Уналт, таталт, саа саажилттай хүүхдүүдийн эмийг хөнгөлж, эмчилгээг нэвтрүүллээ. Тодруулбал, хөгжлийн бэрхшээлтэй эцэг эхчүүдийн асран хамгаалагч, ээж, аавуудаас  2022 оны зургадугаар сард Монгол Улсын Засгийн газарт хүсэлт ирүүлсэн. Энэ дагуу Ерөнхий сайд Л.Оюун-Эрдэнэ тухайн хүсэлтийг шийдвэрлэх үүргийг өгсөн билээ.

Эрүүл мэндийн яамнаас уналт, таталтын эмийг 100 хувь эрүүл мэндийн даатгалаас хөнгөлж эхэлсэн талаар С.Энхболд сайд мэдээлжээ. Тэрбээр "эмийн чанар хүртээмжийг нэмэгдүүлж нэр төрлийг нь олон болгосон байна. Үүнээс гадна мэдрэлийн ёзоор тайрах хагалгааг Монголд нэвтрүүллээ. Энэ хагалгааг Үндэсний баг бие даан хийдэг аж. Үүнээс өмнө гаднын туршлагатай эмч нартай хамтран хийх юм. Дараагийн хагалгаа тун удахгүй хийгдэх болно" гэлээ.