Оросын газрын тосны магнат "Лукойл" компанийн захирал Равил Маганов өчигдөр Москва хотноо эмнэлгийн цонхоор унаж нас баржээ. "Tass" агентлагт мэдээлснээр тэрбээр Пүрэв гаригийн өглөө эмнэлгийн зургаан давхрын цонхоор унасан ба амиа хорлолт гэж тодотгосон байна.

Харин Оросын хэвлэлүүдэд түүнийг Москвагийн төв эмнэлэгт эмчлүүлж байхдаа гэмтлээ даалгүй нас барлаа гэж мэдээлжээ. Мөрдөн шалгагчид түүний үхлийг шалгахаар ажиллаж байна гэж цагдаагийн газраас мэдээлэв.

Маганов нь, Оросын улс төр, бизнесийн элитийнхэн голдуу эмчилгээ авдаг Москвагийн баруун захад байрлалтай эмнэлэгт хэвтэн эмчлүүлж байжээ.

"Лукойл" бол Оросын хамгийн том хувийн компани. Компанийн зүгээс мэдээлэхдээ, 67 настай Равил Магановыг хүнд өвчний улмаас нас барсан гэв. Мөн мэдэгдэлдээ, Магановы менежментийн ур чадвар нь компанийг дэлхийн хамгийн том эрчим хүчний фирм болгон өргөжүүлсэн гэжээ.

ОХУ-аас өнгөрсөн хоёрдугаар сард "цэргийн тусгай ажиллагаа" нэрийн дор Украин руу дайрсны дараа "Лукойл" компанийн удирдах зөвлөл хуралдаж, зөрчлийг аль болох хурдан төгсгөхийг уриалсан аж. "Лукойл" компанийн тэрбумтан ерөнхийлөгч өнгөрсөн дөрөвдүгээр Их Британийн хоригт орсныхоо дараа албан тушаалаасаа огцорчээ.

ОХУ-ын нефть, газрын тосны захирал, гүйцэтгэх захирлууд учир битүүлгээр нас барсаар байна. Тухайлбал:

Тэрбээр 1993 оноос тус компанид ажиллаж эхэлсэн ба хоёр жилийн өмнө захирал болон дэвшчээ. Гурван жилийн өмнө ОХУ-ын ерөнхийлөгч Владимир Путин түүний гавъяаг үнэлж шагнасан байв.