Дундаж цалин эрчүүдийнх 1.7 сая, эмэгтэйчүүдийнх 1.4 сая төгрөг байна | News.MN

Дундаж цалин эрчүүдийнх 1.7 сая, эмэгтэйчүүдийнх 1.4 сая төгрөг байна

Дундаж цалин эрчүүдийнх 1.7 сая, эмэгтэйчүүдийнх 1.4 сая төгрөг байна

Дундаж цалин эрчүүдийнх 1.7 сая, эмэгтэйчүүдийнх 1.4 сая төгрөг байна

Нийгмийн даатгалын ерөнхий газрын нийгмийн даатгалын шимтгэл (НДШ) төлөлтийн тайланд энэ оны хоёрдугаар улирлын байдлаар 48.3 мянган аж ахуйн нэгж, байгууллага (ААНБ)-ын 742.5 мянган ажиллагч хамрагджээ. НДШ төлж буй ААНБ-ын тоо өмнөх оны мөн үеийнхээс 2.8 (6.1 хувь), өмнөх улирлынхаас 1.4 (3 хувь), ажиллагчдын тоо өмнөх оны мөн үеийнхээс 44.3 (6.3 хувь), өмнөх улирлынхаас 24.8 (3.5 хувь) мянгаар нэмэгдсэн байна.

НДШ төлөлтийн тайланд хамрагдсан нийт даатгуулагчийн 108.6 (14.6 хувь) мянга нь боловсролын, 104.2 (14 хувь) мянга нь бөөний болон жижиглэн худалдаа, машин, мотоциклийн засвар үйлчилгээний, 79.6 (10.7 хувь) мянга нь төрийн удирдлага, батлан хамгаалах үйл ажиллагаа, албан журмын нийгмийн хамгааллын, 75.3 (10.1 хувь) мянга нь боловсруулах үйлдвэрлэлийнх байна. Мөн 50.9 (6.9 хувь) мянга нь барилгын, 47.4 (6.4 хувь) мянга нь хүний эрүүл мэнд, нийгмийн халамжийн үйл ажиллагааны, 44.3 (6 хувь) мянга нь тээвэр, агуулахын үйл ажиллагааны, 42.4 (5.7 хувь) мянга нь уул, уурхай олборлолтын, 29.6 (4 хувь) мянга нь санхүүгийн болон даатгалын үйл ажиллагааны, 160.2 (21.6 хувь) мянга нь бусад салбарын ажиллагчид аж.

Нийгмийн даатгалын ерөнхий газрын НДШ төлөлтийн энэ оны хоёрдугаар улирлын тайланд хамрагдсан 742.5 мянган ажиллагчийн сарын медиан цалин 1160.2 мянган төгрөг байна. Медиан цалин өмнөх улирлынхаас 93.6 (8.8 хувь) мянган төгрөгөөр нэмэгджээ. Нэг ажилтанд ногдох сарын дундаж цалин энэ оны хоёрдугаар улирлын байдлаар 1544.4 мянган төгрөг болж, өмнөх оны мөн үеийнхээс 214 (16.1 хувь) мянга, өмнөх улирлынхаас 94.4 (6.5 хувь) мянган төгрөгөөр нэмэгдсэн байна.

Дундаж цалинг хүйсээр авч үзвэл, энэ оны хоёрдугаар улирлын байдлаар эрчүүдийнх 1.7, эмэгтэйчүүдийнх 1.4 сая төгрөг байгаа аж. Ажиллагчдын сарын дундаж цалинг эдийн засгийн бүх төрлийн үйл ажиллагааны салбарын ангиллаар авч үзэхэд уул уурхай, олборлолтын салбарт ажиллагчдын цалин хамгийн их буюу 3.4 сая төгрөг, урлаг, үзвэр, тоглоом наадмын салбарт ажиллагчдын цалин хамгийн бага буюу 1 сая төгрөг. ААНБ-д ажиллагчдын сарын дундаж нэрлэсэн цалин энэ оны хоёрдугаар улиралд 2015 оныхоос 77.8 хувиар нэмэгдсэн ч худалдан авах чадварыг илэрхийлэх бодит цалин 14.6 хувиар нэмэгджээ.

Үндэсний статистикийн хороо мэдээлснээр, НДШ төлөлтийн тайланд хамрагдсан нийт даатгуулагчийн дотор 700 мянгаас 1.1 сая төгрөгийн цалинтай даатгуулагчийн эзлэх хувь хамгийн их буюу 22.8 хувь, харин 3 саяас дээш төгрөгийн цалинтай даатгуулагчийн эзлэх хувь хамгийн бага буюу 8 хувьтай байна.

ААНБ-ын ажиллагчдын сарын дундаж цалин тухайн байгууллагын ажиллагчдын тооноос хамаарч байна. Энэ оны 2 дугаар улирлын байдлаар ажиллагчдын сарын дундаж цалин Улаанбаатар хотод 1.7 сая төгрөг байгаа нь улсын дунджаас 110.3 (7.1 хувь) мянган төгрөгөөр их байхад бусад бүсэд улсын дунджаас 67.6-485.4 (4.4-31.4 хувь) мянган төгрөгөөр бага байна.

Ажиллагчдын сарын дундаж цалинг ажил, мэргэжлийн ангиллаар авч үзэхэд 2 дугаар улирлын байдлаар суурин төхөөрөмж, машин механизмын операторч, угсрагчийн сарын дундаж цалин хамгийн их буюу 2 сая төгрөг, харин хөдөө аж ахуй, ой, загас агнуурын мэргэшсэн ажилтных 839.8 мянган төгрөг буюу хамгийн бага байлаа.

Б.ЖАРГАЛ

Энэ мэдээнд өгөх таны сэтгэгдэл?
7
ХахаХаха
5
ТэнэглэлТэнэглэл
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БГД -ын иргэн Х.Батсайхан 2022-09-27 103.212.118.167

Уул уурхайн цалин гээд байх юм. Эхлээд хүний хөдөлмөрийн хөлсийг тогтоох хэрэгтэй. Ж:нь гадаадын хөрөнгө оруулалттай байгуулага 5саяаас эхлэж байна. 12 цаг ажиллаж байж, Харин дотоодын компаниудын хөдөлмөр хөлс өнөөдөр бодит байдал 630 мянган төгргөөс 2-саяын хүрэх үү үгүй юу л байна. Амьдралд нийцсэн зүйл алга даа бодит байдал бидэнд хэрэгтэй.

Avatar

Зочин 2022-09-27 202.179.26.91

Orosiin Buryadad dundaj tsalin 50 000 rubl gej bainle tugruguur 2600000

Avatar

Haramsaltai 2022-09-27 66.181.183.93

shal hudlaa. zasgiin gazar ogtsor

Avatar

Зочин 2022-09-27 64.119.24.139

Ийм цалинг хэн аваад байдаг юм бол. уул уурхайг тусд нь гаргалдаа. Багш эмч нартай уусгаад дундажлаад өндөр цалин болроод байх юм. Ичээч та нар.

Avatar

Зочин 2022-09-27 161.81.109.47

Уул уурхайд ажиллал даа, өөрийгөө дайчлаагүй байж гомдоллод суух юун

Avatar

Зочин 2022-09-27 203.17.23.221

Үндэсний статистикийн газар хаанаас тоо авдаг юм бол, дарга нарын үзэмжинд нийцүүлсэн статистик гаргахаа болох хэрэгтэй. Бодит амьдралын үзүүлэлт юм байх боломжгүй байна. Монгол улсад энгийн төсөөллөөр төрийн албан хаагч 180000, дундаж цалин 700000, малчин, тариаланч 350000 дундаж ихдээ 500000, нийтийн үйлчилгээ 250000 дундаж цалин 500000 гэхэд яаж 1,4 гараад байна аа.

Avatar

Хаха. 2022-09-27 124.158.95.169

Энэ 2030 оны судалгаа юу?

Avatar

зочин 2022-09-27 43.242.243.43

Монголын статисик дундаж цалин гаргадаг аргачлалаа өөрчлөхгүй бол дандаа худлаа мэдээ гаргах болно. Салбараар дундаж цалинг гаргавал бодит байдалд нийцнэ: Статистик нь улс төрд үйлчилсэн мэдээгаргаж байгаа шүү.

NewsMN Гар утасны хувилбар Татах
NEWS.mn

Мэдээллийн эх сурвалж