хаагаад хязгаарлаад байгаа шүү дээ Баярсайхан даргатай дулааны компани чинь.Үүнийг өгүүлэх эрх мэдэл байна уу төр ЗГ-т

Avatar

иргэн 2022-09-29 202.131.227.82

СЭРГЭЭГДЭХ ЭРЧИМ ХҮЧ ГЭДГЭЭР САР БҮРИЙН ТОГНЫ МӨНГӨН ДЭЭР ТӨЛБӨР АВДАГ. ТЭР МӨНГӨ ЮУНД ЗАРЦААЛАГДААД ЮУ БОЛООД БАЙНА ВЭ.

Avatar

Zochin 2022-09-29 147.161.194.127

Энэ олон жил станцаа барихгүй юугаа хийж байсан яам бэ?

Avatar

Монгол... 2022-09-29 202.126.90.23

Монголын Бүх Зовлон МЭДЭХГҮЙ, ЧАДАХГҮЙ, БАЙХГҮЙ, МАРГААШ гэх зэргээс нь л үүдэлтэй дөө хөөрхий…..

Avatar

Зочин 2022-09-29 202.126.90.23

Станц барьж чаддагүйээ

Avatar

😡 2022-09-29 202.21.108.236

Үнээ нэмнэ гэдэг гэхийг бодоход ард иргэдийн амьдрал сайн л байгаа юм байхдаа!!! Бүх юмны үнэ ч муухай өсч байна даа!!!

Avatar

зочинбБ 2022-09-29 202.9.46.185

Бурууг Орос бусад руу өөрт ашиг унц орж ирэхгүй бол шалтаг шалтгаан хэлээд гацаадаг их мэдэгч нар маш олон гарц гаргалаа байгаа хийх сонирхолгүй үнэ нэмж ашиг олох махан толгойнууд чадахгүй бол ажлаа өг

Avatar

БД 2022-09-29 202.179.26.151

Усны Эрчим ХХК 2022 оны эхээр 650 МВт чадалтай жилд 2 тэрбум цахилгаан үйлдвэрлэх өндөр түрэлтийн 4 УЦС-ыг 650 сая ам.доллараар 2022-2028 онд байгуулах саналаа ЭХЯ-д тавьсан. Түүнийг байгуулбал Монгол Улс өөрийн бие даасан эх үүсвэртэй болно. Дээр санал хэлсэн улс бүгд манай төслиййг мэдэж байгаа боловч нэг ч дурьдсангүй. Эрчим хүчний хөгжилд улс төр ороод хязгаарлаад байгаа нь хөгжлийг тушиж байна

Avatar

Зочин 2022-09-29 64.119.23.38

5толгойн цахилгаан станц дээр хүртэл хөрөнгө оруулагч ороод ирчихсэн сурагтай. Төр засаг өөрсдөө гацаагч нар байдгийн гэсэн

Avatar

Зочин 2022-09-29 103.9.89.194

Ганжуур гээд залилан мэхлэгч өвгөн явж байна.

Avatar

Зочин 2022-09-29 103.229.123.124

Эрчим хүчний шинэ эх үүсвэр саатах бүрт нэг увс байдаг гэж ойлгодог.

Avatar

Код 2022-09-29 202.126.88.199

Оросууд 3-р цахилгаан станцыг шинэчилнэ гэж тогтоол гарснаас хойш бараг 6 жил боллоо. Бараг тендер шалгаруулалт хийгээд эхлэхэд бэлэн болчихсон ажлыг Хүрэлсүх Даваасүрэн нар цуцалсан. Оросууд Монголчуудыг эрчим хүчээр КОЛОНИ байлгахын төлөө байдаг болохоос хэзээ ч ТЭЦ-3-ыг шинэчлэхгүй.

Avatar

Зочин 2022-09-29 103.161.242.135

Яриад л байдаг яриад л байдаг. Аль соц үеэс л яриад байсан, тавь жаран жил ярьлаа, ганц дөрөвөөс өөр юм алга. Тэрийг нь ЗХУ байхдаа сүр дуулиантай босгосон. Одоо хэзээ мөдгүй амь нь тасрах болчихоод сандралдаад гүйцгээж байгаа биз дээ. Энэ нас тогтсон инженерүүд мөн барьж харагданадаа. Үнэ нэмж, амаараа бааж чаднадаа…

Avatar

Зочин 2022-09-29 66.181.160.90

Оросын хуучирсан хоцрогдсон технологитой хуучин ДЦС-уудаа сүүлийн 30 жилд тордоход зарцуулсан зардлаар орчин үеийн хэд хэдэн цахилгаан станц барих боломж байлаа!! Манай төр засгийн хульчгар, цаг нөхцөөсөн, аргацаасан бодлогын хар гай!!! Улс орны ирээдүйн төлөө биш, 4 жилийн дараа яаж дахин сонгогдох вэ гэдгийн төлөө ажилладаг төр засагтай явж ирсний балаг!! 2-рт, ОХУ манайхыг эрчим хүчний хараат байлгахын тулд Даваасүрэн мэтийн урвагчдаар хорлон саатуулах ажиллагаа амжилттай явуулж буй үр дүн!!!

Avatar

Зочин 2022-09-29 192.82.68.225

Дарь дээр давс яаж энэ хүнд үед үнээ нэмэх юм .Ардууд аж ахуйн нэгж сөхөрч бна шүү .

Avatar

Онч 2022-09-29 66.181.185.30

Даарин дээр давс хийх

Avatar

Зочин 2022-09-29 203.17.23.221

Дэлхийн улс орнууд сэргээгдэх эрчим хүчнээс илүү найдвартай эрчим хүчний тухай ярих болж, бодлого нь өөрчлөгдөж байх шиг, бид ахиад л буруу чиглэлд явж байна..

Avatar

Зочин 2022-09-29 64.119.23.38

Чойжилсүрэн сайд аа том төслүүдийг хөдөлгөх ажил яасан Чадахгүй бол эртхэн зайлаарай. ТЭЦ-3-ыг Оросуудаар хийлгэнэ гэдэг элий балай мөрөөдлөө ХАЯХ. 100 % ямар нэгэн байдлаар дотоодоос яаралтай хөрөнгө босгохоос өөр гарц байхгүй шүү

NewsMN Гар утасны хувилбар Татах
NEWS.mn

Мэдээллийн эх сурвалж