Хэнтий аймгийн Хэрлэн сум дахь 10 давхар байрны дээвэр дээрээс эмэгтэй хүүхэд үсрэх гэж байна гэсэн дуудлагыг есдүгээр сарын 23-ны өдрийн 10:50 цагт аймгийн Онцгой байдлын газрын Эрэн хайх, аврах салбарын алба хаагчид хүлээн авчээ. Шуурхай баг нэг км замыг туулан очход байрны 10 дугаар давхрын дээвэр дээрээс тус сумын харьяат А /15 настай, эмэгтэй/ үсрэх гэж байсныг ярилцлага хийн аюулгүй буулгаж,  аймгийн Цагдаагийн газрын мөрдөгчид хүлээлгэн өгсөн байна.