Дуучин Мадонна 23 настай, загвар өмсөгч Эндрю Дарнелл гэх залуутай романс үүсгэсэн нь олны анхаарлыг татах болжээ. "Page Six” хуудаст мэдээлснээр, Мадонна, Эндрю нар Баасан гаригт Нью-Йорк хотын "Ирвинг Плаза"-д болсон Нигерийн хөгжимчин "REMA"-гийн тоглолтод оролцсон байна. Тухайн үед Мадонна 41 насаар дүү найз залуугаасаа алхам ч холдож чадахгүй, тэврэлдэж байсан гэнэ.

Өдгөө 64 настай Мадонна Ням гаригт инстаграмдаа Эндрютэй хамт зугаалж буй зургуудаа дэлгэсэн байна. Дийлэнх зурагт тэд тэврэлдсэн байх ба Мадонна жаргалтай байгаа бололтой. Эндрю өмнө нь Мадоннагийн слайд шоунд оролцож байсан. Шоуны үеэр тэрбээр Мадоннагийн матрын арьсан Биркин цүнхийг барьж, зургаа авахуулж байв. Уг цүнхэн дээр "DEALER" гэж хиймэл алмаазан шигтгээгээр бичсэн байдаг.

Эх сурвалж: DAILY MAIL