Жирэмсний таван сартайгаас олгодог 40 мянган төгрөгийн тэтгэмж сар бүрийн 20-ны өдөр, цахимаар бүртгүүлсэн эхчүүдийн дансанд шилжиж ордог. Хэрэв тэтгэмжийн мөнгө ороогүй тохиолдолд дүүрэг, хорооны нийгмийн халамжийн үйлчилгээний мэргэжилтэнтэйгээ холбогдож, асуудлаа шийдүүлэх боломжтой юм.

Уг төрлийн тэтгэмжийг авахын тулд https://ehalamj.mn/ сайтаар болон E-Mongolia-гаар орж бүртгүүлнэ. Эхний ээлжид хяналтад орсон эмчдээ урьдчилан хэлж, жирэмсэн эхэд олгох тэтгэмжид хамрагдах хүсэлтийн цахим зөвшөөрөл явуулдаг. Үүний дараа цахимаар бүрдүүлэх товч мэдээллийг (банкны данс, хувийн мэдээлэл) бөглөөд, хүсэлт илгээнэ. Хэрэв бүртгэл хийсэн ч таны данс руу тэтгэмжийн мөнгө ороогүй тохиолдолд цахимаар болон биечлэн очих боломжтой юм.