Хойд Солонгос  өчигдөр /2022.08.17/  үүрээр далайн эргийн Ончон хотоос баруун зүгт хоёр удаа далавчит пуужин харвасан гэж Өмнөд Солонгосын Батлан ​​хамгаалах яам мэдэгдэв. Өмнөд Солонгос, АНУ-ын цэргийн албан тушаалтнууд илүү дэлгэрэнгүй мэдээлэл авахын тулд хөөргөлтийн үйл ажиллагаанд дүн шинжилгээ хийж байна гэж мэдэгдэв. Пуужин хөөргөсний дараа Өмнөд Солонгосын үндэсний аюулгүй байдлын зөвлөх уулзалт хийж, аюулгүй байдалд үнэлэлт, дүгнэлт өгч, армийн бэлэн байдлыг шалгасан гэж Ерөнхийлөгчийн тамгын газраас мэдээллээ.

АНУ ба Өмнөд Солонгосын хамтарсан цэргийн сургуулилалт ирэх долоо хоногийн эхээр болно. Уг сургуулилалтаас өмнө Хойд Солонгосын үйлдлийг ажиглана гэж албаныхан хэллээ.

Далавчит пуужин нь тийрэлтэт хөдөлгүүрээр хөдөлж, газарт ойртдог учраас илрүүлэхэд хэцүү байдаг. Үүгээрээ баллистик пуужингаас ялгаатай. Түүнчлэн ихэнх далавчит пуужин нь цөмийн цэнэгт хошуу тээвэрлэхэд зориулагдаагүй байдаг. Өмнөд Солонгосын ерөнхийлөгч Юн Сук Ёл бүрэн эрхийнхээ 100 дахь өдрийг тохиолдуулан үг хэлэхдээ, "Хойд Солонгос цөмийн зэвсгийн бүтээн байгуулалтыг зогсоож, цөмийн зэвсгээс ангижрах үйл явцыг эхлүүлэхийг зөвшөөрвөл тус улсад тусламж үзүүлэхэд бэлэн байна" гэжээ.

Эх сурвалж: CNN