“Шинэ оноос өмнө 600 сая доллар орж ирнэ” | News.MN

“Шинэ оноос өмнө 600 сая доллар орж ирнэ”

“Шинэ оноос өмнө 600 сая доллар орж ирнэ”

“Шинэ оноос өмнө 600 сая доллар орж ирнэ”

Монголбанкны Мөнгөний бодлогын газрын захирал Б.Баярдаваа, Ерөнхий эдийн засагч Д.Ган-Очир, Нөөцийн удирдлага, санхүүгийн зах зээлийн газрын дарга А.Энхжин нар Мөнгөний бодлогын хорооноос энэ сарын 16, 20-ны өдөр гаргасан бодлогын хүүг чангаруулсан шийдвэрийг задлан тайлбарлаж, инфляци, эдийн засгийн өсөлт, долларжилтын талаар өнөөдөр (2022.09.23) дэлгэрэнгүй мэдээлэл өглөө.

БОДЛОГЫН ХҮҮГ НЭМЭГДҮҮЛСЭН ШИЙДВЭР ГАДААД, ДОТООД ТЭНЦВЭРИЙГ ХАНГАХ БОДЛОГОТОЙ
НИЙЦҮҮЛЭХ ЗОРИЛГОТОЙ

Монголбанкны Мөнгөний бодлогын хороо ээлжит хурлаараа эдийн засаг, банк, санхүүгийн зах зээлийн өнөөгийн байдал гадаад, дотоод орчны төлөв, эрсдэлийг харгалзан үзээд, бодлогын хүүг 2 нэгж хувиар нэмэгдүүлж 12 хувьд хүргэх, бодлогын хүүний коридорыг бодлогын хүүнээс +2, -2 нэгж хувийн өргөнтэй болгох, банкуудын 360 хоног ба түүнээс дээш хугацаагаар гадаад зах зээлээс бонд болон зээл хэлбэрээр шинээр татсан эх үүсвэрийг заавал байлгах нөөц тооцох эх үүсвэрээс хасч тооцох шийдвэр гаргасан билээ.

Б.БАЯРДАВАА: Бодлогын хүүг нэмэгдүүлж буй нь өнөөдөр жилийн 14.4 хувийг давсан инфляцийн хэмжээг Төв банкны зорилтот түвшин болох нэг оронтой тоонд буюу 6 хувьд буцаан авчрахад хувь нэмэр оруулна. Мөн эдийн засгийн гадаад, дотоод тэнцвэрийг хангах бодлоготой нийцүүлэх зорилготой шийдвэр.

Жилийн инфляци 2022 оны наймдугаар сард улсын хэмжээнд 14.4 хувь, Улаанбаатар хотын хэмжээнд 14.8 хувьтай гарав. Импортын бараа, бүтээгдэхүүн инфляцид гол нөлөө үзүүлж байна. Бидний тооцооллоор импортын барааны үнэ түүн дотор шатахууны үнэ, тээвэр логистикийн зардалтай холбоотой. Эдгээр хүчин зүйлсийн нөлөө ирэх улирлуудад саарна. Учир нь олон улсад тээвэр логистикийн үнэ буурах хандлагатай байна.

Инфляцийг шинэ сагсаар тооцдог болсон. Шинэ сагсаар тооцоход 15.7 хувьтай байсан инфляци 16.5 хувь гэж тооцогдож байна. Хамаагүй олон бараа, бүтээгдэхүүн шинэ сагсанд ордог болсон. Шинэ сагсаар тооцоход Улаанбаатар хотын инфляцид 1-2 функтын зөрүү үүсч байна. Улсын хэмжээнд 0.5-0.6 хувийн инфляци шинэ сагсаар тооцогдож байна.

Эдийн засгийн өсөлт эхний хагас жил харьцангуй өндөр гарлаа. Хоёрдугаар улирлын эдийн засгийн өсөлт 6.2 хувьтай гарсан. Уул уурхайн салбарын уналт хэвээрээ байна. Харин худалдаа, үйлчилгээний салбар, бүх бараа бүтээгдэхүүнд шингэж буй татвар, ХАА-н салбар дээрх 6.2 хувийн өсөлтөд нөлөөлсөн. Улирлын өсөлтийг задлан үзвэл уул уурхай, тээвэр гэсэн хоёр салбар хасах үзүүлэлттэй гарсан.

Мөнгөний бодлогын хорооноос гаргасан бас нэгэн чухал шийдвэр бол долларжилтийн эсрэг арга хэмжээ авахаар болсон.

Тодруулбал, төв банкны бодлогын хүүний коридор өргөн болсон. Энэ хүүний өсөлт арилжааны банкуудад санал болгож буй төгрөгийн хадгаламжийн хүүг өсгөх орон зай бий болгож байна. Төгрөгийн хадгаламж өсч байна гэдэг нь төгрөгөөс ам.доллар руу шилжиж байсан хөрвөлтийг зогсоох арга хэмжээ юм. Мөн банкуудын гадаад зах зээлээс татсан зарим эх үүсвэрийг заавал байлгах нөөц тооцох эх үүсвэрээс хасах шийдвэр гаргасан.

Өнгөрсөн долдугаар сард хоёр их наяд орчим төгрөгийн шинэ зээлийн олголт эдийн засаг руу гаргасан. Түүнээс 200 орчим тэрбум төгрөгийн зээлийн эргэн төлөлт хийгдсэн. Иймээс төлөгдөж буй зээлийг давуулж шинэ зээл гарахгүй. Хоёрдугаарт, зээлийн нөхцөл суурь хэд хэдэн зүйлээс хамаарна. Төлбөрийн тэнцэл эхний долоон сарын байдлаар 1.3 тэрбум ам.долларын алдагдалтай байна гэдэг нь ойролцоогоор 4 их наяд төгрөг Монголын эдийн засгаас импортын бараа, бүтээгдэхүүний төлбөр, гадаад төлбөр тооцоо байдлаар гарсан. Энэ мөнгө Монгол Улсын валютын нөөцөөс, нөгөө талаас бизнес хийж буй иргэн, ААН-ийн төгрөгийн эх үүсвэрээс ам.доллар хэлбэрээр гадагшаа гарч байна. Арилжааны банкуудын зээл олгох эх үүсвэр буурч байгаа нь үүнтэй бас холбоотой. Төв банкны мөнгөний бодлого чангарч байгаа учир зээлийн хүү, хадгаламжийн хүүд нөлөө үзүүлнэ. Бодлогын хүү 6 хувь байхад олгож байсан зээл одоо гарах бололцоогүй гэсэн үг. Бодлогын хүү өссөн учир зээлийн хүү өсч байж шинэ зээл эдийн засаг руу гарна.

ВАЛЮТЫН АРИЛЖААНААС АШИГ ОЛОХ ЗОРИЛГООР ХАНШИЙГ СУЛРУУЛАХ ГАРЦ БИЙ

А.ЭНХЖИН: Монгол Улсын валютын нөөц сүүлийн найман сарын хугацаанд 1.7 тэрбум ам.доллараар буурч, 2,695 сая доллар болоод байна. Үүнд төлбөрийн тэнцлийн алдагдал голлон нөлөөлсөн. Нүүрсний экспорт биет хэмжээгээр нэмэгдэж байгаа нь төлбөрийг урьдчилсан авсантай холбоотойгоор валютын орох урсгал байхгүй нь бас нэгэн хүчин зүйл байна. Нүүрсний экспортын бодит орлого арав, арваннэгдүгээр сараас орж ирэхээр байгаа тул тэр үеэр ханш тогтворжино гэсэн хүлээлттэй байна. 2022 онд багтаж арилжааны банкууд гаднаас 415 сая ам.долларын зээл авахаар төлөвлөснөө мэдэгдсэнээс гадна ОУВС болон гаднын банкны 200 сая ам.долларын санхүүжилт орж ирэх юм. Ингэснээр 2022 онд 600 гаруй сая ам.доллар орж ирнэ гэсэн тооцоотой байна.

ОХУ-д болж буй нөхцөл байдалтай холбоотойгоор Монгол Улсын хилээр нэвтрэх орос иргэдийн тоо нэмэгдсэн мэдээлэл бий. Хил хамгаалах газрын тоон мэдээллээс харвал орж ирснээсээ дутахааргүй олон орос иргэн хилээр гарсан мэдээлэлтэй холбоотой Гадаад харилцааны сайдаар ахлуулсан Ажлын хэсэг гарсан. Үүнд Монголбанк мөн багтсан бөгөөд долоо хоног тутамд хилээр орж, гарч байгаа бэлэн болон бэлэн бус валютыг хянаж байна. Одоогоор санхүүгийн зах зээлд нөлөөлөхүйц хэмжээний өөрчлөлт гараагүй.

Хадгаламжийн байгууллагуудын гаднаас авсан зээлийн хэмжээ 1.5 орчим тэрбум ам.доллар байна. Үүнээс банкуудын 360-аас дээш хоногийн хугацаатай нь бидний энэ онд авсан мэдээллээр 415 сая орчим сая ам.долларын зээлийн гаднаас авах нь. Дээр нь АХБ-наас ЗГ-ын авах 100 сая ам.долларыг тооцоход нийтдээ энэ он дуустал манай улсад 600 сая ам.доллар орж ирэх нь ээ. Мөн дээр нь экспортоос орж ирэх орлогыг тооцох учиртай. Ялангуяа энэ жил төлөвлөсөн 18 сая тонн нүүрсний хэмжээ давж гарах болов уу.

Энэ мэдээнд өгөх таны сэтгэгдэл?
16
ТэнэглэлТэнэглэл
2
БурууБуруу
1
ХахаХаха
1
ХөөрхөнХөөрхөн
0
ЗөвЗөв
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-09-23 202.9.46.185

Долларын хараат байвал ямар болхыг Орос Иран Афканистаны жишээнээс харцгах.Манайх рубль юуан хоёроор гүйлгээ хийж байхад долларыг нөөцөнд ашиглаж байхад л болно.

Avatar

Zochin 2022-09-23 66.181.161.18

монгол банкыг татан буулгавал монгол улс хөгжинө

Avatar

Zochin 2022-09-23 66.181.161.18

монгол банзыг татан буулгавал үнийн өсөлт зогсоно.

Avatar

Zochin 2022-09-23 66.181.161.18

монгол банзыг татан буулгавал үнийн өсөлт зогсоно

Avatar

Эдийн засагч 2022-09-23 66.181.186.135

инфляц 16%. Энэ бол ард түмний эсрэг гэмт хэрэг. Америкт Ерөнхийлөгчийн суудалтай тэнцэх муу үзүүлэлт. Энэ бол ард иргэдийн ядуурлийн хамгийн бодитой илэрхийлэл. 2016 онд 1.2% байсан инфляцийг өнөөдөр 16% болгочихоод хичнээн цэцэрхээд яахын. Ард иргэдээ 10 дахин ядууруулчихаад яаж ярьж чадаж байна? Ковид Дайн хоёрт бүгдийг тохож гэмгүй царайлах уу???
Сангийн бодлогыг, бас мөнгөний бодлогыг сүүлийн 7 жилд МАН албамр дампууруулсны гор өнөөдөр ард иргэд үүрч байна. Эрхбаригчид хагартлаа баяжлаа.

Avatar

Зочин 2022-09-23 66.181.189.123

Валютын арилжаанаас татвар авдаг болох хэрэгтэй ш тээ.

Avatar

Зочин 2022-09-23 66.181.189.123

Баярдаваа гэж этгээд валютын арилжаанаас ашиг авахгыг дэмжихгүй гэж хуцаж бна лээ. Энэ цаагуураа өөрөө ББСБ тай болохоороо түүнийгээ бмзнесээ хамгаалж бгаа бхгүй юу. Ийм юмнуудыг авлигатай тэмцэх газар шалгаачээ.

Avatar

irgen 2022-09-23 150.129.141.62

mergejliin tsuuhun bankiruudiin neg. Iim mergejliin humuus olon bolj ,hudlaa pop tsaraitanguud saad b** boloosoi.

Avatar

Зочин 2022-09-23 66.181.189.123

Гадаад худалдааны ашиги8 сарын байдлаар 2.1 тэрбумын ашигтай гарсан. Гэтэл энэ ашгийн мөнгө монголд орж ирэхгүй цаагуураа өрөнд өгсөн гэдэг их сэжигтэй бгаа юм даа. ЭТТ компани ийм их нүүрсний урьдчилгаа төлбөрийг дур мэдэн аваад юу хийсэн бх вэ. Хэн ямар шийдвэр гаргаад юунд зарсан бэ. Нэг компаниын буруу шийдлээс болж одоо улсаараа ингэж хохирох ямар хэрэг бна аа. Дооларын ханш унах тутуам бид гадаад өрөө төлөхөд дарамт учирч илүү их зардал гарнө. Үүнийг шалгах хэрэгтэй дээ.

Avatar

зочин 2022-09-23 66.181.182.35

Бэлэн мөнгөөр гүйлгээ хийхээ зогсоо гэж энэ мал юугаа солиориод байгаа юм вэ, Бэлэн мөнгөөр гүйлгээ хийх нь багассанаас хойш хүмүүст ихээхэн чирэгдэл гарч байгааг чи муу ер нь мэдэж байгаа юу,, амьдрал дээр юу болж байгааг олж мэдчихээд олон юм бурж бай

Avatar

Зочин 2022-09-23 176.166.205.186

Монгол банкныхан бэлэн мөнгөний хяналт, зээлийн гүйцэтгэлээ хянаач. Бэлэн мөнгөөр гүйлгээ хийлгэхийг болиулах арга хэмжээ зөндөө байгаа шүү дээ. Нэгдүгээрт татвараас зайлсхийх боломжгүй болно. Хоёрдугаарт авилгалын урсгал багасна. Зах дээр ч карт уншуулж болдог ш тээ. Та нар албаар будлиантай байлгаж ашиг олох зорилготой гэхээс өөр юу гэхэв дээ.

Avatar

sh 2022-09-23 202.9.46.47

чаваасдаа 600хан сая доллор зүгээр олоод иржаагаа юм шигл хуцах юм бөөн зээлнам дагасан өлөнгүүдч хулгаалж идээд сурчихсан хорхойнууддаө нэг хөл бөмбөгчингииил цалин биздэээ малуудааа

Avatar

Зочин 2022-09-23 69.143.103.137

боловсон царайлж байгаад ханшийн өсөлтийг үүсгэж ашиг олдог этгээдүүд өөрсдөө шүү та нар

Avatar

Зочин 2022-09-23 139.5.218.191

гадаадад байгаа алт найдваргүй

Avatar

зочин 2022-09-23 150.129.140.219

үнэндээ ямарч бодлого алга даа мөнгө цаас болж амьдарлд нөлөөлж хэцүүдэх нь дээ Ит хүмүүс толгой дээрээ залсан бид гороо амсаж суухаас

Avatar

Шалтаг биш шалтгааныг олж тогтоох 2022-09-23 103.26.195.152

Үнэн бодит байдал бол 2020-2021 оны сонгууль угтсан ковид нэр дээр тараагдсан1. "Хавтгайрсан халамж гол шалтгаан шүү дээ. Халамж бол зөвхөн зорилтод бүлэгт чиглэх ёстой.2. Чинээлэг амьдралтай иргэдэд тараасан мөнгө валютаар хувиран гадаадаас цахим бараа таваар болсоор байв. 3. Экспортонд гаргасан нүүрсний төлбөрөө бусад хэлбэрээр урьдчилан зээлэн авч төгрөг хэлбэрээр тараагддаг халдварт өвчин 2008 оноос эхлэн давтамжтай хэрэгжиж байна 4. Хүн амын орлогын татварыг шатлалтай авахгүй байна

Avatar

Зочин 2022-09-23 202.131.226.226

10 их наяд төгрөг хэвлээ биздээ та нар? Тэгэхээр чинь ханш өсөх нь ойлгомжтой шүү дээ.

Avatar

Кса 2022-09-23 202.126.90.4

Угаасаа долларын ханшийг улам дээшлүүлэх сонирхолтой том бүлэглэл байгаа шүү дээ. Тэднийг яаж ч чадахгүй байна. Нэг зоригтой арга хэмжээ авахад л доллар маш хурдан бодит ханш дээрээ очно.

Avatar

Зочин 2022-09-23 192.82.84.171

Эдний ярьсанд анализ хийвэл бүр хэцүүдсэн нэмээд улам хэцүүдэх юм байна гэсэн л дүгнэлт гараад бнадаа

Avatar

Иргэн 2022-09-23 66.181.191.178

Гадаадад байгаа алтаа ба нөөцийн валютаа эх орондоо авчир. Барууныхан ба АНУ Оросын 300 тэрбум америк долларын нөөц валютыг бүрмөсөн хулгайлсан. Монголыг бас дээрэлхэнэ шүү.

Avatar

Зочин 2022-09-23 150.129.143.28

Та нар маш муу ажиллаж байгаа шүү

Avatar

Зочин 2022-09-23 103.161.242.180

Хүмүүс рубль авахаа больвол долларын өсөлтийг зогсоож болох юм даа. Гол нь хүмүүс өнөөдрийн ашгаа харж байгаад маргаашийнхаа их юмыг алдаад байх шиг…

Avatar

Зочин 2022-09-23 202.9.46.49

Чааваас дөө, ядарсан юмнууд яриад л байж байх юм даа

Avatar

Зочин 2022-09-23 202.126.90.13

Рублийн ханшийг унага. Өөр арга байхгүй. Гарч байгаа долларыг хянаж чадахгүй. Нэг бүрчлэн нэгжих үү? Ямар ч боломжгүй.

NewsMN Гар утасны хувилбар Татах
NEWS.mn

Мэдээллийн эх сурвалж