АНУ-ын Ерөнхийлөгч Жо Байден 700 тэрбум ам.долларын /579 тэрбум фунт стерлинг/ хуулийн төсөлд гарын үсэг зурав. Энэхүү хуулийн төсөл нь голдуу уур амьсгалын өөрчлөлт, эрүүл мэндийн зардалтай тэмцэхийн зэрэгцээ баячуудын татварыг нэмэгдүүлж, санхүү босгох зорилготой юм. Мөн жороор олгодог эмийн үнийг бууруулах тухай Конгрессын олон арван жил яригдаж байсан амлалтыг багтаасан болно.

Анх Демократ нам 3.5 тэрбум ам.долларын төсөв босгох талаар хэлэлцэж байсан ч Конгресс үнийн дүнг багасгахыг шаардсан.  Байдены мөрийн хөтөлбөрийн тэргүүлэх чиглэл болох уг хуулийн төсөл нь дунд хугацааны сонгуулийн өмнө дэмжлэг авахад нөлөө үзүүлж магадгүй юм.

Уур амьсгалын өөрчлөлттэй тэмцэхэд 375 тэрбум ам. долларын хөрөнгө оруулалт хийсэн нь тус улсын түүхэн дэх хамгийн чухал холбооны хөрөнгө оруулалт юм.

"Climate Action Tracker"-ийн эрдэмтдийн хийсэн дүн шинжилгээгээр уг хуулийн төсөл нь ирээдүйн дэлхийн дулаарлыг "их биш, гэхдээ өчүүхэн ч биш" бууруулах болно гэжээ.Энэ нь 2030 он гэхэд АНУ-ын. хийн ялгаруулалтыг 44 хүртэл хувиар бууруулна гэж зөвлөх "Rhodium"  группын хийсэн дүн шинжилгээгээр тооцоолж байна.

Эх сурвалж: BBC