Сурвалжлага: Үүдээ хаалгасан 13 сургуулийн зарим нь элсэлт авч байна | News.MN

Сурвалжлага: Үүдээ хаалгасан 13 сургуулийн зарим нь элсэлт авч байна

Сурвалжлага: Үүдээ хаалгасан 13 сургуулийн зарим нь элсэлт авч байна

Сурвалжлага: Үүдээ хаалгасан 13 сургуулийн зарим нь элсэлт авч байна

Боловсрол, шинжлэх ухааны сайд Л.Энх-Амгалан 13 дээд сургууль, коллежийн үйл ажиллагааг зогсоож, хаана гэж мэдэгдсэн. Гэвч эдгээр дээд сургуулийн зарим нь сайдын шийдвэрийг хүлээн зөвшөөрөхгүй, шинээр оюутан элсүүлж байна. Тиймээс энэ удаа тусгай зөвшөөрлөө цуцлуулж буй дээд сургуулиудыг зорин очиж сурвалжиллаа.

Зарим дээд сургуулийн хувьд хаврын элсэлтээ аль хэдийнээ хийж дууссан үед сайд мэдэгдэл хийснээс болж үйл ажиллагаагаа явуулах хэцүү, үүдээ хаах хэцүү болсон тухайгаа учирлаж байв.

Харин аялал жуулчлалын чиглэлээр мэргэжилтэн бэлтгэдэг “Газарчин” дээд сургууль үйл ажиллагаагаа зогсоожээ. Хичээлийн байр нь эл хуль, эзэнгүй угтав. Сургуулийн удирдлагаас тодруулахад “Салбарын сайдын мэдэгдлийн дагуу бүртгэлээ зогсоосон. Хүүхдүүдээ ийш тийшээ шилжүүлэх асуудлаа ярилцаж байна. Бид яамныхаа шийдвэрийг дагана” гээд дэлгэрэнгүй мэдээлэл өгөхөөс татгалзсан юм.

Дараагаар нь байгаль орчны гэх тодотголтой “Эко Ази” дээд сургуулийн зүгээс их засвар хийж байгаа учраас мэдээлэл өгөх боломжгүй байна. Шинээр оюутан элсүүлж байгаа. Манайх Улаанбаатар эрдэм их сургуулийн бүрэлдэхүүн сургууль учраас үйл ажиллагаа хэвийн явуулна” гэдэг хариултыг өгөв. Мөн “Маргад” дээд сургууль шинээр оюутан элсүүлж байгаа бөгөөд хэвлэлд мэдээлэл өгөх боломжгүй гэв.

Монгол Улсын Засгийн газрын тогтоол, Боловсрол, шинжлэх ухааны сайдын тушаалаар 13 сургуулийн сургалтын үйл ажиллагааг зогсоож, найман сургуулийг бусад сургуулийн харьяанд шилжүүлж нэгтгэх шийдвэр гаргасан.

Тусгай зөвшөөрөл нь цуцлагдаж байгаа 21 байгууллагад 163 багш ажиллаж, 1567 оюутан суралцаж байсан юм. Энэ багш нар шаардлага хангасан тохиолдолд бусад сургуульд шилжин ажиллах боломжийг нээх бол оюутнууд хүссэн сургуульдаа шилжин суралцах боломжтойг албаныхан хэлж буй.

Боловсрол шинжлэх ухааны сайд Л.ЭНХ-АМГАЛАН:

-Оюутан болсон нэг хүүхдийнхээ сургалтын төлбөрийг төлөхийн тулд ээж аав, эмээ өвөө нь арилжааны банкуудаас дөрвөн жилд дунджаар 12-15 сая төгрөгийн цалингийн, тэтгэврийн зээл авдаг.Дээр нь хувцас, байр, хоол, унааны мөнгө нэмэгдэнэ. Төгсөөд ажлын байргүй, төгссөн сургуулийн нэр хүнд, чанараас хамаарч ажилгүй болж лангуун дээр зогсож байгаа нь хатуу үнэн.

Аль нэг сургуулийн эрх ашиг хөндөгдөхөөс илүү ардын хүүхдийн эрх ашиг, аав ээжүүдийн нийгмийн баталгаа, төлбөрөөс үүдэлтэй ядуурлын эрсдэлээс хамгаалах нь төрийн үүрэг байх болно. Янз бүрээр хэлж, дайрч эхэлж байх шиг байна. Надад ямар ч алга ташилт хэрэггүй. Ямар ч албан тушаалын амбиц байхгүй. Зүгээр л 30 жил төөрсөн их дээд боловсролын тогтолцоог зөв замд нь оруулах ганцхан зорилго буй" гэдгийг мэдэгдсэн.

“ДАЛАЙ ВАН” КОЛЛЕЖ, “ТҮШЭЭ” ДЭЭД СУРГУУЛИАС 120 ОЮУТАН ИРСЭН"

Хөвсгөл аймгийн Мөрөн хотод байрладаг “Далай ван” коллеж болон “Түшээ” дээд сургууль нь Идэр их сургуультай нэгтгэсэн. Тодруулбал, “Далай ван” коллежийг “Идэр” их сургуулийн салбар сургууль болгон нэгтгэх салбарын сайдын тушаал 2022 оны тавдугаар сарын 19-нд гарсан бол “Түшээ” дээд сургуулийг нэгтгэх тушаал 2021 оны арванхоёрдугаар сарын 20-нд гарчээ.

“Идэр” их сургууль нь 2000 оюутан суралцагчтай бөгөөд дээрх хоёр сургуулийг нэгтгэснээр “Далай ван” коллежоос 40, “Түшээ” дээд сургуулиас 80 оюутан, 10 багш нэмэгдсэн гэдгийг сургуулийн удирдлага хэлсэн юм.

"11 СУРГУУЛИЙГ ХААЖ, 10 СУРГУУЛИЙГ БУСАД ИХ СУРГУУЛЬТАЙ НЭГТГЭСЭН"

 “Идэр” их сургуулийн захирал Д.ЗОРИГТ:

-Монголын их дээд сургуулийн тоог цөөрүүлж, чанаржуулахын тулд  21-ээр багасгаж, нэгтгэж байна гэдэг бодлогыг дэмжиж байгаа. Харин яамны мэдээлэлд утгын алдаатай байсан. Учир нь 21 сургуулиас 13-ынх нь үйл ажиллагааг зогсоож, найман сургуулийг бусад их сургуультай нэгтгэсэн гэсэн. Гэтэл үйл ажиллагааг нь зогсоосон 13 дээд сургууль дотор “Далай ван”, “Түшээ” дээд сургууль сайдын тушаалтайгаар “Идэр” их сургуульд нэгдсэн. Тэгэхээр энэ хоёр сургуулийн үйл ажиллагаа зогссон бус үйл ажиллагаа нь “Идэр” их сургуультай нэгдэн үргэлжилж буй. Тэгэхээр 11 сургуулийн үйл ажиллагааг зогсоож, 10 сургуулийг бусад их сургуультай нэгтгэсэн гэж мэдээлэх байсан.

Гурван дээд сургуулийг нэгтгэснээр байр талбайн хүндрэл гараагүй. Зай талбай хангалттай байгаа. Нэршлийн хувьд “Идэр” их сургуулийн “Далай ван” коллеж биш “Идэр” их сургуулийн Хөвсгөл аймаг дахь салбар гэж хэлнэ.

МОХ: 13 ДЭЭД СУРГУУЛЬ ОЮУТАН ЗАЛУУСЫН СУРАХ ЭРХИЙГ НОЦТОЙ ЗӨРЧСӨН

Монголын оюутны холбооны зүгээс мэдэгдэл гаргажээ. Үүнд, Монгол улсад нийт 147 мянга гаруй оюутан залуус дээд боловсрол эзэмшихээр суралцаж буй. Тэдэнд хамгийн тулгамдаж буй асуудал боловсролын чанар. Хүн бүр суралцах, дээд боловсрол эзэмших эрхтэй. Оюутанд олгогдож буй боловсрол чанартай байж чадахгүй байна гэдэг нь тус эрх зөрчигдөж буйн хамгийн том илэрхийлэл мөн юм.

Тусгай зөвшөөрөл нь цуцлагдсан сургуулиудын нэг нь зургаан хөтөлбөрөөр 46 оюутанд үндсэн найм, гэрээт хоёр багшаар сургалтын үйл ажиллагаа эрхэлж явуулж байна. Дээд боловсролын суурь хичээлийн багшгүй, багш монгол хэлний хөтөлбөр сүүлийн гурван жил элсэлтгүй, утга зохиолын хөтөлбөр гурав, сэтгүүл зүйн хөтөлбөр нэг оюутантай, сэтгэл судлал дөрвөн оюутантай.
Нэг багшид ногдох дундаж кредит 125.7, нэг хөтөлбөрт ногдох багшийн тоо 0.64 байгаа нь сургалтын үйл ажиллагаа, чанарт ноцтой доголдол үүссэн гэж үзэж байгаа цаашлаад холбогдох хууль болон Дээд боловсролын сургалтын байгууллагын ангилал тогтоох журмыг зөрчсөн. Энэ мэтээр оюутан залуусын сурах эрхэд ноцтой зөрчил үзүүлж буй.
Хаагдсан сургуулиудад суралцаж байсан 1567 оюутныг ЭЕШ-ын оноо, голч дүн зэрэгт суурилан бусад төрийн болон хувийн өмчийн их, дээд сургуулиудад элсүүлэн суралцуулах шийдвэрийг БШУЯ -наас танилцуулсан. Энэ шийдвэрийн хүрээнд нэгж оюутан бүрийг ямар нэг хохирол, чирэгдэлгүйгээр үргэлжлүүлэн суралцах боломжийг бүрдүүлж өгөх явцад Монголын оюутны холбооны зүгээс хяналт тавин ажиллаж тайлагнах болно гэжээ.

Гэрэл зургийг Б.ЭРДЭНЭБИЛГҮҮН

Энэ мэдээнд өгөх таны сэтгэгдэл?
4
ХахаХаха
3
ХөөрхөнХөөрхөн
2
ТэнэглэлТэнэглэл
2
БурууБуруу
0
ЗөвЗөв
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-24 202.126.88.210

Мэдээж шаардлага хангаагүй л учраас хаасан нь ойлгомжтой шүү дээ. Тийм болохоор өөрсдийгөө хаацаалаад байх хэрэггүй шүү дээ.

Avatar

Зочин 2022-08-24 103.26.194.40

Хаасан ч элсэлт аваад бдаг. За за.хууль хамаагүй гэж бга

Avatar

Зочин 2022-08-24 66.181.161.98

Оюутны холбоо гэж үнэн бүтэлгүй газар 1 байнаа

Avatar

Зочин 2022-08-24 202.126.89.99

Ичих булчирхайгүй хүмүүс байх юмдаа мөнгөний төлөө яараас буцахгүй

Avatar

Өалкөө 2022-08-24 64.119.23.199

ЭНХ-АМГАЛАН САЙДЫН ЗӨВ ҮЙЛДЛИЙГ ҮНЭХЭЭР ДЭМЖИЖ БАЙГАА ШҮҮ.МӨНГӨ ХӨӨСӨН ,МЭРГЭЖЛИЙН БАГШГҮЙ, ЦӨӨХӨН ОЮУТАНТАЙ ХУВИЙН ГЭХ СУРГУУЛИУДЫГ БҮРМӨСӨН ХААХ ХЭРЭГТЭЙ .

Avatar

unshigch 2022-08-24 46.62.172.135

Монгол шиг замбараагүй хувийн ,чанаргүй сургуулиудыг хаах хэрэгтэй. Өшөө зөндөө байгаа. Сайн шалгамаар байна аа.

Avatar

Зочин 2022-08-24 103.57.94.71

Болиочээ! Энэ улсад хууль байна уу

Avatar

Зочин 2022-08-24 202.55.188.121

Huduunii orkuud l medehgui ochij elseed baina daa

Avatar

Зочин 2022-08-24 202.179.24.159

Мэдээд л хаагаа биз дээ. Зарим нь нэг хоёрхон магиср авдаг сургууль гэх юм байна Яасан ичих нүүргүй юм бэ

Avatar

Зочин 2022-08-24 66.181.186.44

Нэгэнт сайд хаасан бол тэнд элчихээд сүүлд нь олон юм тоочоод хэрэгүй шүү эцэг эх суралцагчид минь.мөнгөө өгч болохгүй.чанаргүй их сургуулиуд хаах л хэрэгтэй улс орны эрх ашиг….

Avatar

Зочин 2022-08-24 103.80.210.183

мөнгийг нь аваад бултах гэж байна даа. болвсролын яамны ажилгүй малууд ил гудамжаар зарлаад энэ энэ сургууль хаагдсан элсэж болохгүй гээд яваач ээ.

Avatar

ИРГЭН 2022-08-24 64.119.17.252

ЦАЙРСАН ЛУЙВАРЧИД БОЛОВСРОЛЫН СИСТЕМД АЖИЛХААР МОНГОЛ УЛСЫН УРУУДАН ДОРОЙТОХ АРГГҮЙ!!

Avatar

Зочин 2022-08-24 66.181.160.9

үйл ажиллагаагийн зогсоо гэсэн бол хариуцлагаа ойлгоод үүдээ хаах хэрэгтэй шүү чанаргүй баахан сургуулиуд бол

Avatar

zochin 2022-08-24 192.82.69.249

khaagdsan surguulid burtguuleed baidag teneg mongolchuud shuu

NewsMN Гар утасны хувилбар Татах
NEWS.mn

Мэдээллийн эх сурвалж