ОХУ-ын Ерөнхийлөгч Владимир Путин өнгөрсөн Баасан гаригт хэсэгчилсэн цэрэг татлага зарласнаас хойш Оросын 30 гаруй хотод эсэргүүцлийн жагсаал өрнөж буй. Тэгвэл ОХУ-ын төрийн тэргүүн энэхүү бослогоос зугтаж, Хар тэнгисийн эргийн Геленджик хот дахь ордон руугаа явсан тухай "MailOnline" мэдээлжээ.

Чөлөөт сэтгүүлч Фарида Русамовагийн олж авсан мэдээллээр Путин амралтын "гэр" рүүгээ өнгөрсөн Лхагва гаригт "нүүсэн" гэнэ. Тэрбээр "Telegram post" сонинд ярихдаа, "Путин тэнд бие болон сэтгэлээ амрааж байгаа бөгөөд ирэх Пүрэв гаригийг хүртэл байрлана" гэв. Энэ хооронд болох мэдэгдэл, хурлуудад зориулан хэд хэдэн яриаг урьдчилан бичиж бэлдсэн гэж Фарида Русамова мэдээлжээ.

ОХУ-ын сөрөг хүчний лидер Алексей Навалный баривчлагдахынхаа өмнө уг ордны тухай мэдээллийг цацсан. Түүний өгсөн мэдээллээр уг ордон нь хамгаалалтын торон хашаатай, боомт, сүм, нисэхийг хориглосон бүс, дарсны агуй, театр, фитнессийн заал, усан сан, спа, хоккейн талбайтай аж.

Авлигын эсрэг сангийн мэдээлэхдээ, уг ордонг Путины ойрын хүрээнийхэн санхүүжүүлдэг гэсэн боловч Кремль үүнийг үгүйсгэсэн.

ЭХ СУРВАЛЖ: BUSINESS INSIDER