Пакистанд энэ зун бороо орж, үерийн улмаас наад зах нь 903 хүн амиа алдсан харамсалтай тоо гарчээ.  Тус улсад найм дахь удаагийн хүчтэй  бороо орж байна гэж Пакистаны Уур амьсгалын өөрчлөлтийн сайд Лхагва гаригт олон улсаас  тусламж хүсэх үедээ  "CNN" телевизэд ярив. Энэхүү гамшгийн улмаас олон мянган хүн орон байр, хоол хүнсгүй болсон гэж Шерри Рехман мэдэгдлээ.

"Бидний ярьж байгаагаар олон мянган хүн орон байргүй, хоол хүнсгүй  байна. Мөн холбооны шугам тасарсан. Энэ бол хүмүүнлэгийн ноцтой гамшиг юм.  Амиа алдагсдын дунд 326 хүүхэд байна"  гэж тэрбээр мөн твиттер хуудсандаа бичжээ.  Засгийн газар хохирогчдод туслахын тулд боломжтой бүх нөөц бололцоогоо ашиглаж байна гэж мэдэгдээд байна.

НҮБ-ын Хүмүүнлэгийн хэрэг эрхлэх газар  (OCHA) мэдээлснээр, зургаадугаар сарын дунд үеэс эхлэн Пакистанд хүчтэй муссон бороо орж, үерийн улмаас 2.3 сая хүн хохирчээ. Хүмүүнлэгийн агентлагийн мэдээлснээр дор хаяж 95,350 байшин сүйдсэн байна.  OCHA Мягмар гаригт хийсэн хэвлэлийн мэдээнд зүүн өмнөд хэсгийн Синд муж болон баруун өмнөд Белучистан муж нь "хүний ​​болон дэд бүтцийн нөлөөллийн хувьд хамгийн их өртсөн" хоёр муж гэдгийг онцлов.

Эх сурвалж: CNN