Популистууд баялаг бүтээдэггүй юм! | News.MN

Популистууд баялаг бүтээдэггүй юм!

Популистууд баялаг бүтээдэггүй юм!

Популистууд баялаг бүтээдэггүй юм!

2021 оны жилийн эцсийн байдлаар төрийн болон төрийн өмчийн оролцоотой компаниуд нийтдээ 18 их наядын өр төлбөртэй, “Эрдэнэс Монгол” нэгдэл 5.4 их наяд, Төрийн банк 3.4 их наяд, Хөгжлийн банк гурван их наяд, "Монголын төмөр зам" 1.5 их наяд, “Эрдэнэт” үйлдвэр 990 тэрбум, Улаанбаатар төмөр зам 540 тэрбумын өртэй байгааг Төрийн өмчийн бодлого зохицуулалтын газрын дарга Б.Цэнгэл өнгөрсөн зургадугаар сард УИХ-ын чуулганы хуралдаан дээр танилцуулж байлаа.

Өөрөөр хэлбэл, төрийн өмчит компаниуд Монгол Улсын жилийн төсөвтэй тэнцэхүйц өртэй байна гэсэн үг.

Өнгөрсөн хаваржин нийгмийг хамарсан нэг том дуулиан болгосон Хөгжлийн банкны чанаргүй зээлийн дийлэнх нь мөн л төрийн өмчит компаниудынх байв. Тус банкнаас төрийн өмчит компаниудын авсан чанаргүй 720 тэрбум зээлийг үнэндээ дарга биш татвар төлөгчид төлж барагдуулах нь ойлгомжтой. Одоогоор төрийн өмчит компаниуд авсан өр зээлээ төлж барагдуулж байгаа гэх албан мэдээлэл алга. Хувийн компаниудыг хууль, шүүхээр айлгаж ичээж байгаад өрийг нь барагдуулж, хөрөнгийг нь хураачихаж чадаж байна. Харамсалтай нь, хурааж, булааж авсан өмч нь эхнээсээ дампуурч, эзэнгүй “балгас” болж байна. Энэ бол төр менежер биш болохын нэг тод жишээ.

Нэг.

“Хөтөлийн цемент шохойн үйлдвэр”-ийг төрд авах Засгийн газрын шийдвэрийг Ц.Нямдорж танилцуулж, ЗГХЭГ-ын дарга Б.Цэнгэл цэрэг цагдаагийн хамт очиж, үүд хаалгыг нь битүүмжилж байсан нь хэдхэн сарын өмнөх явдал. Даргаар нь Л.Наранбаатарыг томилж, өнөөх нь өдөр шөнөгүй /бараг л баасан шээснээ бичих нь холгүй байв/ сошиалд пиардаад байсан, атал өнөөх үйлдвэр нь өдгөө тэг зогсолт хийгээд удаж байна. Цементний үнийг бууруулах нь бүү хэл үйлдвэр ч үгүй болчихлоо. Үүнээс болоод цемент ховордож, үнэ нь өсч, арга ядахдаа импортын цементийн гаалийн татварыг тэглэх хүртлээ “уруудах” вэ дээ.

Импортны цементийн гаалийг тэглэнэ гэдэг үндсэндээ үндэсний үйлдвэрээ өөрсдийн гараар боомилж байгаатай ялгаагүй шийдвэр. Бүр цаашилбал эдийн засгаа хорлож буйтай ялгаагүй. Ажлын байрыг хумихаас гадна гадагшлах валютын урсгалыг тэтгэнэ.

Улс төрийг популизмаар хийж болох ч эдийн засагт энтертайнмент хэрэггүй, гай болдгийг өнөөдөр улсаараа хараад, мэдрээд сууж байна. Ц.Нямдоржийн хэлсэн шиг “Хөтөлийн цемент шохой” эзэнгүй үйлдвэр биш байжээ гэдгийг. Харамсалтай нь, төрд авснаараа жинхэнэ эзэнгүй үйлдвэр болов.

Хоёр.

ШӨХТГ-ын дарга С.Мөнхчулуун өнгөрсөн долоо хоногт мэдээлэл хийхдээ “МАК" компани цементийн үнээ нэмсэнд зөрчлийн хэрэг нээн шалгаж буйг дурдаад
“Цементийн түүхий эдүүдийг дотоодын зах зээлээс нийлүүлдэг тул валютын ханшны өсөлт нөлөөлөхгүй. Шатахууны үнэ тогтвортой байна, дизел түлшний үнэ литр тутамд 450 төгрөгөөр буурсан. Эндээс харахад үнэ нэмэх шалтгаан харагдахгүй байна” гэжээ. ШӨХТГ-ын дарга “шүүгч” биш. Тэр тусмаа үнэ тогтоодог дарга бүр ч биш.

Монгол Улс чөлөөт зах зээлийн эдийн засагтай.

Энэ нь төрөөс үнэ тогтоодоггүй гэсэн үг. Үнийг эрэлт, нийлүүлэлт нь тогтоодог. Бараа бүтээгдэхүүний эрэлт нэмэгдэж, хомсдол үүсвэл үнэ өсч таарна. Үүнийг захын чавганц ч ойлгоно. Харамсалтай нь, С.Мөнхчулууны энэ үйлдэл эсрэгээрэ цементийн үнийг улам л өсгөнө. Өөрөөр хэлбэл, популистуудын үг, үйлдлийн гол хохирогчид нь эцсийн хэрэглэгчид. Товчхондоо иргэд гэсэн үг. “Хөтөлийн цемент шохойн үйлдвэр” дампуурснаар Д.Эрдэнэбилэг хохирохгүй, иргэд л хохирч байгаа биз дээ.

Гурав.

Мал аж ахуйн гаралтай түүхий эдийн үнэгүйдлийг арилгах, нэмүү өртөг шингээсэн, импортыг орлох. экспортыг дэмжих бүтээгдэхүүн үйлдвэрлэх, олон улсад өрсөлдөхүйц аж үйлдвэрийн цогцолборыг бий болгож, Монгол Улсын эдийн засгийн төрөлжилтийг гүнзгийрүүлэх зорилгоор “Дархан арьс ширний цогцолбор”-ыг байгуулах төслийг хэрэгжүүлж эхэлсэн. Төсөл хэрэгжсэнээр Монгол Улс жилдээ 10 сая ширхэг арьс шир боловсруулж, 10 мянган тонн ноос, ноолуур угаах самнах хүчин чадал бүхий үйлдвэрүүдтэй болно. Энэхүү арьс ширний цогцолбор байгуулснаар 2300 шууд ажлын байр, шууд бусаар 7500 орчим иргэн байнгын ажлын байраар хангагдах аж. Атал “Дарханы арьс ширний цогцолбор” төслийн ажил зогсчээ. Буруутан нь мөн л төрийнхөн. “Дарханы арьс ширний цогцолбор”-ын дэргэд яг ижилхэн нэртэй, яг ижил зорилготой “Дарханы арьс ширний цогцолбор бүтээн байгуулалт” нэртэй ТӨХК-ийг байгуулсан байна. Өмнөх төрийн өмчит компаниуд нь өр зээлдээ баригдаж, үүд хаалгаа барьж байхад өөр нэгэн төрийн өмчит компани байгуулах ямар ч шаардлага байгаа юм. Тэгээд ч төр хүрз барьж нүүрс ухаж, банкны диллер хийж, ачаа тээвэрлэж, ноос, ноолуур угаах, цемент үйлдвэрлэх шаардлагагүй. Хувийн хэвшлийн хийж чадах ажлыг төр булааж авснаараа ямар үр дүнд хүрдгийн тод жишээ өнөөдрийн “ Хөтөл цемент шохойн үйлдвэр”-ийн бодит байдал. Үнэндээ ахиад нэг дампуу төсөл болж хувирахыг үгүйсгэхгүй. Үүний ард мэдээж, хэн нэгэн даргын эрх ашиг бий байх. Гэвчиг популистууд хэзээ ч баялаг бүтээдэггүй юм!

Энэ мэдээнд өгөх таны сэтгэгдэл?
17
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2022-09-26 202.9.46.129

Нямдоржийн гайгаар .Хөтөл.ийн цементийн үйлдвэр хаагдан ш дээ. Дөрвөд Нямдорж монгол улсад. Төрд их гай тарьдагийн жишээ энэ.

Avatar

Зочин 2022-09-26 202.55.188.81

Хузуугуй нохор хошгоруулаад байна шуу Монголчуудаа анхааралтай байя!

Avatar

Зочин 2022-09-26 122.201.31.86

эрдэмтэд л бүтээнэ

Avatar

Зочин 2022-09-26 150.129.140.165

инженерүүд гэх гэсэн үү дээ

Avatar

Зочин 2022-09-26 202.170.65.54

Мал МАН, махан толгой Хүрэлсүх, усан толгой Оюук нар чинь улс орныг сүйрүүлж дууслаа…. тэмцдэггүй ард түмэн….

Avatar

Зочин 2022-09-26 107.127.39.24

Бас Цэндийн Нямдорж гэж Монголын төрд шургалсан хачиг хувалз шиг хөгшин ац байна

Avatar

Зочин 2022-09-26 202.55.188.46

Суулийн 30 жилийн дарга нар худалч хулгайч УИХ гэж хулгайч худалчаар дуурсэн байгууллагыг тараая!

Avatar

Баярхүү 2022-09-26 43.228.131.103

Ер нь Засгийн газар бүтцийн өөрчлөлт хийх ажлаа УИХ-ын намрын чуулганы эхэнд яаралтай горимоор оруулаач. Нөгөө Түгжрэлийн сайд чинь телевизээр л яриад байна. Тэр хүнд ямар ч ойлголт алга. Шарил зөөх асуудал түгжрэлийн гол асуудал гээд л солиороод байх юм. Ажил хэргийн ямар ч чадваргүй юм аа. Болиулаач.

Avatar

Цогбаатар 2022-09-26 43.228.131.103

Тэр үнэн шүү. Жишээлбэл БХБЯ чинь юу ч хийхгүй байна. Харьяа газрын дарга нараа дагуулаад улсын төсвийн хэдэн барилгын явцтай танилцах нэрээр зардал үрээд бүтэн зун намар өнгөрөөлөө.Гэтэл цементийн үйлдвэрлэл хангалт, салбарын норм норматив, техникийн бодлогын талаар төрийн бодлогоо ч гаргаагүй урсгалдаа явж ,салбарын ажил нурлаа.

Avatar

Батсүрэн нар 2022-09-26 43.228.131.103

Хувийн хэвшил гэрээгээр хийх боломжтой чиг үүргүүдийг бүгдийг шилжүүлж, төрийн зардлаа багасгах шаардлагатай. Салбарын ТББ, хувийн хэвшлийн хүмүүсээс ямар чиг үүргийг хэрхэн шилжүүлэх талаар маш богино хугацаанд санал авч судлаад шийдвэрлээч. Үнэндээ БХБЯ,ЗТХЯ-г нэгтгэж ДБХЯ болгох, ЭМЯ, НХХЯ-ыг нэгтгэж Нийгмийн хамгааллын яам болгох хэрэгтэй байна. УМХЕГ-ыг татан буулгах чинь маш зөв алхам болсон. МАН Оюун эрдэнэ одоо үүнийг хийхгүй бол алдана. Эрс шинэчлэл дээрээсээ хийнэ шүү.

Avatar

Байгаль 2022-09-26 43.228.131.103

Төрийн өмчит компануудыг бүгдийг татан буулгаж хувьцааг нь МХБ-ээр зарж мөнгө босго. Төр эдийн засгаас савраа тат. Оюун-Эрдэнэ үүнийг маш яаралтай хийх хэрэгтэй. Цаг алдвал сүйрнэ шүү. Эдийн засагчдынхаа үгийг сонсооч. Төрийн яам агентлагуудаа цөөлж цомхон болго. Үнэндээ Түгжрэлийн болон хил боомтын яам сайд хэрэггүй. Төсвийнхөө 40%-ийг төрийн пппарат идэж байдаг улс орон байхгүй. 2023 оны төсвийн хөрөнгө оруулалтыг эрс танах хэрэгтэй. Яамдыг нэгтгэж, агентлагуудаа цөөлөөч.

Avatar

МОГУЛ СУДЛАЛ 2022-09-26 66.181.170.73

Популизм хамгийн хор уршигтай тероризмын үйл ажиллагаа. Одоогийн энэ сошиал мэдээлэл буух эзэнгүй буцах хаяггүй мэдээллийн эх сурвалжгүй шүүмжлэлүүд дан буруу зүйлийг дагуулж байна. Асуудлуудыг шүүмжилж болно гэхдээ ард нь учир шалтгааныг тооцохгүй анализ байхгүй илүү хувилбар аргачилал байхгүй зүгээр л ПОП шүүмжлэл. ТӨРИЙН ӨМЧИТ компаниудын 98% нь менежмент (үнэлгээ 10-0) "0" байгаа. ТӨК урт хугацаанд ашигтай ажиллаж чадахгүй, төр солигдоод менежмент солигдоно, ямар сэтгэлээр ажиллах уу?

Avatar

МОГУЛ СУДЛАЛ 2022-09-26 66.181.170.73

Дотор нь ажиллаж байгаа хүмүүсийн сэтгэлгээ, ур чадвар нь (үнэлгээ 10-0) "3" зөвхөн тэр алба, хэлтсийн дарга нарт зориулж тайлан дүгнэлт гаргаж өгдөг. Дарга нар нь улс төрийн апаратаас бүрдсэн, багийн хамтарч ажиллах чадвар "0" хувиа хичээсэн шинэ шинэлэг санаачлаг огт байхгүй. 1-2 жилийн хугацаанд юм хийж аваад зайлна эсвэл түүнийг зайлуулна гэсэн хүлээлттэй ажиллаж байгаа. Цаас л үйлдвэрлээд байна шийдэл байхгүй. Ашигтай төслийг явуулахгүй яагаад? "би" хаана нь байна гэж хардаг байхгүй бол үгү

Avatar

иргэн 2022-09-26 64.119.16.99

90 онд бүгдийг хувьчлаад юу боллоо. Үйлдвэр ч үгүй, бүтээгдэхүүн ч үгүй бүгд хувийнхны хараат болсон. Дургүй нь хүрвэл үнээ нэмж ард олноороо зоолдог болсон. Улс орныг дампууруулах зам руу нь түлхсэн. Одоо хамгийн эмгэнэлтэй нь улс орон түмэн олноо гэхийн оронд талцаж бүлгэрхэн нэг нэгнийхээ дээр гарах гэж өрсөлдөн тэрсэлдэж нэг нэгнийхээ замд тээг тавьж эв эеэ эвдэж байгаа нь гадныхны л хоол болохоос өөрийг авчрахгүй. Ардчиллынхан 30 жил популизм хийсэн . Одоо болно доо, төр засаг хийхээ хийг

Avatar

Зочин 2022-09-26 202.131.225.53

Хойд Солонгос доо очиж амьдраач

Avatar

Зочин 2022-09-26 192.82.73.245

Үйлдвэрийн технологийн горимыг алдагдуулж 6 сар дутамд солих ёстой зуухны тоосгыг солилгүй 3 жил,бүхэл бүтэн 3жил шүү,ажиллуулсан луйварчдын бурууг засах гэсэн ,,горимоор нь цаашид ажиллуулах гэсэн Ннаранбаатар яагаад буруутан болдгийг хөлсний бичээч минь тайлбарлаач,хувийнханд өчүүхэн ч сэтгэл үгүй,бушуухан мөнгө хийж аваад л үйлдвэрийг зогсоох л байсан байналээшдээ!!!

Avatar

Зочин 2022-09-26 192.82.80.175

Энэ улсад яг жинхэнээрээ бизнэс хийж чаддаг нь хэдэн малчдаас өөр 1 ч хүн бхгүй. Бүгд хулгай луйвар, өөр юу байды тэрүүгээр хөл дээрээ тогтдог. Улсыг мэрж шимж. Энэ том байгууллагуудад соц үеийнх шиг хатуу сахилга бат тогтоож, зөв хүнээ олж тавьж байж л асуудал шийдэгдэнэ.

Avatar

Зочин 2022-09-26 192.82.90.70

соц үед тийм сахилга баттай байгаагүймаа. одоо бидний байгаа байдал тэр үеийн менежмент хандлагын үргэлжлэл. танил тал, арын хаалга, дүр үзүүлэлт, хийрхэл, хэлбэрдэлт л социализмыг нураасан юм

Avatar

Зочин 2022-09-26 150.129.140.165

ЖАЛГАНЫ ШАНТААЖИД ГЭЭЧ

Avatar

Зочин 2022-09-26 202.55.188.34

Коммунистууд тараа таниулж байна даа. Удахгүй орос юм уу хойд солонгос болно биз

Avatar

Зочин 2022-09-26 66.181.170.73

Коммунист гэж яг юу юм? Өөрсдөө шдээ – Монгол менежмент чинь энд яваад байна. Ардчилсан Социалист Коммунист бүгд худлаа тархи угаасан шошго. Ардчилал гээд үнэндээ Анархизм болж хувирдаг. Өөрсдөө дотроо болохгүй байж худлаа систем ярьдагаа одоо боль! Шүүх засаглал Авилгалтай хатуу чанга дектатурын аргаар энэ хэдэн төрийн албан хаагч удирдлагуудыг нам барьж байх хэрэгтэй

Avatar

БНМАУ 2022-09-26 66.181.170.73

Коммунист гэж яг юу юм? Өөрсдөө шдээ – Монгол менежмент чинь энд яваад байна. Ардчилсан Социалист Коммунист бүгд худлаа тархи угаасан шошго. Ардчилал гээд үнэндээ Анархизм болж хувирдаг. Өөрсдөө дотроо болохгүй байж худлаа систем ярьдагаа одоо боль! Шүүх засаглал Авилгалтай хатуу чанга дектатурын аргаар энэ хэдэн төрийн албан хаагч удирдлагуудыг нам барьж байх хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж