Дуурийн дуучин Б.Батжаргал Өмнөд Солонгосын Тэгү хотын 40 дэх удаагийн дуурийн дуулаачдын уралдаанд амжилттай оролцжээ. Тэрбээр шүүгчдийн нэрэмжит шагнал хүртэж, хоёр сая воноор шагнуулсан байна. Түүнээс уралдааны талаар тодруулахад "Миний бие энэ уралдаанд анх удаа оролцлоо. Энэ удаагийн уралдаанд Итали, Өмнөд Солонгосын 100 гаруй дуурийн дуучид өрсөлдсөн бөгөөд долдугаар сарын 8-наас наймдугаар сарын 21-ний өдрүүдэд болсон. Бусад уралдааныг бодвол хоёр шаттай, цөөн дуулах программтай байсан учраас хүнд байсангүй" гэв.