Өмнөд Солонгосын засгийн газар 2023 оны санхүүгийн  батлан ​​хамгаалахын төсвөө энэ оноос 4.6 хувиар нэмэгдүүлэхээр төлөвлөж байгаагаа мэдэгдлээ. Хэрэв энэ нь эцэслэн шийдэгдвэл Японы санхүүгийн анхны төсөв болох 5,4 их наяд иен буюу 39 тэрбум долларыг давах юм. Өмнөд Солонгосын Засгийн газар Мягмар гаригт батлан ​​хамгаалахын төсвийн  57.1 их наяд вон буюу 42.4 тэрбум доллараар баталлаа.

Өмнөд Солонгосын засгийн газар Хойд Солонгосын цөмийн зэвсэг, пуужингийн аюулыг сөрөн зогсохын тулд "гурван тэнхлэг" гэж нэрлэгддэг хамгаалалтын системээ бэхжүүлсээр байна. Тус гурван шатлалт систем нь пуужин харвалт  илэрсэн үед урьдчилан сэргийлэх цохилт өгөх, хөөргөсний дараа таслан зогсоох, хариу арга хэмжээ авах томоохон довтолгооноос бүрдэнэ. Батлан ​​хамгаалах яам нисгэгчгүй  онгоцыг нэвтрүүлэх, агаарын довтолгооноос хамгаалах системээ цаашид хөгжүүлэхэд хөрөнгө зарцуулсан гэж мэдэгдэв. Ерөнхийлөгч асан Мүн Жэ Иний засгийн газрын дэмжсэн шинэ хөнгөн,  онгоц тээгч хөлөг онгоц бүтээх төсөл төсөвт тусгаагүй байна.

Төсвийн төслийг ирэх Баасан гаригт парламентад өргөн мэдүүлнэ.

Эх сурвалж: NHK