Улсын дээд шүүхийн нийт шүүгчдийн хурал ирэх долоо хоногийн Мягмар гаригт буюу 2022.09.27-нд болно. Тус хурлаар АН-ын дарга буюу итгэмжлэлгүйгээр төлөөлөх хүнээр С.Эрдэнийг бүртгэх эсэх асуудлыг хэлэлцэх аж.

С.Эрдэнэ өнгөрсөн долдугаар сарын 2-нд АН-ын Их хурлыг хуралдуулж, “АН-ын дарга буюу итгэмжлэлгүйгээр төлөөлөх хүн бол С.Эрдэнэ” гэсэн тогтоол гаргуулснаа УДШ-д хүргүүлжээ.

Тус намын зарим гишүүд С.Эрдэнийн энэ үйлдлийг буруушааж, эсэргүүцэж буйгаа илэрхийлэв. Тухайлбал, УИХ-ын гишүүн О.Баасанхүү твиттер хуудастаа “Үнэндээ С.Эрдэнэ дарга дараагийн дарга сонгох үйл явцад санаатай, эсвэл санамсаргүй байдлаар саад учруулахаа одоо болих хэрэгтэй. Сумъяа, Нямбаатар та хоёрыг С.Эрдэнийн ард байгаа гэж би бодож байна” гэж жиргэжээ.

Б.ЖАРГАЛ