“Royal UK” нэртэй хатан хааны гэр бүлийн албан ёсны цахим хуудас байдаг. Тэгвэл Харри, Меган нарын танилцуулга хэсэг цахим хуудасны хамгийн доод хэсэг рүү шилжсэн тухай “Dailymail” хуудас мэдээлэв. Хатан хааныг нас барсны дараа цахим хуудсыг шинэчилсэн аж. Тэдний танилцуулга хэсэг гүнж Александра, Глостерийн герцог, гүнгийн авхай нараас доош шилжжээ.

Танилцуулга хэсгийн хамгийн доод талд Йоркийн гүн хунтайж Эндрю байгаа бол түүний дээд хэсэгт Меган, Харри гэсэн дарааллаар орсон байна. Өмнө нь тэдний нэр хуудасны дундуур хэсэгт байрлалтай байсан.

Хатан хааны оршуулгын маргааш Харри, Меган нар хаан Чарльз, хунтайж Уильям нартай санал зөрөлдөөнөө шийдвэрлэлгүйгээр Калифорнид буцаж ирсэн. Хааны гэр бүлийн шинжээчийн мэдээлснээр Харри, Меган болон хаан III Чарльз нарын хооронд хүүхдүүдийн цол хэргэмтэй холбоотой хурцадмал байдал үүссэн гэв.

Эх сурвалж: DAILY MAIL