Швейцарийн Альпийн нурууны 3000 метрийн өндөрт байрлах нэгэн ресторанд өчигдөр (2022.09.20) өглөө гал гарч, нисдэг тэргүүд галыг унтраажээ.

Швейцарийн архитектор Марио Боттагийн зохион бүтээсэн, Женев нуурын зүүн талд орших Лес Диаблеретс мөсөн голын оройд буюу 3000 метрийн өндөрт энэ ресторан байрладаг.

Цагдаа нар дөрвөн нисдэг тэрэгний тусламжтайгаар галыг унтраажээ. Одоогоор хүн гэмтэж бэртсэн мэдээлэл алга байна. Галын шалтгааныг тогтоохоор прокурорууд мөрдөн байцаалтын ажиллагаа эхлүүлжээ.

Ресторанд хүрэхийн тулд уулын амаас 15 минут зарцуулан кабель тэргээр явдаг. Дөрвөн давхар тус ресторанаас Вод, Валейс, Бернийн Оберланд зэрэг бүс нутгийн онцлогуудыг мэдрэх боломжтой. Өөртөө үйлчлэх, мөсөн голыг тольдох, үдэшлэг арга хэмжээ зохион байгуулах зэрэг төрөл бүрийн хэсэгтэй.

Эх сурвалж: REUTERS, GlACIER3000