Украины эрх баригчид зүүн хойд хэсэгт орших Изюм хотын ойролцоох ойгоос олон тооны булшийг олжээ. Тус бүс нутаг Оросын эрхшээлд байсан ч Украин газар нутгаа  эргүүлэн авснаас хойш хэд хоногийн дараа булшнууд олдсон байна.

Украины Ерөнхийлөгч Владимир Зеленский Пүрэв гаригийн орой үг хэлэхдээ 440 орчим цогцос  оршуулгын газраас олдсон тухай мэдэгдэв.

Шинжилж үзэхэд,  зарим нь буудуулсан  эсвэл агаарын дайралтад өртөж амиа алдсан гэж бүс нутгийн цагдаагийн албаны хүн мэдэгдэв.

“Шаардлагатай арга хэмжээг аль хэдийн авч эхэлсэн.  Тодорхой, баталгаатай мэдээлэл маргааш бэлэн болно "гэж Лхагва гаригт Изюмд зочилсон Зеленский ярив.  Газар дээр нь очсон сэтгүүлчид моддын дунд энгийн модон загалмайгаар тэмдэглэсэн хэдэн зуун булшны талаар дүрсэлжээ.  Ассошиэйтед Пресс агентлагийн мэдээлснээр, том булшинд Украины 17 цэргийн цогцос байгаа гэх  тэмдэглэгээ байсан аж. Мөрдөн байцаагчид ямар мөн нэгэн далд тэсрэх бодис илрүүлэхийн тулд металл илрүүлэгч ашиглаж байгаа юм.

Эх сурвалж: Aljazeera