Зөвлөлт болон Оросын төр, нийгмийн нэрт зүтгэлтэн, Зөвлөлт Холбоот Улсын Коммунист намын Төв хорооны сүүлчийн Ерөнхий нарийн бичгийн дарга Михаил Сергеевич Горбачёв таалал төгссөнд түүний гэр бүл, төрөл төрөгсдөд Монгол Улсын төр засаг гүн эмгэнэл илэрхийлж байна.

Михаил Сергеевич Горбачёвын эхлүүлсэн шинэчлэл нь хуучин ЗСБНХУ-ын хувьд түүхэн үйл явдал болсноос гадна дэлхий дахин, олон ард түмэнд томоохон өөрчлөлт авчирсан билээ.

Тэрбээр Монголын ард түмний сэтгэлд шинэчлэл, өөрчлөн байгуулалт, ардчиллын бэлгэ тэмдэг болон үлдсэн болно.

Эх сурвалж: Монгол Улсын Гадаад Харилцааны Яам