Сингапур: Баячууд илүү их татвар төлөх болжээ | News.MN

Сингапур: Баячууд илүү их татвар төлөх болжээ

Сингапур: Баячууд илүү их татвар төлөх болжээ

Сингапур: Баячууд илүү их татвар төлөх болжээ

Сингапурын засгийн газар эдийн засгийн хүртээмжтэй өсөлтийг эрэлхийлж, эмзэг бүлгийн иргэдийг инфляцийн нөлөөллөөс хамгаалах арга замыг эрэлхийлж буй. Энэ хүрээнд чинээлэг хүмүүс илүү их татвар төлөх шаардлагатай болж магадгүйг тус улсын шадар сайд Лоуренс Вон мэдээллээ. Орлогын тэгш бус байдал харьцангуй буурч байгаа ч засгийн газар илүү хүртээмжтэй өсөлтийн чиглэлийг зорьж байна. Хүн бүр ямар нэг хэмжээгээр татвар төлдөг ч өндөр орлоготой баячууд илүү төлөх шаардлагатай гэдгийг Лоуренс Вон онцоллоо.

Сингапурын ерөнхий сайд Ли Сиен Лүн өнгөрсөн долоо хоногт бага орлоготой өрхүүдэд үнийн өсөлтийг даван туулахад нь туслахын тулд засгийн газар илүү ихийг хийхэд бэлэн байна гэж мэдэгдсэн. Тус улсад үнийн өсөлт сүүлийн 14 жилд байгаагүйгээрээ дээд амжилт тогтоогоод байна. Инфляци энэ оны эцэс гэхэд дээд цэгтээ хүрэх төлөвтэй байгааг Вон хэллээ. Хэрэглээний бүтээгдэхүүний үнэ зургадугаар сард 6.7 хувиар өссөн нь 2008 оноос хойших хамгийн хурдацтай үзүүлэлт болжээ.

Геополитикийн орчин, нийлүүлэлтийн асуудал, ногоон эдийн засагт зарцуулсан зарцуулалтаас хамаараад инфляци илүү өндөр түвшинд тогтох магадлалтай байна. Тиймээс инфляцитай холбоотой шинэ тэнцвэрт байдалд бэлтгэх ёстой гэж Вон хэлэв.

Сингапурын Төв банк инфляцийг намжаахын тулд өнгөрсөн оноос хойш дөрвөн удаа мөнгөний бодлогоо чангатгасан. Мөн нийлүүлэлтээс үүдэлтэй инфляцийн нөлөөллийг арилгах 1.5 тэрбум сингапур долларын багцыг засгийн газраас зургадугаар сард танилцуулжээ.

Эх сурвалж: BLOOMBERG

Энэ мэдээнд өгөх таны сэтгэгдэл?
5
ЗөвЗөв
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2022-08-16 108.162.188.2

ерөнхий сайд минь Сингапурын энэ туршлагыг л хэрэгжүүлдэг юм шүү.

Avatar

Зочин 2022-08-16 202.126.88.95

зөвшд ээ.манайх үлгэр авах ёстой

Avatar

Зочин 2022-08-16 103.57.92.129

Манайх бас хөрөнгийн хэмжээгээр татвар нэмэх хэрэгтэй дээ

Avatar

mgl 2022-08-16 202.126.90.143

zuv shuu dee, taalagdahgui bol gadaad ruu yavj bolno. getel manaid esregeeree.

Avatar

гэсс 2022-08-16 202.21.108.163

уухайсда

Avatar

Зочин 2022-08-16 202.21.101.219

tegeed yah geed bgn

NewsMN Гар утасны хувилбар Татах
NEWS.mn

Мэдээллийн эх сурвалж