Аян замын тэмдэглэл: Нью Йоркод ч бас түгжирдэг, гэхдээ | News.MN

Аян замын тэмдэглэл: Нью Йоркод ч бас түгжирдэг, гэхдээ

Аян замын тэмдэглэл: Нью Йоркод ч бас түгжирдэг, гэхдээ

Аян замын тэмдэглэл: Нью Йоркод ч бас түгжирдэг, гэхдээ

Нью Йорк хотыг дэлхийн санхүүгийн төвүүдийн нэг гэж тодорхойлдог бөгөөд дэлхийн 144 тэрбумтан амьдардаг хот. Дэлхийн бизнесийн төв болох тус хот нь хамгийн их хүнтэй, ес орчим сая хүн амьдардаг.

Түм түжигнэсэн Нью Йорк хотын гудамжинд 30 минут, нэг цаг түгжрэх энгийн үзэгдэл. Энд түгжрэл бол нийтийн асуудал боловч бүгд үүндээ зохицон амьдарна. Учир нь эд ажлын цагаар түгжрэл их учраас хотын төвөөрөө алхах, дугуй унахыг Нью Йоркчууд илүүд үзнэ. Эсвэл метро сонгоно. Нью Йоркчуудын хэлдгээр түгжрэлдээ “дассан” учраас цагаа урьдчилж тооцох, түрээсийн дугуйн үйлчилгээг сонгох нь түгжрэхгүй ажлаа амжуулах том боломж гэнэ. Түгжрэлийг шийдэх гарцаа тэд авто машины татвар, зогсоолын төлбөрөөр шийдэхээс гадна иргэдийн алхах, дугуйтай явах боломжуудыг бий болгожээ. Нью Йорк хотын хувьд авто замтай хослуулсан дугуйн зам нь яарч, сандарсан нэгэнд бол түгжрэлгүй ганц зам нь.

PAID PARKING БУЮУ ТӨЛБӨРТЭЙ ЗОГСООЛ

10 майл явах газрыг 30 минут, нэг цаг ч түгжирдэг учраас иргэд нь түрээсийн дугуйг сонгох эсвэл алхчихна. Гудамж талбайн тэмдэглэл, чиглэл нь маш тодорхой учраас төөрөх, олохгүй байх явдал бараг л гарахгүй. Хотын төв хэсгээр сүндэрлэсэн өндөр байшингуудыг дагаад автомашины зогсоолыг төгс шийджээ. Хотын төв хэсэг нь тэр чигтээ автомашины төлбөртэй зогсоолтой.

Мөн зарим хэсгүүдэд авто машины зогсоол нь өндөр төлбөртэй учраас нэг газраас нөгөө рүү явахдаа автомашины төлбөргүй газар байршуулаад алхаад явах нь элбэг аж. Барилга, оффис, худалдааны төвүүдийн дор маш том талбайтай, олон давхар авто зогсоолууд байршуулсан. Эдгээр зогсоолууд бүгд төлбөртэй. Иргэд нь төлбөртэй зогсоолуудаа ашиглаад сурчихсан учраас төвөгшөөхгүй. Автомашины  зогсоолын төлбөрөө төлөөгүй бол өөрт нь утсаар мэдэгдэж, төлбөрөө төлөөгүй бол дараагийн удаа замын хөдөлгөөнд оролцоход нь тодорхой сануулга өгнө. Татвар, төлбөр төлөөгүй бол замын хөдөлгөөнд оролцоход хүндрэлтэй.

ТҮГЖРЭЛ ШИЙДЭГЧ ТҮРЭЭСИЙН ДУГУЙН ҮЙЛЧИЛГЭЭ

Нью Йоркийн “City bike” үйлчилгээ бол энэ хотын иргэдийн хамгийн хэрэгцээтэй үйлчилгээ. Түрээсийн дугуйн үйлчилгээ 24/7 цагаар ажиллах боломжтой бөгөөд хотын хаа сайгүй байршуулсан.

Ялангуяа түгжрэлээс татгалзаж буй иргэдийн хувьд түрээсийн дугуйг дурын цэгээс авч, хүссэн газраа үлдээж болдог. Түрээсийн дугуй үйлчилгээг өдөр, хэдэн өдөр эсвэл нэг жилээр ч цэнэглэж, хэрэглэх боломжтой. Нью-Йоркчуудын хэлж буйгаар түрээсийн дугуйг бусад улс, хотуудаас ирж буй жуулчид, зочдод илүү тохиромжтой гэж үздэг. Дугуйн зам нь автомашины замтайгаа зэрэгцээ байдаг учраас явахад аюулгүй байхаар хотын замын төлөвлөлтийг хийжээ.

Авто зам дагасан явган хүний зам, дугуйн замын шийдэл нь хүн ам суурьшсан хотуудад тулгамддаг асуудал. Гэхдээ улс орон бүр өөр өөрийн онцлогт тааруулсан татварын болон зам талбайн зохион байгуулалтыг зөв төлөвлөж шийдсэн байна. Улаанбаатар хотын хувьд ч түгжрэл бол том асуудал. Тиймээс гарах гарц, шийдлийг зөв олохоос гадна, иргэдийнхээ аюулгүй байдлыг хангасан зөв зохион байгуулалт маш чухал гэдгийг Нью Йоркийн жишээнээс харж болно.

Ш.ЧИМЭГ

Энэ мэдээнд өгөх таны сэтгэгдэл?
10
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

xetlr 2022-09-26 50.209.244.81

– safe.

Avatar

Зочин 2022-09-26 50.209.244.81

ard+crazy

Avatar

Зочин 2022-09-26 202.55.188.99

Америкийн хотуудыг яаж монголтой зүйрлэх вэ дээ. 3-4 байшин өнгөрөхөд л авто замууд нь хотын аль ч зүг рүүгээ явах боломжтойгоор төлөвлөгдсөн байдаг. Манай хот шиг гудамжуудыг нь мухар, мухар битүүлээд зураг төсөл гаргаж хот төлөвлөлтөө хийх биш дээ. Түгжирсэн ч зохих хэмжээнд хөдөлгөөнөө хадгалсаар л байдаг. Америк хотууд 200-300 м тутамд автозамаа төлөвлөсөн байдаг. Харин манайд бол бараг 1км шахуу явж нэг хороолол хотхоноо тойрч гардаг. Дээр нь хамаг эргэлтүүдийг нь хаагаад хаячихсан…..

Avatar

Зочин 2022-09-26 202.9.46.83

Нью Йорктой УБ-г зүйрлүүлээд яах нь вэ? Лав л тэнд замын түгжрэл хариуцсан сайд байхгүй шүү ккккк

Avatar

Зочин 2022-09-26 202.55.188.114

УИХ гэж хулгайч худалчаар дуурсэн байгууллагыг Баян олгийд ажиллуулж Улаанбаатар хотын тугжрэлийг бууруулахад нэмэр болгое эсвэл УИХ гэж хулгайч худалчаар дуурсэн байгууллагыг тараая!

Avatar

Зочин 2022-09-26 202.70.37.50

Энэ гудам шиг нэг чигийн хөдөлгөөнөөр зохион байгуулвал түгжрэл буурнадаа

Avatar

Н.Адан 2022-09-26 103.212.119.180

Монголд замын цагдаа байхгүй, тээврийн цагдаатайг тэр иргэн дуулаагүй бололтой. Манайхан гадаадад дүрэм зөрчдөггүй, УБ-т ирээд хамаагүй болдог юм. Дүрэмгүйчүүдийг оцойтол торго!!!

Avatar

zochin 2022-09-26 202.126.89.16

Манай Улаанбаатарын түгжирлийг ямар түгжрэл гэдэг юм шээсний газар явган алхахад л болно түгжрэл хүнээс л үүдэлтэй хүн бүхэн хичээвэл түгжрэхгүй 10 жилийн дараа зүгээр болгоо хүний ухамсар дээшлэнэ

Avatar

Анхаар 2022-09-26 172.58.227.204

Америкийг Монголтой ,Нью-Йоркийг УБтай битгий зүүрэлж онигоонд ор

Avatar

Зочин 2022-09-26 202.126.90.47

Нью-Йорк бүтээдэг хот. Харин УБ гэх нью оркуудын хувьд нэгнээ дөнгөж нэгнээ дарамталж нэгнээ стресстүүлж нэгнээ хорлодог хот. Ялгаатай шүү.

Avatar

Зочин 2022-09-26 202.55.191.130

taxi yamar ikh baigaag ene zuragnaa l halj bolno. taxi hurgelt hiine gereegeer togtson tsagt ochij avna hurgej ugnu. humuus ni uuriin ezemshliin bair aa tureesleed ajliinhaa oirhon bairand turees tulj amidardag.

Mongold ene uuriin bair aa tureesleed ajilladag surdag gazriin oiroltsoo amidrah ni tun zuv zuitei arga. UB huiten gehdee NY ch adilhan. tegheer tureesiin soyol oo saijruultsgaaya,

Avatar

Зочин 2022-09-26 64.119.24.173

Ялангуяа хотын төвд машины зогсоолын үнэ өндөр, өдөрт олсон мөнгө нь машины зогсоолын төлбөрийг ч дийлэхгүй тохиолдол олон гардаг гэсэн. Ихэнх иргэд хотын гаднаас ирдэг, нийтийн тээвэр сул хөгжсөн.Иймд заавал хувийн машинтай байх хэрэгтэй .Гэтэл үнэ их. Нийт иргэд сургалт байр унаа г м.ыг зээлээр авч банкны зээлэнд насаараа дарлуулдаг. Ихэнх иргэд алсаас унаагаар ирж анхны метроны будал орчим машинаа тавьж,ажил хүртлээ метро нийтийн бусад унаагаар явдаг гэсэн.

Avatar

Иргэн 2022-09-26 103.57.93.50

Замын цагдаа бараг харагддаггүй нь сонин.

Avatar

зочин 2022-09-26 103.57.92.49

Төвөөр жирийн цагдаагын эргүүл ихтэй. Түгжирвэл түгжирсэн шиг түгжирдэг юм билээ. Ккк. Метро хамгийн сайн сонголт. Аль ч улсын ямар ч хотод метротой бол би шууд метрог сонгодог их амар унаа ш дээ

NewsMN Гар утасны хувилбар Татах
NEWS.mn

Мэдээллийн эх сурвалж