Гарц, шийдэл олддоггүй түгжигдсэн ТҮГЖРЭЛ | News.MN

Гарц, шийдэл олддоггүй түгжигдсэн ТҮГЖРЭЛ

РЕДАКЦИЙН ЗУРВАС

Гарц, шийдэл олддоггүй түгжигдсэн ТҮГЖРЭЛ

Гарц, шийдэл олддоггүй түгжигдсэн ТҮГЖРЭЛ

Түгжрэл… одоо ч нийслэлчүүдэд энэ үг амны уншлага, асуудлын эхлэл болжээ. Хүн амын тал хувь нь амьдардаг Монгол Улсын нийслэл Улаанбаатар хот өдгөө түгжрэлийн оргил үе буюу “тэг” зогсдог үе нь. Жил бүрийн намар нь хичээл, сургууль эхлэхтэй зэрэгцэн нийслэлчүүд зам дээр гацдаг энэ байдал сүүлийн 20 жил үргэлжилж байна. Хүн амын тоо өсөхийн тоогоор машины тоо ч өсч ийн зам дээрээ явах бус зогсдог, энэ асуудалдаа шийдэл олсонгүй өнөөдрийг хүрэв. Хотын дарга бүрийн амлан авдаг гол ажил нь түгжрэл боловч шийдсэн, шийдэл олсон нэг ч зохицуулалт өнөөдөр алга.

Энэ жил гэхэд түгжрэлд зориулж улсын төсвөөс 420 тэрбум төгрөг төсөвлөсөн. Энэ мөнгөөр 117 тэрбумаар нь зам өргөтгөх, 196,5 тэрбумаар газар чөлөөлөх, төлбөртэй зогсоолд 13,8 тэрбум, 30 тэрбумаар уулзваруудын нэвтрэх чадамжийг сайжруулах, 43,2 тэрбумаар ухаалаг тээврийн систем нэвтрүүлэх, нийтийн тээвэрт парк шинэчлэл хийх, 130 тэрбумаар гүүрэн тулгуурт байгууламж бүхий нийтийн тээврийг нэвтрүүлэх, 30 тэрбумаар Богдхан төмөр замын төслийн газар чөлөөлөлт хийхээр төлөвлөөд буй.

Түгжрэлийг бууруулах олон арга, санаачлага өнгөрсөн хугацаанд гарч байсан ч өнөөдрийг хүртэл дорвитой шийдвэр олж чадаагүй, хийгээгүй учраас тэгш, сондгой гэсэн түр аргацаасан шийдвэрээс хэтэрч чадахгүй байна, Хотын дарга. Угтаа бол 2016 оноос хойш эрх баригч МАН хотод үнэмлэхүй ялалт байгуулсан учраас тэд нийслэлийг удирдаж буй. Анх 2016 оны сонгуульд үнэмлэхүй ялсан МАН Су.Батболдыг Хотын даргаар томилж байв. Түүний дараа С.Амарсайхан, одоо Д.Сумъяабазар. Үндсэндээ сүүлийн зургаан жилийн хугацаанд эрх баригч МАН хотыг удирдаж, нийслэлчүүдийн асуудлыг шийдэж, түгжрэлтэй зууралдаж байгаа ч өнөөдөр ч тэдэнд шийдэл, гарц байхгүй байгаа нь олон хүнийг шүүмжлэлийг дагуулахад хүргэж буй.

С.Батболдын үед буюу зургааны жилийн өмнө Хотын удирдлагууд түгжрэл үүсч буй шалтгаан нь сдантартын шаардлага хангасан автомашины зогсоол байхгүйтэй холбож тайлбарлаж байв. Тиймээс ч 70 орчим байршилд автозогсоол барих ажлыг эхлүүлж байв. Мөн эмнэлгийн гаднах зогсоолуудыг тохижуулж, 4 давхар 400 автомашины дулаан зогсоол барих шийдвэрүүд гаргаж байв. Эрх баригчид хоорондоо толхилцож, нэг бүлэг нь нөгөө бүлгээ унагаж, Засгийн газар, Хотын удирдлагыг гартаа авч байв. Харин тэр үед Хотын даргаар С.Амарсайхан /Одоогийн Шадар сайд/ томилогдож байв. Хамгийн хоржоонтой хэрнээ шийдэл гарч олж чадаагүй түгжрэл бууруулах санаануудыг Хотын дарга асан С.Амарсайхан гаргаж байв. Зам дээрээ түгжирдэг нийслэлчүүдийг агаарт гаргах санаачлагыг тэр гаргаж, “Агаарын дүүжин тээвэр”-тэй болох санаачлагыг тэр эхлүүлсэн. Ингэхдээ “Агаарын дүүжин тээвэр” байгуулах компани хүртэл байгуулж, төсвөөс маш өндөр зардал гаргасан ч өнөөдөр ч нийслэлчүүд газартаа түгжирсээр. Сонирхолтой нь агаарын зам ярьсан С.Амарсайханы олсон төгс шийдэл нь улсын дугаарыг тэгш сондгойгоор зорчуулах байв.

Өнөөдөр ч хэрэглээд буй улсын дугаарын тэгш, сондгойгоор зорчих шийдвэрийг анх 2019 оны намар буюу одоогоос дөрвөн жилийн өмнө санаачилж, хэрэгжүүлж байв. Машины тоо нь хэтэрсэн, гарц шийдэл байхгүй учраас ийн тэгш, сондгойгоор зорчуулах аргацаасан арга хэрэглэсээр тэд өнөөдөртэй золгож байна.

2020 оны сонгуулийн дараа мөн л хотод МАН ялалт байгуулж, Хотын дарга болох хүн олдохгүй Д.Сумъяабазар УИХ-ын гишүүний бүрэн эрхээсээ түдгэлзэж, түгжрэлийг амлан авсан дараагийн дарга болов. Тэр томилогдож, түгжрэлийг амлан авснаас хойш хэдий хоёр жилийн хугацаа өнгөрчээ. Өнгөрсөн хугацаанд түгжрэл бас л буураагүй, тэгш, сондгойгоор зорчих аргацаасан шийдвэртэйгээ л байгааг өнгөрсөн долоо хоногийн турш нийслэлчүүд хэрэгжүүлэв. Мэдээж олон жилийн асуудал, олон хүчин зүйлээс шалтгаалах түгжрэлийн асуудлыг нэг өдөр шийдэхгүй. Гэхдээ МАН эрх барьсан зургаан жилийн хугацаанд түгжрэл нэрээр “баяжсан” нь олон, асуудлыг шийдэж чадалгүй ажлаа өгсөн нь олон болохоос асуудлыг богино, дунд, урт хугацаанд нь шийдсэн нэг ч шийдэл өнөөдөр алга.

Хотын түгжрэлийг шийдэхийн тулд захиргаадалтын арга хэрэглэнэ гэдгээ Д.Сумъяабазар дарга ам бардам хэлнэ билээ. Тэгш, сондгойгоор зорчуулахыг цаашид сунгаж магадгүй гэдгээ ч хэлсэн. Үүний тулд хүний эрхэнд халдсан, хүний эрхийг зөрчсөн олон үйлдэл хийнэ гэдгээ ч мөн тодотгов.

Үе үеийн Хотын дарга нар асуудлыг ярьдаг, санаачилдаг, үр дүн нь ямар байгааг бид өнөөдөр харж байна. Өнгөрсөн хугацаанд бид түгжрэлийг шийдэх зорилгоор “Метро, Рейлбус, Тусгай замын автобус (BRT),  яван хүний, дугуйн зам, буруу хүрдтэй машиныг хязгаарлах, тэгш сондгойгоор хязгаарлах, дугаарын хязгаарлалт” гээд олон санаачлага, арга хэрэглэж байгаа ч өнөөдөр ч бид асуудлаа шийдээгүй, олон дарга нар солигдож, гоё санаа гаргахыг л харсаар сууна. Мэдээж, нэгэнт ийм болсон цаг үед аргацаасан шийдвэрээс илүү бодит шийдэл хэрэгтэй. Түүнийг хийхэд хэцүү ч 1,6 сая иргэнийхээ эрхийг нь хязгаарлахгүй, зөв шийдлийг олох ёстой. Үүнийг хийхийн тулд тэд олон сайхан амлалт өгч, албан тушаал хашиж буй.

Эцэст нь онцлоход, зургаан жил Хотыг удирдсан МАН-ынханд 2024 оны сонгуулиас өмнө түгжрэлийг бууруулах гарц, шийдэл олдоно гэдэг юу л бол. Харин тэд түгжрэл бууруулах нэрээр энэ жил 420 тэрбум, ирэх хоёр жилийн хугацаанд 840 тэрбум төгрөгийг улсын төсвөөс авахаар төлөвлөснийг энд тодотгоё.

Энэ мэдээнд өгөх таны сэтгэгдэл?
5
ТэнэглэлТэнэглэл
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-09-05 46.147.101.102

83816765 !!!!! Сайн уу!! Намайг Алиса гэдэг, би 21 настай)) СЕКС загвар өмсөгч 18+)) Би нүцгэн зургаа авахуулах дуртай) Миний зурганд үнэлгээ өгнө үү ~~ https://cutt.ly/girl01646

Avatar

Зочин 2022-09-05 139.5.216.30

Автозамын түгжрэлийг бууруулахын тулд олон арга хэмжээ авч байгаа ч Улаанбаатар хотын гол замуудын нэвтрүүлэх боломжоос давсан олон машин зорчиж, тоо нь улам бүр нэмэгдсээр байгаагаас түгжрэл буурахгүй байна. Иймээс хил, гаалиар тээврийн хэрэгслийг (тх) оруулахаас түгжрэл бууруулах ажлыг эхлэн, ялангуяа оруулах суудлын машины тоог судалгаа, төлөвлөлтөнд үндэслэн тогтоох, нэг хувь хүн, ААН ийн жилд оруулж болох тх ийн тоонд хазгаар тавих. эсвэл гаалийн татвар, хураамжийг өсгөж боломжтой.

Avatar

Зочин 2022-09-05 139.5.216.30

Авто машинаараа хотын төв гудамжаар түгжрэл багатай зорчин ажил, үүргээ гүйцэтгэх гэсэн олонхийн эрх ашгийг, гадаадаас машин оруулж ирж байгаа цөөнхийн эрх ашгаас дээгүүр тавьж, суудлын машины импортыг түр ч болов багасгах арга хэмжээ аввал ямар вэ?

Avatar

Зочин 2022-09-05 103.212.119.40

Түгжрэлээс гарах төгс шийдэл төмөр зам агаарын бохирдлоос гарах төгс арга нь орон сууцжуулах цахилгаан хийн халаагуур. Хөрсний бохирдлоос гарах төгс арга шугам сүлжээ

Avatar

Зочин 2022-09-05 103.10.21.234

Түгжрэлбөх дарга өөрөө түгжирч үхээсэй 420 тэрбумаар түгжрэл бууруулах биш нэмээд хаячлаашд бөхөн толгой ингэж л ойлгонодоо

Avatar

Зочин 2022-09-05 202.126.89.116

Нийслэлээ нүүрс, Хэрлэн гол, хар, төмөр зам сайтай, Хөшигийн хөндий, Эрээнд ойрхон Багануур, Багахангайн дундах Гүн галуутаын уужим тэгш хөндийд нүүлгэе. УБ аж үйлдвэрийн хотоороо үлдэг

Avatar

Зочин 2022-09-05 66.181.161.68

Туул голын мөсыг долоох шахам 30 жил шудрага хөдөлмөр хийж баялаг бүтээж олсон хэдээрээ лизингээр дэмнэн унаатай болсон ард иргэд түгжрэлд буруутай юу?
30 жил авлига авч газар зарж хот төлөвлөлт хийж чадаагүй өдий хүргэсэн хэн нэгэн буруутай юу ? Өмчтөй унаатай болох мөрөөдөл иргэн бүрд байгаа, үүнийг хязгаарлаж, торгож, хориглохоос өөр шийдэл олохгүй өдий хүрлээ

Avatar

Зочин 2022-09-05 64.119.17.153

УБ нь ТЗ-аараа хуваагддаг. Өмнө нь төв хэсгээрээ зөвхөн Энхтайвны гүүртэй. Сүүлийн 30 жилд нарны болон олимпийн гүүрийг л нэмж барьсан. Уг гүүрнүүдээр ТЗ давангуут цаад талын уулзвар дээр нь бөглөрөнө, учир нь гүүрнээс буух замын сүлжээгээ шийдэж чадаагүй. Мөн сүүлийн 10 гаруй жилд УБ нь мөн Туул голоороо хуваагддаг болсон. Яармаг, Зайсан орох/гарах гүүр, замын сүлжээгээ зохистой шийдэл үгүйлэгдэж байна. Ө/х бид "Ниргэсэн хойно нь хашгирав" гэгчээр, урьдчилж биш, асуудал үүссэн хойно ярьдаг

Avatar

Зочин 2022-09-05 202.21.111.10

аймгуудаа хөгжүүлчихэд л болох асуудал даа? энэ хотод үхсэнээ хийхэвдээ

Avatar

Зочин 2022-09-05 202.21.111.170

Тийм, зарим аймгуудын аж ахуйн нэгжийн, хувь хүний орлогын, НӨАТ-н гэх мэт аль нэг татварыг багасгах эсвэл "0"-лэх хэрэгтэй санагддаг. Тэгэж байж л тэр орон нутагт бараа үйлчилгээний үнэ буурч, амьдрах өртөг багасаж, ажил олгогч болон ард иргэд УБ-с нүүн суурьших болов уу. Гэхдээ төсвийн мөнгө буурух учир засгийн газар, улс төрчид авч хэлэлцэхгүй л дээ. Эдийн засгийн эргэлт, компаниудын амжилтаас олох шууд бус орлогоос илүү толгой өвдөхгүй тогтсон татварымөнгөө аваад идэж байсан нь тэдэнд дээр.

Avatar

Зочин 2022-09-05 64.119.18.9

Хумуусийг хувийн машинаас татгалзуулах ганц гарц нь маш сайн нийтийн тээвэртэй болох, гэхдээ нийтийн тээврийн гол хэрэгсэл нь тугжрэлээс ул хамаарсан байх шаардлагатай, ийм тээврийн хэрэгсэл бол метроноос еер байхгуй л болоод байгаа юм даа, энийг бугд ойлгож мэдэж байгаа ч хэн нь илуу идэх вэ гэдэг дээрээ гацчихаад нэг нэгийгээ татаж унагасаар байгаад енеедер болжээ, цаашид ч нэг хэсэгтээ ингэж л явах биз дээ

Avatar

Зочин 2022-09-05 103.80.210.183

наад санаа чинь хэзээ ч бүтэхгүй ээ. хотоос өөр газарт тараах эс бөгөөс хүнээ алж цөөлөх арга л байгаа.

Avatar

Зочин 2022-09-05 202.55.188.110

Торгууль, татвараа төлөөгүй жолооч нарыг шүүж, төлж барагдуултал хөдөлгөөнд оролцуулахыг болиулах, үзлэг оношлогоонд хамрагдаагүй ТХ-ийг журамлахад л хөдөлгөөн бараг 50 хувь багасна доо.

Avatar

Зочин 2022-09-05 103.80.210.183

дарга нар яачууд чинв л харин хэдэн жилээрээ төлөөгүй ширлээд явж байдаг шүү

Avatar

Зочин 2022-09-05 122.201.26.3

Жил бүр нэмэгдэж байгаа хуучин автомашины импортоо цэгцлэхгүйгээр хичнээн төгрөг төсөвлөж юу ч хийгээд нэмэргүй. Үүнийг буруу сурталчилж шийдвэр гаргаад л маргаашаас нь буруу хүрдтэй машиныг хөдөлгөөнд оролцуулахгүй юм шигээр санаатайгаар ард түмнийг өдөөж эсэргүүцсэн болгож харагдуулж байна. Машины импортыг бууруулах өчнөөн арга зам байна. Нэгэнт орж ирээд хөдөлгөөнд оролцож байгаа машиныг бүү оролд. Цаг хугацаа шийдээд өгнө.

Avatar

Зочин 2022-09-05 202.21.113.66

Автобусны чиглэл, тоог нэмэх, жижиг тойргийн автобусууд явуулах, автобус 30, 50 минут хүлээлгэдэг байдлыг өөрчлөх хэрэгтэй. Уул нь энгийн зүйл санагдах юм

Avatar

Зочин 2022-09-05 66.181.168.8

хуучин мөшины импортыг яаралтай хязгаарлах хэрэгтэй байна. Буруу талдаа хүрдтэй машиныг хот хооронд зорчуулахгүй байх хэрэгтэй байна. Их тойруугаар биш бага тойрогт дугаарын хязгаарлалтыг 2-3 жил хэрэгжүүлэх хэрэгтэй байна. Энэ 3 арга хэмжээг зэрэг авбал асуудал аяндаа шийдэгдэнэ.

Avatar

Зочин 2022-09-05 103.57.95.80

Харин эсрэгээрээ орон сууцны гадаах машин олширч явган хүн явахад төвөг учруулж хүүхэд тоглоход эрсдэлтэй орчин бий болоод байгааг анхаарах цаг болж байна шүү

Avatar

Зочин 2022-09-05 103.57.95.80

Буулгасан гаражнуудын газрыг тохижуулна гээд байсан яасан бэ хотын дарга аа? Заримых нь хаалгыг хагас дутуу аваад орхисон. Буулгавал бүрэн буулгаач ээ. Өвөл хаяанд ирлээ. Хаалгыг нь авсан гараж хогоор дүүрч жорлон болж байна. Ам ажил нь дандаа зөрөх юмдаа. Хийсэн ажлаө дуусгаач. Замын түгжрэл бууруулах 420 тэрбумаас гараж буулгахад зарцуулсан гэсэн тайлан гаргах гээд оромцоглоод хаяв уу. Хотын төвөөр лав гараж буулгасан газарт тохижилт хийсэн талбай харагдахгүй л байна шүү.

Avatar

Saraa 2022-09-05 73.44.179.140

Mashind 3-4 xuntei toxioldold xot dotor yvuulval deer baixaa…….

NewsMN Гар утасны хувилбар Татах
NEWS.mn

Мэдээллийн эх сурвалж