Завхан аймгийн Баянтэс сумын нутаг Могой гэх газарт өчигдөр орой /2022.09.08/ ойн түймэр гарч, улмаар ОХУ-ын Тува улс руу хил даваад байна. Одоогоор гал түймрийг унтраахаар Хилийн цэргийн 0277 дугаар ангийн алба хаагчид, Тэс, Тосонцэнгэл сум дахь Онцгой байдлын хэлтсийн алба хаагчид болон орон нутгийн иргэд ажиллаж байна гэлээ.

Хээрийн түймэр хоёр дахь өдрөө үргэлжилж байгаа учраас алба хаагчид унтраахад хугацаа шаардлагатай байгаа аж.

ОБЕГ-аас тодруулахад гал түймэр 20 орчим км-ийг хамарчээ. Одоогоор түймэр ойн бүсэд асч байгаа бөгөөд бүрэн унтраагаагүй байна.