Албаны машинаар хүүхдээ зөөдөг дарга нарт хариуцлага тооцох ёстой! | News.MN

Албаны машинаар хүүхдээ зөөдөг дарга нарт хариуцлага тооцох ёстой!

Албаны машинаар хүүхдээ зөөдөг дарга нарт хариуцлага тооцох ёстой!

Албаны машинаар хүүхдээ зөөдөг дарга нарт хариуцлага тооцох ёстой!

Наадмын дараа намар. Хэдхэн хоногийн дараа хичээл, сургуулийн үйл ажиллагаа эхлэх гэж байна. Удахгүй их хотын түгжрэл эхлэх нь. Хөлтэй болгон нийслэлд цуглаж, хичээл, сургуулийн бэлтгэлээ базааж эхэлнэ. Ялангуяа наймдугаар сарын 20-оос есдүгээр сарын дунд үе хүртэл бараг нэг сарын хугацаанд түгжрэл дээд цэгтээ хүрч, хот "тэг" зогсолт хийдэг. Тэгвэл Хотын захиргаа, Засгийн газар түгжрэлийг бууруулах чиглэлээр юу хийж байна вэ гэсэн асуултад хариулт нэхье.

Нийслэлээс автозамын түгжрэлийг бууруулах ажлын хүрээнд 420 тэрбум төгрөгийг хотын төсөвт суулгаж, нийтийн тээврийн парк шинэчлэлт тэргүүтэй ажлуудыг хийгээд буй. Түгжрэлд хэдэн тэрбумыг ч төсөвлөсөн ойрын жилүүдэд түгжрэлийг шийдэх гарц гаргалгаа байхгүйг албаны хүмүүс, автозамын инженерүүд анхааруулсан. Учир нь хотын даац хоёр дахин нэмэгдсэн болохоор түгжрэхээс өөр сонголтгүй гэдгийг хотын дарга Д.Сумъяабазар мэдэгдсэн билээ.

Улаанбаатар жилд дунджаар Ховд хотын хүн амын тоотой ижил тоогоор өсч байна. Тиймээс автомашины импортыг зогсоохгүйгээр түгжрэлийг бууруулах боломжгүй. Мөн албан хувийн хэрэгцээнд ашиглах автомашины хэрэглээг хязгаарлах зайлшгүй шаардлага үгүйлэгдэж байна.

Мянга зам бариад түгжрэлийг арилгахгүй учир тооцоололтой ажиллах шаардлагатай. Түүний хүрээнд их түгжрэлийн улирал буюу хичээл сургуулийн улиралд албаны унааг амин хэрэгцээнд ашигладаг жишгийг халах. Энэ хүрээнд шат дараатай арга хэмжээ авахаар албан журам, тушаал шийдвэр гаргадаг ч дунд шатны удирдлага хүртлээ үйлчилж, төрийн өндөр дээд албан тушаал хашиж буй хүмүүст хамаардаггүй сул талтай.

Төрийн байгууллагын эзэмшилд УБУ, УБҮ, УНҮ, УНО, УБӨ, УБЗ, УБЧ гэх мэт улсын дугаарууд багтдаг. Одоо үүнийг жирийн иргэд ч авах болсон. Үүнээс үүдэж тансаг зэрэглэлийн машинаар л албан эсэхийг таньдаг болсон гэхэд хилсдэхгүй.

Төрийн албан хаагчид хувийн хэрэгцээндээ иргэдийн татварын мөнгөөр авсан унаагаа ашиглана гэдэг зохисгүй үйлдэл учраас 2018 оноос эхлэн тодорхой журам, заалтуудад энэ асуудлыг тусгахаар ажлын хэсэг хүртэл гарч байв.

Гэтэл одоог хүртэл албаныханд тооцох сахилгын болон ёс зүйн ямар нэгэн хариуцлагын систем байхгүйгээс түгжрэлийг бүрдүүлэхэд төрийн албаныхан тодорхой хувийг эзэлсээр байна.

ХУВЬ ХУВЬСГАЛЫН ЗААГАА ЯЛГАЖ СУРАХ ЁСТОЙГ АНХААРУУЛЖ БАЙВ

Төрийн албан хаагч нар албаны машиныг аминдаа ашигладаг, хүүхдээ сургуульд нь зөөдөг тухай асуудал одоогоос гурван жилийн өмнө шуугиан тарьж байсан. Уг асуудлаар тухайн үеийн Засгийн газрын Хэрэг эрхлэх газрын дарга одоогийн Ерөнхий сайд Л.Оюун-Эрдэнэ онцгой анхаарч байгаагаа ч илэрхийлж байсан. Тухайлбал, амины автамашинаасаа татгалзаж автобус нийтийн тээврээр үйлчлүүлэхийг хотын захиргаанаас уриалга болгосон. Нэг ёсондоо албаны балаар хувийн зүйл бичиж болохгүй гэсэн ёс зүйн зарчим бий. Энэ бол зөвхөн балны асуудал биш тухайн төрийн албан хаагчийн албандаа үйлчилж байна гэсэн итгэл үнэмшил юм.

Олон нийтийн албанд үйлчилнэ гэдэг татвар төлөгчдийн мөнгөөр үйлчилж байна гэсэн үг. Тиймээс хувь хувьсгал хоёрын заагаа ялгаж сурах ёстой. Ийм бүдүүлэг соёлоос гарах цаг нь болсон.

Манайд ийм протоколгүй явж ирсэн. Иймээс бид 11 улсыг судалж харьцуулан өнөөгийн хөрсөнд тохирсон журмыг батлаж хуульчилахаар болсон. Энэ журамд албаны машинаар хувийн ажил амжуулж болохгүй, албаны машиныг амралтын өдөр ажлын бус журмаар унахыг хориглоно гэсэн заалт оруулахыг тухайн үед Л.Оюун-Эрдэнэ сайд үүрэг болгож байв.

Гэтэл өнөөдөр гурван жилийн өмнө нь хэрэгжүүлж эхлэх байсан журам хангагдаагүй хэвээр л байна. Тиймээс иргэд цаасан дээрх төсөөллийг бодит амьдралтай уялдуулахыг хүсч буй. Ардын хүүхэд нь алхаад төрийн албан тушаал хашдаг даргын хүүхдүүд нь албаны унаагаар түүртэхгүй зорчино гэдэг утгагүй. Ес зүй, үүрэг хариуцлагын хувьд ч ухамсартай хүмүүс нэгийг бодохоор.

ТӨРИЙН АЛБАНЫ ТУХАЙ ХУУЛЬ ҮЙЛЧЛЭХ ЦАГ БОЛСОН

2019 онд нийслэлийн захирагчаар С.Амарсайхан ажиллаж байх үедээ Төрийн албаны тухай хуулийг хэрэгжүүлэх талаар авах зарим арга хэмжээний тухай захирамж гарган, төрийн албаны хэрэгцээнд ашиглах зориулалттай автомашиныг хувьдаа болон бусдад ашигласан тохиолдолд албан хаагчийг ажлаас чөлөөлөх хүртэл арга хэмжээ авахаа үүрэг болгожээ. Гэхдээ өнөөдрийн байдлаар 2019-2022 онд албаны унааг ахуйн хэрэгцээндээ ашигласан заалтаар ямар ч албан тушаалтныг ажлаас чөлөөлөөгүй байна. Тэгэхлээр энэ мөн л цаасан дээр бичигдсэн хэрэгжилтгүй шийдвэр гэсэн үг.

Тухайн үед баталсан  захирамжид “Төрийн албаны тухай хууль, Захиргааны болон үйлчилгээний албан хаагчийн ёс зүйн дүрмийн хэрэгжилтийг хангаж төрийн байгууллагын эд хөрөнгө, техникийг хувийн зорилгоор ашиглан завшихгүй байхыг төрийн албан хаагчдад зөвлөсүгэй.

Төрийн байгууллагын эд хөрөнгө, техник хэрэгсэл /автомашин/, мэдээллийг албаны бус зорилгоор өөрөө болон бусдад ашиглуулсан төрийн албан хаагчийг төрийн албанаас чөлөөлөх, төрийн албанд дахин ажилууллахаас татгалзах үндэслэл болох Төрийн албаны тухай хуулийн зохицуулалтын дагуу арга хэмжээ авч хэрэгжүүлэхийг нийслэлийн нутгийн захиргааны байгууллагын  удирдлагууд, холбогдох эрх бүхий албан тушаалтнууд, дүүргийн Засаг дарга нарт үүрэг болгосугай" гэжээ.

ОДООГООС ОЛОН ЖИЛИЙН ӨМНӨХ ЯВДАЛ Ч МАРТАГДАХ ЁСГҮЙ

2018 онд  Засгийн газраас төрийн албаны машиныг хувийн хэрэгцээнд унаж болохгүйг анхааруулсан ч хэрэгжилт нь хангалтгүй байгааг 2019 оны гэнэтийн шалгалт илчилж орхисон. Тодруулбал, төрийн албаны зөвлөл, Тээврийн цагдаагийн газартай хамтран 2019-2020 онд  гэнэтийн шалгалт хийхэд Засгийн газрын сайд, Үндсэн хуулийн цэц, Улсын ерөнхий прокурор, Авлигатай тэмцэх газар, Цагдаагийн ерөнхий газар, Тагнуулын ерөнхийн газар, Эрдэнэс тавантолгой, Монголын төмөр зам, Улаанбаатар төмөр зам хувь нийлүүлсэн нийгэмлэгийн эзэмшилд бүртгэлтэй автомашинаар хүүхэд сургуульд хүргэсэн зөрчил илэрч байсан. Үүнийг одоогоос олон жилийн өмнөх гээд мартах ёсгүй. Харин ч үүрэг, хариуцлагыг нэхэх нь зүйтэй.

Цагдаа, түргэний машин, таксины дугаарыг бусдаас ялгахын тулд улсын дугаарыг нь өөр өнгөөр тодорхойлох, маяактай зорчдог. Гэхдээ хэн ч содон машин унаад хүүхдээ сургуульд хүргэхгүй нь тодорхой.

Тэгэхлээр төрийн албаны хурган дарга нар болоод төрийн өндөр дээд албан тушаалтнуудын албандаа унадаг автомашиныг амин хувийнх нь машинаас ялгах шаардлагатайг иргэд хэлж буй.  Герман, Япон тэргүүтэй улс орнуудад төрийн алба хаагч ёс зүйгүй байна гэдэг нь улс орны гадаад имижид хүртэл нөлөөлөхөөр том асуудалд тооцогддог. Тиймээс энэ жишгийг халж, Монгол Улс иргэдээс нэхдэг хариуцлагаа төрийн алба хашиж буй дарга нараасаа ч шаардахыг иргэд хүсч байна. Тооцох хариуцлагаа тодорхой болгож чадахгүй бол ядаж дугаарын өнгийг ялгах зохицуулалт хэрэгтэй. Хэрэв өнгөөр ялгасан дугаар байвал ядаж иргэд олон нийтийн сүлжээнд зургийг нь авч тавиад ч болов үйлдлийг нь хязгаарлаж чадна. Гэтэл өнөөдөр татварын мөнгөөр авсан тансаг унаа дарга нарын хувийн хэрэгцээнд үйлчилсэн хэвээр л байна.

Энэ мэдээнд өгөх таны сэтгэгдэл?
6
ЗөвЗөв
2
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-17 66.181.179.111

Албаны машиныг хувьдаа хэрэглэвэл албан тушаалаас нь огцруулдаг болох хэрэгтэй. Тэгж байж л цэгцрэнэ.
Улсын дугаар солих нь зөв. Олон улсын жишигт нийцүүлэх хэрэгтэй.

Avatar

Иргэн 2022-08-17 192.82.67.241

Наанаа аахар шаахраар далдалж цаанаа жинхэн ихийг идэгсэд.

Avatar

Данх 2022-08-17 202.55.191.194

Төсөв хөрөнгийн батлаад байгаа нөхөдтэй нь хамт хариуцлага тооцооч

Avatar

Иргэн 2022-08-17 103.212.116.144

Төрийн том албан тушаал, мөнгөтэй төслүүдэд эхнэр хүүхэд төрсөн ах дүүгээ шахчихсан, төрийн мөнгөөр хүүхдүүдээ гадаадад сургачихсан өөрсдөөсөө эхлээд тооцоогоо хий. Ямар жижиг зшйл яриад явдаг ДАНХ вэ

Avatar

Зочин 2022-08-17 112.72.10.62

ш** ш**. ТЭР БИТГИЙ ХЭЛ ЗУНЖИН АВГАЙ ХҮҮХЭД НЬ АЛБАНЫ МАШИНТАЙ ЗУГААЛЖ ЯВАА ДАРГА БАЙНА. АЛБАНДАА 2-3 МАШИНТАЙ ДУРГИХ ДАРГА Ч БАЙНА. ТА НАР ЯАЖ Ч ЧАДАХГҮЙ

Avatar

Зочин 2022-08-17 103.80.210.183

хүүхдүүдийг нь газар дээр нь шууд буудах нь зөв.

Avatar

иргэн 2022-08-17 192.82.75.227

Энэ хэдийг суураар нь огцоруул Ичихгүй амьдрал мэдэхгүй Сая тэр бум гэсэн луыварчид ам – шигээ ажилаа хийж чадахгүй бүтээлүүд !!!!!!!!????????

Avatar

Дондов 2022-08-17 66.181.188.215

УБ-т яахав бас учиртай ТӨХ машинуудаа татаад авсан_Харин хөдөө орон нутагт бол хурган дарга нар туйлж байна шдээ дотор унадаг хөдөө унадаг 2 машинтай эн зунжингаа л орон нутагт зугаалж дэлгүүр хэсэж 24 цагаар унаж байна дөө.Үүнийг хэнбугай нь ч зогсоож үл чадмой.Ах дүү нь эсвэл найзууд нь бүүр эхнэр ч барьчихсан явах шиг.

Avatar

БОДИТ БАРИМТ 1. 2022-08-17 51.79.250.128

Хөдөлмөрийн тухай хуулийн 6, 7, 53, 56 дугаар зүйлийг хангуулөх тал дээр эрх зүйн чадамжгүй луйврын-ерөнхийлөгч нэртэй у.Хүрэлсүх хөгшин лонхон толгойгоо ажиллуулна уу. шагналын тамгийн эмэгтэй ажилтны амь нас чинийхээс үнэ цэнэтэй (OPPRESSOR of WOMAN)

Avatar

Зочин 2022-08-17 103.9.90.100

хүүхэд зөөдөг дарга нарт хариуцлага тооцно…, баригдахгүй бол хариуцлага тооцож чадахгүй. Зөөхийг нь хориглоно, ерөөсөө зөөх ёсгүй

Avatar

зочин 2022-08-17 103.111.68.3

Албаны унаагаар хүүхэд зөөдөг асуудлыг 2 жилийн өмнө мэдээллийн хэрэгслээр яриад л сүр болоод байсан өнөөдөр дахиад л ярьж байна. Хатуухан арга хэмжээ авахгүй бол худлаа сүржигнэл болно доо.

Avatar

Zochin 2022-08-17 202.21.111.170

Дугаар солих цаг нь болоогүй бас шаардлага ч байхгүй. Татварын мөнгийг үр дүнгүй бас дундаас хулгайлах гэсэн бажир арга явж байна. ОХУ-ын Улаан-Үд хотоос өөр ямар улс орны хот руу монголчууд өөрийн машинаар аялалаад байгаа юм. Байхгүй. ОХУ- могнгол дугаартай машин оруулахгүй гэсэн хориг тавиагүй бас санал ч гаргаагүй. БНХАУ- асуудал үүсгээгүй. Сайд, дарга нар явган яв… Монголын бүх яамд Засгийн газрын байртай ойр байгаа. Батлан хамгаалахын сайдаас бусад нь бүгд 5-10 минут алхах газарт байдаг

Avatar

Даваа 2022-08-17 202.21.119.98

Болилдоо. дуракууд минь. Дахин ноймер хийж мөнгө угаагаад ард түмний хөрөнгийг битгий үр л дээ. Яачихсан улс гэхээрээ ийм байдаг байнаа. Наад төрийн өмчийн, улсын өмчийн машиныхаа дугаарыг л өөрчилчих л дөө. Тэгээд л ард түмэн хяначихна шүүдээ.Энийг ойлгохгүй бол төрийн ажил хийшээд яанаа.

Avatar

Зочин 2022-08-17 192.82.92.201

muusain gechiinuudig olni umnu buh hiisen hereg buh luiwardaj zawshij awsan hurungiin huraaj ar geriihniin guilgachin bolgosniig ni haruulsniha dara tamlaj alahy umsn

Avatar

Зочин 2022-08-17 59.153.86.99

Төрийн албаны машины дугаарыг өөр өнгөтэй болгочих, тэгээд л иргэд хянана шүү дээ. Ер нь бол албаны хүмүүсийг таксиддаг болгочихвол бараг шулуун. Хямд тусах биз

Avatar

Зочин 2022-08-17 66.181.160.127

Машины дугаарын хэв загварыг олон улсын стандартад нийцүүлэхээс өөр аргагүй болсон!!! Зардлыг нь улсаас нэг удаа дааж хэрэгжүүлэх боломжтой юу??

Avatar

Зочин 2022-08-17 103.80.210.183

х** АА АТҮТ-н хулгайч аа. хэмнэлт хийх гэж бид цусаа өтгөрүүлж байна.

Avatar

Зочин 2022-08-17 202.126.92.98

ӨӨ бас л баахан машины дугаар хэвлэж мөнгө хусах нь дээ

Avatar

Зочин 2022-08-17 202.126.92.98

Дахиад баахан дугаар хэвлэж мөнгө хусах нь дээ

Avatar

Zochin 2022-08-17 202.126.90.46

Za oor yu bna

Avatar

Зочин1 2022-08-17 192.82.89.190

Одоо болтол хэрэгжээгүй л байгаа юмуу?Сонголтын л үр дүн ш дээ.

Avatar

Зочин 2022-08-17 202.21.105.204

Эргүү Ариунзаяа-ийн хар машин Орос-3 сургуулийн үүдэнд байнга л байж байдаг. Зөвхөн тэр халтарын хүүхдийг л зөөдөг байх тэр машин. Бас жоохон хол очоод зогсчихноо ккк. 00-46 УБҮ байхаа хар өнгийн Хюндай байдаг. Ийм өлөн хүүхдээ зөөх приусгүй золбин юмнуудыг битгий сайд болго л доо. Алхам тутамдаа л улсын мөнгөнөөс татвар төлөгчдийн мөнгөнөөс хулгай хийх сонирхолтой ацнууд шүү.

Avatar

Зочин 2022-08-17 202.180.218.37

Нээрээ төрийн далбаа байх хэрэгтэй юм уу,

Avatar

Иргэн 2022-08-17 64.119.29.61

Шавар, шавхайтай холойд дэмий л дээ

Avatar

bid 2022-08-17 192.82.65.32

turin dalbaa oruulj bolohgui

NewsMN Гар утасны хувилбар Татах
NEWS.mn

Мэдээллийн эх сурвалж