Иран: Эмэгтэйчүүдийн жагсаалын үеэр 8 хүн нас барав | News.MN

Иран: Эмэгтэйчүүдийн жагсаалын үеэр 8 хүн нас барав

Иран: Эмэгтэйчүүдийн жагсаалын үеэр 8 хүн нас барав

Иран: Эмэгтэйчүүдийн жагсаалын үеэр 8 хүн нас барав

Иранд 22 настай эмэгтэй хоригдож байгаад нас барсантай холбоотойгоор засгийн газрын эсрэг эсэргүүцлийн жагсаал болсон. Тодруулбал, өнгөрсөн амралтын өдөр Махса Амини нэртэй эмэгтэй толгойн алчуур зүүж явах тухай хууль зөрчсөн хэргээр цагдаад баривчлагдаж, улмаар нас баржээ. Тус улсын ерөнхийлөгч Эбрахим Раиси өдгөө Нью-Йорк хотод НҮБ-ын Ерөнхий ассамблейн чуулганд оролцож буй. Ерөнхийлөгч эзгүй үеэр ийнхүү сүүлийн жилүүдэд тохиолдоогүй том жагсаал болж байна.

Хүний эрхийн байгууллагын мэдээлснээр өчигдрийн байдлаар /2022.09.21/ дор хаяж найман хүн амиа алджээ. Мөн 450 хүн шархдаж, 500 гаруй хүн баривчлагдлаа. Үймээнийг дарахын тулд засгийн газар цагдаа нар болон энгийн хувцастай зэвсэгт хүчнийхнийг илгээсэн. Жагсаал болсон хорооллуудад интернет, үүрэн холбооны үйлчилгээ тасалдаад буй. Инстаграм платформ руу нэвтрэх эрхийг ч мөн өчигдөр хязгаарлалаа.

Эмэгтэйчүүдийг толгойгоо алчуураар бүтээж, задгай хувцас өмсөхийг хориглодог хуулийг эсэргүүцэн эмэгтэйчүүд хижаб буюу толгойн алчуураа шатаажээ. Мөн үсээ тайрч эсэргүүцлээ илэрхийлсэн тохиолдол ч гарав. Зарим жагсагч аюулгүй байдлын хүчнийхэнд хариу цохилт өгч, тэмцэлджээ. Исфахан, Тегеран хотод жагсагчид цагдаагийн машин, мотоциклийг шатаасан бол Керман хотод нэг цагдааг бүсэлж, зодсон явдал гарсан.

Цагдаа нар жагсагчдыг түлхэж унагаан, бороохойгоор зодож, тэдний зүг гал нээж, нулимс асгаруулагч хий цацаж буйг гэрчүүд хэлэв.

Нас барсан эмэгтэйг зүрхний шигдээс болсон гэж эрх баригчид мэдэгдээд буй. Гэвч ар гэрийнхэн нь түүнийг эрүүл саруул байсан гэж мэдээлсэн байна.

Эх сурвалж: NY TIMES

Энэ мэдээнд өгөх таны сэтгэгдэл?
4
ХарамсалтайХарамсалтай
1
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-09-22 202.9.40.73

Сүүлийн үед манай улсын казах иргэд зуны халуунд нүүр биеэ битүү ороосон, урт пальто өмсч явдаг болсон байна лээ. Казахстан болон Туркийн ЭСЯ-ны нөхдийн ятгалгаар ингэж хувцасладаг бололтой. Урьд нь игэж хувцасладаггүй байсан.Бас турк иргэдтэй гэр бүл болох явдал ихэсч бай шиг байна. Казахстан, Туркын ЭСЯ нь надад огт таалагдахгүй байгаа юм. Тэд манай казахуудыг хатгаад байдаг байхаа

Avatar

ХАХАХА 2022-09-22 122.201.21.230

ЛАЛЫН ЛА ЛАР УЛСУУД ЭМЭГТЭЙЧҮҮДТЭЙГЭЭ ДАЙТАХ ЮМ ДАА ХАХА

Avatar

Зочин 2022-09-22 166.205.87.12

Mongol erchuud ch bas mongol emegteichuudteigee l daitdag shdee

Avatar

Зочин 2022-09-22 103.80.210.183

хэн дайтсан юм бэ? хэдэн б****л хүүхнүүд нэрийг нь барьж хагаралдуудлж гадаадаас мөнгө авч байна.

Avatar

Зочин 2022-09-22 166.205.87.12

Mongold gert gadaagui haa saigui l emegtei hunii erhend haldaj huchirhiildeg

NewsMN Гар утасны хувилбар Татах
NEWS.mn

Мэдээллийн эх сурвалж