"Нэг айлын хүүхдүүд өөр цэцэрлэгт хуваарилагдсан алдаа гарсан" | News.MN

"Нэг айлын хүүхдүүд өөр цэцэрлэгт хуваарилагдсан алдаа гарсан"

"Нэг айлын хүүхдүүд өөр цэцэрлэгт хуваарилагдсан алдаа гарсан"

"Нэг айлын хүүхдүүд өөр цэцэрлэгт хуваарилагдсан алдаа гарсан"

Боловсрол, шинжлэх ухааны яамнаас цэцэрлэг, сургуулийн бүртгэлтэй холбоотой асуудлаар тайлбар, мэдээлэл хийлээ.

БШУЯ-ны Бага, дунд боловсролын газрын дарга Т.НЯМ-ОЧИР:

-Цэцэрлэгийн бүртгэл амжилттай зохион байгуулагдаж байна. Гэхдээ энэ жил хүсэлт хүлээн авах ажлыг анх удаа цахимаар зохион байгуулж буй учраас системийн алдаа гарсан тохиолдол бий. Тухайлбал, нэг айлын 2-3 хүүхэд өөр өөр цэцэрлэгт хуваарилагдсан. Нийт 4992 хүүхэд байна. Эдгээр хүүхдүүдийн 10 гаруй хувь нь өөр цэцэрлэгт хуваарилагдсан. Үүнийг харъяа цэцэрлэг дээр баталгаажуулж, нэг цэцэрлэгт хамруулах ажил зохион байгуулж байна.

Мөн хувийн цэцэрлэгт хамрагдах хүүхдүүдийн төлбөрийн тухайд уян хатан байх зохицуулалт хийж байна.

Хувийн цэцэрлэгүүдэд хувьсах зардал нэмж олгож байна. Мэдээж инфляци зэрэг асуудлаас үүдэж төлбөр нэмсэн цэцэрлэгүүд бий. Магадгүй хувийн цэцэрлэгт хамрагдаад, зөрүү төлөх боломжгүй хүмүүсийн тухайд бусад хувилбаруудад хамруулна. Ирэх саруудад ч цэцэрлэгийн байрны хүртээмжийг нэмэхээр төлөвлөж байна.

Цэцэрлэгийн барилгын хүчин чадал 140 мянга 904 хүүхдийг хамруулахаар төлөвлөж байна. Объектын тухайд:

  • 124 мянга 244 үндсэн барилга
  • 14 мянга 133 түрээсийн байр
  • 2527 байгууллагын цэцэрлэг байгаа юм.

Наймдугаар сарын 25-ны байдлаар цахим системээр 111 мянга 542 мянган эцэг, эх хүүхдүүдээ цэцэрлэгт хамруулах хүсэлт явуулсан. Тэднээс 1932 хүүхэд уламжлалт элсэлтэд хамрагдаад байна. Эдгээр нь байгууллагын цэцэрлэгт хамрагдсан, ээж, аав нь цэцэрлэгт ажилладаг хүүхдүүд юм. Нийт цэцэрлэгийн насны хүүхдүүдийн статистикаас харвал дүүрэг бүрд ачаалал харилцан адилгүй. Тухайлбал,

  • Баянзүрх дүүрэг 35100
  • Сонгинохайрхан дүүрэг 31718
  • Баянгол дүүрэг 21447
  • Хан-Уул дүүрэг 20891
  • Чингэлтэй дүүрэг 13345
  • Сүхбаатар дүүрэг 12316
  • Налайх дүүрэг 3472
  • Багануур дүүрэг 2340
  • Багахангай дүүрэгт 275 хүүхэд цэцэрлэгт тус тус хамрагдана.

Зарим хороонд хэт өндөр ачаалал үүссэн нь асуудал үүсгэж байна. Төвийн дүүргийн зарим хороонд хүүхдийн суудлын тоо хэтэрсэн. 130 цэцэрлэгийн байрыг түрээсэлж, 120 мянга гаруй хүүхдийг цэцэрлэгт хамруулахаар төлөвлөсөн ч зарим түрээслэгч замын дундаас шийдвэрээ өөрчилсөн. Мөн зарим цэцэрлэгийн засвар ирэх сард дуусна. Хамгийн сүүлд аравдугаар сарын 1-нд засвар дуусна. Иймд тухай бүрд нь ээж, аавуудад хүүхэд нь хэзээ цэцэрлэгтээ явж эхлэх талаар мэдээлнэ. Иргэдээсээ хүлээцтэй хандахыг хүсч байна.

Эцэг, эхчүүд оршин суух хаягаа өөрчилж байгаа нь маш их хүндрэл учрууллаа. Одоо ч үүнийг хянаж, шилжилтүүд дээр анхаарч ажиллаж байна.

Ерөнхий боловсролын 21, 18, 3, 84 дүгээр сургуулийн бага ангийн сурагчид хэдхэн өдөр гэнэт олноор нэмэгдсэн. Гэрт нь очоод шалгахаар хаалгаа тайлдаггүй. Нэг хаягт 3-4 айл бүртгүүлсэн нь сургуулийн ажилтнуудад, бусад эцэг, эхчүүдэд ихээхэн төвөг учруулж байна. Хуурамч бүртгэл их байгаа тул хянахаас өөр аргагүй. Ээж, аав, хүүхэд гурвуулаа өөр хаягтай тохиолдол ч байна. Ийм иргэдийг цагдаагийн байгууллагаар шалгуулна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-29 103.10.21.234

Энэ гэж худалч бантан нөхөр яаманд байсаар байх юмаа энэ бгаа цагт ажил өөдлөхгүйшдээ худ худ

Avatar

Уншигч 2022-08-29 202.179.26.32

Төрийн ажилд алдаа гаргаж болохгүй. Энэ этгээдийг халах хэрэгтэй

Avatar

ИРГЭН 2022-08-29 64.119.17.77

ХУД-Т ЛАВ ИЙМ ДАМПУУРАЛ ИХ БН ЖН; 18-ХОРООНД

Avatar

Зочин 2022-08-29 139.5.218.144

та нар ажилийг ингэж хийдэг!!!!!!одоо зайлцагаа!!!!улс бүр дройтож бна.ард түмэн эргүүта нарийг хараад зэвүү хүр ч бна.ёстой арчаагүй хулгайчид юу ч хийж сэтгэж чадөхгүй Мөнгөнд шуналттөаар нүд сохор дог юм тэнэгүүдээ!!!!!!!!!

Avatar

Энэ ажлыг зохион байгуулж хийж байгаа хүмүүст баярлалаа! 2022-08-29 192.82.88.179

Алдаа гаргахгүй юм хийнэ гэж байхгүй ээ, тэрийгээ улам сайжруулаад явах хэрэгтэй. Баярлалаа, маш олон хүүхэд цэцэрлэгтэй болсон байна. Энэ их ажлыг хийхэд оролцож байгаа бүх хүсүүст баярлалаа!

Avatar

иргэн 2022-08-29 64.119.25.126

Эд ингэж л төрийн ажлыг халтуурдаж ард олныг хохироож байна. Хариуцлага тооцно гэж огтоос байхгүй

Avatar

Иргэн 2022-08-29 103.212.117.71

Засгийн газар, хариуцсан сайдын өгсөн үүрэг даалгавар ингэж дунд доод шатандаа завхардаг. Алдаа гаргасан этгээдүүдэд хатуу хариуцлага тооцох хэрэгтэй дээ

Avatar

болд 2022-08-29 202.179.15.71

Гэрийэн ойрхон цэцэрлэг нь дүүрээгүй байхад шинэ хүүхэд гээд хол цэцрлэгт хувиарлаж байна. Жишээ нь ХУД-ын 218 цэцэрлэг

NewsMN Гар утасны хувилбар Татах
NEWS.mn

Мэдээллийн эх сурвалж