Япон шинэ атомын цахилгаан станц барих асуудлыг авч үзэх хэрэгтэй гэж Ерөнхий сайд Фумио Кушида Лхагва гаригт мэдэгдэв. 2011 онд болсон Фүкүшимагийн гамшгийн дараа тус улс олон цөмийн станцуудаа түдгэлзүүлсэн. Кишидагийн энэхүү санал нь  бодлогын маргаантай өөрчлөлт байж магадгүй юм.

Гэвч Украины дайн болон эрчим хүчний үнэ асар их өсч байгаа нь эрчим хүчний салбарыг төрөлжүүлэх шаардлагатай байгааг харуулж байна гэж Кишида үзэж байгаа юм.  Мөн Япон 2050 он гэхэд нүүрстөрөгчийн хийг саармагжуулах зорилтыг биелүүлэхийн тулд цөмийн эрчим хүч хэрэгтэй байж магадгүй гэж тэрбээр  нэмж ярив. Засгийн газар дараагийн үеийн цөмийн реакторуудыг барих асуудлыг авч үзэхээс гадна одоо офлайн байгаа станцуудыг дахин ажиллуулж, ашиглалтын хугацааг нь уртасгах талаар анхаарч ажиллах болно гэж Кишида эрчим хүчний бодлогын хурал дээр мэдэгдэв.

Эх сурвалж: NHK Japan