Хаагдсан сургуулиуд: БШУЯ ташаа мэдэгдэл гаргасан | News.MN

Хаагдсан сургуулиуд: БШУЯ ташаа мэдэгдэл гаргасан

Хаагдсан сургуулиуд: БШУЯ ташаа мэдэгдэл гаргасан

Хаагдсан сургуулиуд: БШУЯ ташаа мэдэгдэл гаргасан

Боловсрол шинжлэх ухааны сайд Л.Энх-Амгалан өнгөрсөн Баасан гаригт дээд боловсролын байгууллагын чанар, стандартад анхаарч ажиллана. Түүний эхлэл болгож чанаргүй, сургалтын орчин нөхцөлийг хангаагүй дээд боловсролын зарим сургуулийн тусгай зөвшөөрлийг цуцалж, хааж байгаагаа мэдэгдсэн.

Учир нь энэ хичээлийн жилд нийт 88 их, дээд сургуульд 147 мянган оюутан суралцах статистик бий. Эдгээр оюутнуудын 103 мянга нь улсын томоохон их сургуульд суралцах бол 1600 буюу нэг хувь нь стандарт бус 13 дээд сургууль, коллежид суралцах тов гарсан байна.

Иймд багш боловсон хүчин, сургуулийн зориулалтын байр зэрэг шаардлага хангахгүй  учраас зарим сургуулийн үйл ажиллагааг зогсоохоос өөр аргагүйд хүрчээ. Тэгвэл нэр заасан сургалтын байгууллагууд тус шийдвэрийг хэрхэн хүлээж авсан бол бүртгүүлсэн, суралцаж байгаа оюутнуудыг шилжүүлэх эсэхийг холбогдож тодрууллаа.

ГАЗАРЧИН, МАРГАД ДЭЭД СУРГУУЛИЙН БҮРТГЭЛ ХЭВИЙН ҮРГЭЛЖИЛЖ БАЙНА

Газарчин дээд сургуультай холбогдоход “Бүртгэл хэвийн үргэлжилж байна. Манай сургууль 1995 онд үүсгэн байгуулагдаж, 2024 он хүртэл магадлан итгэмжлэгдэж, аттестатчилагдсан. Бидэнд яамнаас ямар нэгэн албан бичиг ирээгүй. Хэвлэл мэдээллийн байгууллагаар гарч буй мэдээллийн талаар яам мэдэгдээгүй. Бүртгэл хэвийн үргэлжилж, оюутнуудаа ч авна” гэлээ.  Газарчин Дээд Сургууль нь 3 дахь шатанд магадлан итгэмжлэгдсэн, аттестачлагдсан буюу АНУ-н бизнесийн сургуулиудын магадлан итгэмжлэлийн зөвлөл (ACBSP)-д анхдагч, Ази, Номхон далайн дээд боловсролын чанарын сүлжээ (APQN)-д гишүүн сургууль бөгөөд 2022-2023 оны хичээлийн жилийн оюутны элсэлтийг хаах нөхцөл бүрдээгүйг онцоллоо.

Тус сургууль нь аялал жуулчлал, боловсрол судлал, эдийн засаг, инженерийн чиглэлийн 30 гаруй мэргэжлээр бакалаврын мэргэжлүүдийг санал болгож байгаа аж.

Хаяг: БЗД, 16-р хороолол, 19 дүгээр хороо, Газарчин Хотхон, Газарчин дээд сургууль

Харин Маргад дээд сургуультай холбогдоход мөн л бүртгэл үргэлжилж байна. Бид цөөн тооны оюутанд чанартай боловсрол олгодог. Төлбөрийн хувьд 2,5 сая төгрөг. Одоогоор бүртгэл дуусаагүй учраас хичээл ирэх сарын 1-нд эхлэхгүй байх. Ойролцоогоор долоо хоног хойшилж магадгүй гэх хариулт өглөө. Мөн сургалтын орчин нөхцөл стандартын дагуу бөгөөд багш боловсон хүчний тухайд ч асуудалгүй гэв.

Тус дээд сургууль байгалийн ухаан, бага анги, цэцэрлэгийн багш, экологи, байгаль хамгаалал, эдийн засаг, барилгын инженер зэрэг хөтөлбөрөөр элсэлт авч байна.

Маргад сургууль 19 дэх жилдээ тусгай зөвшөөрлийн шаардлагын дагуу бакалавр, магистрын хөтөлбөрийг хэрэгжүүлдэг бөгөөд 400 гаруй оюутан, үндсэн 32 багштай аж.

Хаяг: Орхон аймаг, Эрдэнэт хот Уурхайчин баг, III микро район

ТҮШЭЭ, ДАЛАЙ ВАН ДЭЭД СУРГУУЛЬ ИДЭР ИХ СУРГУУЛЬТАЙ ҮЙЛ АЖИЛЛАГААГАА НЭГТГЭСЭН

Түшээ дээд сургууль нь 1996 онд үүсгэн байгуулагдсан бөгөөд анх Хуульч-эдийн засагч гэсэн хосолсон мэргэжлээр элсэлт авч байсан хамгийн анхны хувийн ууган сургуулиудын нэг аж. Өдгөө нийт 24 дэх жилдээ тасралтгүй үйл ажиллагаа явуулж байгаа бөгөөд нийт 1600 гаруй оюутан төгссөнөөс нийт төгсөгчдийн 80 хувь нь төрийн болон төрийн бус байгууллагуудад ажиллаж байгаа аж.  Тус сургууль 2005 онд анх магадлан итгэмжлэгдэж,  2011 онд  10 жилийн хугацаатай 2021 он хүртэл хоёр дахь удаа  магадлан итгэмжлэгдсэн, аттестатчилагдсан сургууль аж.

Тус сургууль Идэр их сургуультай үйл ажиллагаагаа нэгтгэсэн учир бүртгэлийг цахимаар болон биечлэн очиж хийлгэх боломжтой гэлээ.

Харин Идэр их сургуулийн харьяа Далай ван дээд сургуультай холбогдоход үйл ажиллагаа зогсоосон зүйл байхгүй. Бүртгэлээ аваад явж байна. Хичээл ч мөн хугацааны дагуу хэвийн орно гэх хариулт өгөв.

МОНГОЛЫН МЕНЕЖМЕНТ, ТЕХНОЛОГИЙН ДЭЭД СУРГУУЛЬ БҮРТГЭЛ АВАХГҮЙ, ОЮУТНУУДЫГ ШИЛЖҮҮЛЭХ ЭСЭХ ШИЙДВЭР ГАРААГҮЙ ГЭВ

Монголын менежмент, технологийн дээд сургуультай холбогдоход бүртгэл авахгүй гэлээ. Тэгвэл суралцагч болон бүртгүүлээд байгаа оюутнуудыг аль сургуульд шилжүүлэх вэ? гэсэн асуултад одоогоор ямар ч албан шийдвэр гараагүй. Тиймээс урьтаж мэдээлэл өгөх боломжгүй. Багш ажилчдын асуудал ч мөн яригдана гэв.

Харин олон улсын тодотголтой дээд сургууль, коллежуудтай холбогдож тодруулахыг хүссэн боловч шийдвэр, мэдээлэл албажаагүй байхад хариу өгөхөөс татгалзлаа.

Тухайлбал, Номэра дээд сургууль, Рафлекс олон улсын институтын Улаанбаатар дахь салбар сургууль мэдээлэл өгөхөөс татгалзсан юм. Одоогоор эдгээр сургуулиудын бүртгэл дууссан байна. Харин бүртгүүлсэн хүүхдүүдийг шилжүүлэх, сургах эсэх шийд гараагүй байгаа аж.

ЗҮҮН ХҮРЭЭ КОЛЛЕЖ, ЧИНГИС ХААН ДЭЭД СУРГУУЛЬТАЙ ЦАХИМААР Ч ХОЛБОГДОХ БОЛОМЖГҮЙ БОЛЖЭЭ

Дашчойлин хийдийн дэргэдэх Зүүн Хүрээ коллеж "Философи-Буддын гүн ухаан", Хэл шинжлэл-Дорно дахины харьцуулсан хэл шинжлэл" чиглэлээр бакалаврын дөрвөн жилийн сургалтад элсэлт авдаг. Жилд дунджаар 10-15 оюутан авдаг тус сургууль энэ жил бүртгэл авсан нь тодорхойгүй байна. Учир нь утсаар болон цахимаар холбогдох гэсэн боловч хариу өгсөнгүй.

Харин Чингис хаан дээд сургууль 2011 онд БШУЯ-ны аттестатчилалын шалгуур үзүүлэлтийг ханган биелүүлж аттестатчилагдсан сургууль аж.

Сургалтын орчин үеийн бааз, тохилог хичээлийн байр, биеийн тамирын заал, оюутны дотуур байртайгаар сургалтын үйл ажиллагааг явуулдаг байна. Мөн АНУ-ын Макалестер коллеж, БНСУ-ын Жусон, Инжэ их сургууль, БНХАУ-ын Цицихар, Хөлөнбуйрын их сургууль, эрдэм шинжилгээний байгууллага, эрдэмтэдтэй хамтын ажиллагааны хүрээнд гэрээ байгуулан ажилладаг бөгөөд цахим бүртгэлээ мөн зогсоожээ. Харин суралцагч оюутнуудыг шилжүүлэх эсэх шийдвэр гараагүй байна.

Бид үйл ажиллагааг нь зогсоохоор мэдэгдээд буй дээд боловсролын байгууллагуудтай холбогдож мэдээллийг тодрууллаа. Ямартай ч дээрх сургуулийн зарим нь бүртгэлээ үргэлжүүлж байгаа бол хэсэг нь өөр сургуультай нэгдэж үйл ажиллагаагаа үргэлжлүүлэхээр болсон байна. Харин Улаанбаатар эрдэм сургуулийн харьяа Эко Ази дээд сургууль, Утга зохиол, нийгмийн ажилтны дээд сургууль, Эрхүүгийн зам харилцааны улсын их сургуулийн Улаанбаатар дахь салбар сургууль энэ жил элсэлт, сургалтаа хэрхэх нь огт тодорхойгүй байна.

Энэ мэдээнд өгөх таны сэтгэгдэл?
22
ТэнэглэлТэнэглэл
4
ГайхмаарГайхмаар
4
ХарамсалтайХарамсалтай
3
ХахаХаха
1
ЗөвЗөв
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

48 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-22 66.181.160.86

Маргад сургууль магадлан итгэмжлэгдсэн Эрдэнэт хотод нилээн том бүтээн байгуулалт хийсэн сургууль шүү та нар мэдэхгүй байж битгий хуцаж бай! Маргад сургуулийг төгсөөд нийгэмдээ ихийг хийж байгаа хүмүүс их бий. Яам нь эрхзүйт биш попрох дуртай болчихоор яана дааа хөөрхий Маргад сургуулийг лав хэлмэгдүүлсэн шүү та нар !!!!!!

Avatar

Зочин 2022-08-22 139.5.217.180

Мэдээж сургуулиа хаахад хүрч байхад хэнд нь ч амаргүй байх байхөө, үг дуугүй шууд тэгье гэх удирдлага байхгүй. Орлогоо бодоод, элсэгчдээ бодоод тэр. Тэглээч судалгаа энэ тэрээ, эрэмбэ тогтоож байж л ийм шийд гарч байгаа шүүдээ! Юу гээд л учиргүй сайн сургууль байхад нь хаалаа гэж байдгийн? Пудволд үйл ажиллагаа явуулдаг, бараг элсэгчгүй болж байсан сургуулиуд л гэсэндээ, дээрээс нь эрэмбэ доогуур

Avatar

Шинэ үеийн боловсрол 2022-08-22 202.9.46.142

Хамгийн гол нь ихэнх хувийн сургуулиуд элсэгчдийг зөвхөн мөнгө гэж хардаг.Ямарч сурах чадваргүй,эрмэлзлэлгүй,наад захын ачаалал авч үзээгүй залхуу,арчаагүй нөхдүүдийг элсүүлнэ.тэд нь сурах ямарч сонирхолгүй,чадваргүй,зөвхөн дарга л болох сонирхолтой.Жишээ нь МҮИС-д элссэн оюутнуудын ихэнх нь суурь боловсролын наад захын шаардлага хангахгүй,бараг унших бичих чадвар нь ч асуудалтай шахуу.Ийм оюутануудыг төгсгөөд дээд боловсролтой боловсон хүчин бэлтсэн гэж үзэх үү.

Avatar

Зочин 2022-08-22 103.57.95.53

Зах зээлийн чөлөөт хуулиараа л сайн, муу нь ялгараад үлдэх юманд төр хэтэрхий оролцоод байгаа юм биш үү, үүний оронд боловсролын салбарын чанарыг хэрхэн сайжруулах вэ гээд бодлого гаргаж хэрэгжүүлбэл аяндаа л муу сургуулиуд хаагдана шүү дээ. Улсын сургуулийн чанар ч маш муу болсон. Улсын сургуульд л орвол болоо гэсэн эцэг эхийн хүслээр дуртай дургүй сурсан болж байна.

Avatar

Зочин 2022-08-22 66.181.176.16

Авилгал авдаг,подвалд сургалтаа явуулдаг тул хаасан гэж сайд хэлсэн

Avatar

Зочин 2022-08-22 192.82.86.195

Худалдааны сургууль дахин байгуулагдаж оюутан олох гэж проөлём… бичиг үсэгт тайлагдсан юм уу гэмээр хүүхдүүд авч хүчэар диплом өгч байна Эндэээээ л эхэлж арч нийлүүл. Сайдаа.
Улсынхаа сургуулиас арч шалга.

Avatar

Зочин 2022-08-22 213.87.136.198

)))))))) Халуун охид таныг хүлээж байна – – https://ok.me/JuZ31

Avatar

Зочин 2022-08-22 202.126.90.114

Газарчин ДС-ийн хувьд 2024 он хүртэл магадлан итгэмжлэгдэж, аттестатчилагдсан гэж байна. Хаах талаар мэдэгдэл ирээгүй гэж байна.
Хэрэв тус сургуулийг хаах нөхцөл бүрдсэн бол элсэлт авахаас өмнө хавар эрт нийтэд мэдээлэх ёстой. Энэ бол улс төрчдийн, боловсролгүй сайдын ээлжит поп шийдвэр. Суудлаасаа хусагдах нөхцөл бүрдээд хэдэн сургуулиар туг дахиад нийтээс оноо авах гэсэн явуургүй алхам гэж харж байна.

Avatar

Зочин 2022-08-22 66.181.178.157

Улсын сургуульд харин маш их алдаа бий. Анги танхимын хүрэлцээ муу, багш нар нь өөрсдийн ном оо шахдаг, сурах орчин тааруу гээд янз бүрийн л юм сонсогдох юм билээ. Хувийн сургуулиуд харин өрсөлдөөн явдаг учраас жилээс жилд л нөхцдөө улам дээрдүүлэх гэж л зүтгэдэг. Төрийн дарамт их хэцүү

Avatar

Зочин 2022-08-22 66.181.178.157

Асуудалтай гэвэл улсын сургууль ч бөөн асуудал. Уг нь дэлхийн хүмүүсийн сурах гэж мөрөөддөг Харвард, Стэнфорд гэх мэт том сургуулиуд чинь бүгд л хувийн сургууль. Хаах нэгтгэх гэж байгаа бол энэ яамнаас нь улс хувь гэж ялгалгүй нэгдсэн шалгалт хийх хэрэгтэй. Тэгээд алдааг нь нэг сануулаад бүр болохгүй бол хааж болно доо. Энэ сайд гэхдээ улайм цайм улсын сургуулиудын эрх ашигт үйлчилж байх шиг. Ингээд хувийнх нь юмруу дайраад эхлэхээр бизнесийн хүмүүс улс төрлүү орох гэж зүтгээд байдаг юм байна.

Avatar

аз 2022-08-22 192.82.73.162

Сургуулиудын үйл ажиллагааг зогсоох бол эхлээд нэгдсэн шалгалт хийгээд үр дүнг танилцуулж шийдмээр юм. Тэгээд сургуулийн үйл ажилалгааг зогсоож байгаагаа намар хичээл эхлэхээс 10 хоногийн өмнө биш, хавар эрт нийтэд мэдээлэх ёстой бус уу. Бүртгүүлсэн оюутан, ажиллаж байгаа багш, ажилчдын асуудлыг шийдсэн байх ёстой юм бишүү. Ер нь боловсролын үйл ажиллагаа зөвхөн манайд ч бус гадаад ч бизнес болсон шд. Зах зээлийн жамаараа өрсөлдөөд шаардлага хангахгүй бол хаагдаад явна.

Avatar

Зочин 2022-08-22 192.82.85.198

Түүнчилэн дунд сургуулийн 1-р улиралд хичээллэх хугацаа насанд хүрсэн их,дс-ийн оюутнуудын ачаалалтай ижил 16 7 хоног үргэлжлэх юм байна.Уг энэ бүхнийг ш/у-ны үндэстэй тогтоогоод ирсэн юмсан.Гажуудал байж дээ энэ сайдын хувьд.Уг нь БШУ-ны яам биз дээ.

Avatar

Зочин 2022-08-22 192.82.85.198

Зарим чанаргүй ИХ,ДС-иудыг хаах,арга хэмжээ авах нь хуулийн хүрээнд үү гэдгээ л анхаарах хэрэгтэй.Ер сүүлийн үед энэ яамны сайд хэвээрээ үлдэх гээд хэтэрхий өрөөсгөл мэдэгдэл хийгээд байгаа юм биш үү.30 жил гажуудсан боловсролын системийг зөв замд нь оруулах хүнээр тодорсон юм байхаа.Лу.Гантөмөр шиг энэ салбарыг битгий самарчихаарай.

Avatar

Зочин 2022-08-22 202.126.89.187

Zailaa ta nar

Avatar

Зочин 2022-08-22 66.181.186.44

Нэрээ л бичиж 35 үсэгээ хальт мулт бичиж 3 р анги л төгссөн бол хамаагүй энэ 13 сургууль элсэлт авч хүчээр төгсгөх нь бичигдээгүй хууль гахацхүү төлбөрөөс тушаасан байх ёстой ийм сургуульд орох нь таны сонголт төгсөөд дипломууд голыг хэнэ ч тоохгүй шүү энэ үнэн.муу сурсан ч бид элсүүнэ.ийм.л.дүр төрөхтэй их сургуулиуд олширлоо.монголд чанартай 7 их сургууль байхад л хангалттай.гүйцээ.

Avatar

Зочин 2022-08-22 64.119.16.182

Социализмын үеэс нийгмээ магтан дуулдаг СОЦИАЛИСТ РЕАЛИЗМ-ыг хөхүүлэн дэмжих зорилгоор утгазохиол гэдэг зүйлийг өндөр төвшинд тавих болгосон.Утгазохиол бол биеэ даасан ШУ биш… Одоо харин олон нийтийн монгол хэлний боловсрол хэт доройтсонд анхаарч монгол хэлний "жинхэнэ" сургалтыг буй болгох шаардлага тулгараад байна. Утгазохиол бол хэлшинжлэл бүр биш…

Avatar

Зочин 2022-08-22 66.181.188.158

Үнэндээ 90-ээд хувь нь шаардлага хангахгүй сургууль нэртэй мөнгө хөөсөн нөхдүүд байдаг. Улсын ба хувийн дунд сургуулийн чанарт ч хүрэхгүй ичмээр юм билээ. Манайд 6-8 их ба дээд сургууль болно. Харин энэ хэдээ тордож Дэлхийн тэргүүлэх их дээд сургууль болгох ёстой. Яг одоо борооны дараахь мөөг шиг их дээд сургуулиудыг зохих тоонд хүртэл яаралтай цөөлөх болсон

Avatar

Зочин 2022-08-22 192.82.84.108

Газарчин, Маргад ч гэх шиг, ийм нэртэй сургууль төгссөн гээд хүний урдаас хэлэхдээ хүртэл ичих хэрэгтэй ш дээ оюутнуудаа!!!!! Хэрвээ гаргасан шийдвэрийг эсэргүүцээд бвал, шүүхэд өгч шийдүүлэх хэрэгтэй, мэдээж буруудна. Тэгээд цалин ч үгүй юу ч үгүй хэн ч биш болж хог дээр гарна биз…

Avatar

Зочин 2022-08-22 202.126.90.114

Газарчин сургуулийн хувьд бол Монголын аялал салбарт сайн боловсон хүчин бэлтгэн гаргасан гавьяатай сургууль. Одоо Монголын бүх л том гэсэн аяллын компаниуд, зочид буудлуудыг энэ сургуулийг төгсөн төгсөгчид удирдан авч явааг энэ салбарынхан бүгд мэднэ.
Ковидтой холбоотой аялал жуулчлалын салбарыг сонирхох шинээр элсгэгчдийн эрэлт багассан нь сургуулийн үйд ажиллагаанд сөргөөр нөлөөлсөн байх.

Avatar

Зочин 2022-08-22 202.179.21.194

hutsarai chi muu Margad surguulig tugssun olon mundag tugsugchid bdg um shu cmedehgu bj bitgii hutsaj bai

Avatar

оо 2022-08-22 66.181.165.92

газарчин дээд сургууль элсэлтгүй болоод хэдэн багш нараа явуулсан хэзээдээ элсэлт авах болчихов.

Avatar

Зочин 2022-08-22 139.5.217.156

Энэ сургуулиуд яамныхаа шийдвэрийг дагахгүй элсэлт аваад иргэдийг улайм цайм хуураад хулхидаад төлбөр аваад сууж байж болох уу. Диплом чинь хүчингүй шүү.

Avatar

Зочин 2022-08-22 150.129.141.187

Хулхи сургуулиууд олон ардын тархийг угааж мөнгө хулхидахаа хэзээ болмх вэ

Avatar

zochin 2022-08-22 103.126.107.254

Заримыг нь буцаагаад сэргээж байна гэж ойлгогдож байна даа. Яасан чбай нэгэнт муу гээд зарлагдсан сургуульд хүүхдээ сургасан болоод яах вэ дээ, хаях л хэрэгтэй

Avatar

ЮҮҮН ТАШАА МЭДЭЭЛЭЛ ВЭЭ.. 2022-08-22 202.179.25.140

ЯАХААРАА ТАШААРДЫН. БОЛОВСРОЛЫН САЙД НЬ НАА НЭРҮҮДИЙГ ЧИНЬ ӨӨРИЙН БИЕЭР ТВ ГЭЭР ГАРЧ ИРЭЭД ДАРВААН АМААРАА УМ ШАД БАЙСАН

Avatar

Зочин 2022-08-22 66.181.187.168

ЕЭШ оноо нь 50%-даа ч хүрээгүй хүүхдийг эмчээр сургахаар авдаг Этүгэн гээд сургууль байж л байх юм аа. Аймаар доогуур шалгууртай.

Avatar

иргэн 2022-08-22 202.126.88.155

Хувийн сургууль чанартай байх магадлалтай. Улсынх том нэрийн цаана хувийнхаас дор.

Avatar

иргэн 2022-08-22 103.229.120.78

хэдэн төгрөг л олж бвал бусдын эрүүл мэнд эрх ашиг амьдралыг өчүүхэн ч бодохгүй муухай хүмүүсээр дүүрэн бх юм аа.хэрэггүй сургуулиудыг хаалаа гээд эргүүлээд дайраад эхэлж дээ.

Avatar

Зочин 2022-08-22 103.10.21.251

Сайд энхамгалан ямарч бэлтгэлгүй самарч бна элсэлт авхаас нь өмнө зохицуулах байсан юм дандаа цагий нь тулгаж төлөвлөгөөгүй юм хийдэг энэ засаг төрүү үймүүлэгч юм бнаа

Avatar

МОНГОЛ ХҮҮ 2022-08-22 172.58.88.243

"Идэрхэн Түшээт Далай Ван" дээд сургууль аа!!! гээд шаавал сүртэйм биш үү!!! Мань өөрөө Сэцэн Хааных маний эхнэр Засагт Хааных, гэр Сонгино Хайрханд төгссөн сургууль Далай ван Сонсдог дуу Намсрайноров эд нар гээд л шаавал жинхэнэ Монголжуу хөлдүү мал шааж нь сайхан гар байна ганц" Суварга хайрхан" гээд сумын сураггүй архи шаая хамаа гээд л гоё гоё!!!

Avatar

Зочин 2022-08-22 202.126.89.40

Ха ха ха

Avatar

зочин 2022-08-22 103.26.194.181

БШУ яамны мэргэжилтнүүдийн чансаа л харагдаж байгаа нь тэр. Тэд бүгд цүнх баригчид шүүдээ

Avatar

Bolovsrol 2022-08-22 202.55.188.86

Surguulia neelgeh geel avilga yarij yavaa

Avatar

зочин 2022-08-22 59.153.113.254

ОЛОН УЛСЫН ЖИШГЭЭР ХУУЛЬЧ, ЭМЧ ХОЁРЫГ ХЭЗЭЭ Ч ХУВИЙН СУРГУУЛИАР БЭЛТГЭДЭГГҮЙ ШҮҮ.
ЧАНАРГҮЙ ОЛОН СУРГУУЛИУДЫГ ХААХ ХЭРЭГТЭЙ. ЭНХ-АМГАЛАН САЙД ХАРИН Ч АЛХАМ ХИЙЖ ЭХЭЛСЭН НЬ САЙН ХЭРЭГ.
ЦААД ЭЗЭД НЬ УЛС ТӨРЧИД БАЙДАГ БОЛОХООР ТИЙМ Ч АМАРГҮЙ БАЙДАГ БИЗ.

Avatar

Hi 2022-08-22 202.9.46.128

Tenegteerei bandi min, Harvardiin ih suguuli baiguulagdsan tsagaasaa uulich beltgedeg, huviin surguuli shvv, ghe meteer huulichid delhiid golduu huviin surguuli beltgedeg

Avatar

Зочин 2022-08-22 66.181.184.88

Энхамгалан ер нь популист гар шдээ

Avatar

Зочин 2022-08-22 202.126.94.99

Дээд боловсролын бодлого алдагдаж, замбараагуй байдал ноерхсон. Хувийн, терийн адилхан чанаргуй, явуургуй бншуу! Хямд унэ, оюуны тоо чанарын унэлгээ биш!!!

Avatar

Зочин 2022-08-22 150.129.143.42

ЭнхАмгалан хийсэн юм алга. Том том л ярьж байна. Одоо больсон дээр дээ. Улс орны үндэс суурь боловсрол шүү. Мэргэжлийн чадварлаг хүнээр тавих хэрэгтэй.

Avatar

зочин 2022-08-22 103.9.90.100

Сайд худал мэдээлэл тараасан болж байнауу. эсвэл Яам нь шийдвэр гаргаад байхад том толгойтой хувийн хэвшил үл тоож байна уу. ер нь бол Монгол улсад энэ их хувийн дээд сургууль байх нь зохимжгүй, дээрээс нь хувийн сургуулийн чанар муу тиймээс шигших хэрэгтэй. сайдын ажиллагаа уг нь зөв, даруй хийх ажлын нэг байсан. харин яам одоо дээд сургуулийг цөөлж, коллежийг нэмэх бодлого барих хэрэгтэй. хөдөө аж ахуйн сургуулиа дэмжих хэрэгтэй.

Avatar

Зочин 2022-08-22 103.229.120.8

Поп гар засгийн газарт өөрчлөлт орох сургаар ажил хийсэн болэ харагдах гэж баахан сургууль хаасан их сургуулийн төлбөр нэмэхгүй гэх шиг худлаа шийдвэр танилцуулж байна.Их сургууль аль хэдийн төлбөрөа нэмсэн.Нэр бүхий зарим сургууль аль хэдийн дампуусан байсан

Avatar

Баатар 2022-08-22 192.82.84.5

ЭНХ- АМГАЛАН попорч байна.Огцруулах хэрэгтэй

Avatar

Зочин 2022-08-22 103.9.90.100

тамын тогоог өрдөгч

Avatar

Зочин 2022-08-22 49.0.178.120

Монгол улсын Засгийн газар ямарч хүчгүй,хувийн хэвшил гэж хэт даварсан байдлыг нухчин дарахгүй бол энэ мөлжлөг шулан хуурч мэхлэх асуудал дээрэм тонуулын хэлбэрт шилжлээ шүш

Avatar

Зочин 2022-08-22 192.82.70.187

Амьдрал дээр бол байгууллагууд хувийн сургууль онц төгссөн хүүхдийг ажилд авахгүй, улсын сургууль сайн, дунд төгссөн хүүхдийг ажилд авах юм байна шүү. ХУВИЙН СУРГУУЛИУДЫН НЭР ХҮНД ИХ МУУ ЮМАА.

Avatar

Зочин 2022-08-22 202.179.2.18

Би лав тэгдэг. Улсын сургууль төгссөн хүүхэд цаанаа ондоо байдаг.

Avatar

Зочин 2022-08-22 66.181.187.168

Ямар хувийн сургууль вэ гэдгээс бас хамаардаг шүү.

Avatar

Мах 2022-08-22 66.181.188.47

Нэг ч сургууль хаагдаагүй л юм байна шүү дээ Сайд тоглолт хийж байгаа юм байлгүй дээ Ер нь бол Монголд бүхий л сургууль нь чанаргүй ямар ч хэрэггүй дээ

Avatar

Зочин 2022-08-22 66.181.160.71

энэ балай худлаа нэр зүүсэн дээд сургууль нэртэй газруудыг шууд үйл ажиллагаагийн зогсоох хэрэгтэй нийгэмд баахан хоосон ажилгүй ажил голсон дээд сургуулийн димлопууд гардаг биздээ

NewsMN Гар утасны хувилбар Татах
NEWS.mn

Мэдээллийн эх сурвалж