Төгрөгийн ханш 2022 оны 4 дүгээр сараас хойш зарим валютын эсрэг чангарсан байна. Тодруулбал, дээрх хугацаанд Их Британийн фунт стерлингийн эсрэг 4.1 хувиар чангарсан бол еврогийн эсрэг 0.2 хувиар чангарчээ. Өнөөдрийн байдлаар фунт стерлингийн төгрөгтэй харьцах ханш 3742.41 төгрөгтэй тэнцэж байгаа бол еврогийн ханш 3277.53 төгрөг байна.

Экспортлогч улсуудын хувьд үндэсний мөнгөн тэмдэгтийн ханшийн сулралт нь тухайн улсын бүтээгдэхүүний өрсөлдөх чадварыг нэмэгдүүлэх давуу талтай байдаг. Өөрөөр хэлбэл, тухайн экспортлогч улсуудын бараа, бүтээгдэхүүний ам.доллароор илэрхийлэгдэх үнэ нь хямдарснаар үнийн хувьд өрсөлдөх чадварыг нь дээшлүүлж байдаг аж.