Монголд цар тахлын омикрон хувилбарын мутацийн халдвар нэмэгдэж байгааг Халдварт өвчин судлалын үндэсний төвөөс анхааруулж буй. ХӨСҮТ-өөс хийсэн сорьцын судалгаагаар долдугаар сарын сорьцод омикроны BA.5 хувилбарын дөрвөн дэд хэв шинж 70 хувьтай давамгайлж байна. Энэ хувилбарын нууц үе нь 2.4 хоног. Иргэдийн давтан өвдөж байгаа хугацаа нь 6.6 сар байна. Нийгмийн харилцаанд идэвхтэй оролцдог 18-39 насны бүлгийнхэн халдварт өртөх эрсдэл өндөр байна.

Улсын хэмжээнд 199 хүн хэвтэн эмчлүүлж  байна. Иргэд нэмэлт тундаа хамрагдаж, хүүхдээ вакцинд хамруулах боломжтой гэдгийг яамнаас зөвлөж буй.

Сүүлийн 24 цагт 40 тохиолдол батлагдсан байна. Нийт батлагдсан тохиолдлын 30 нь нийслэлд бүртгэгджээ. Харин Баян-Өлгиы аймагт нэг, Дорноговьд хоёр, Өмнөговь аймагт долоон тохиолдол тус тус бүртгэгдсэн байна. Сүүлийн 24 цагт 226 хүн эдгэж, 72 хүн хяналтад оржээ. Харамсалтай нь нэг хүн хотод нас барсан байна.