Япончууд дэлхийн хоёрдугаар дайн дууссаны 77 жилийн ойг наймдугаар сарын 15-нд тэмдэглэв. Япон бууж өгснөө 1945 оны наймдугаар сарын 15-ны өдөр зарлаж байжээ.  Дайнд олон сая япончууд амиа алдсан ба Даваа гаригт Засгийн газар тэднийг дурсах ёслол хийсэн байна. Токиод жил бүр болдог арга хэмжээнд 1000 орчим хүн оролцжээ.

Тус улс дайнд амь үрэгдэгсдийн дурсгалыг хүндэтгэн үд дундын үед  хэсэг чимээгүй зогссон байна. Дайнд оролцогчдын хоёр сая орчим нь  Японы эзэн хааны армийн цэрэг байсан бол 800 мянга орчим нь энгийн иргэд байв. Дурсах арга хэмжээнд эзэн хаан Нарухито, хатан хаан Масако нар оролцжээ.

Ерөнхий сайд Кишида Фумио мөн илтгэл тавьж, Япон улс энх тайван, хөгжил цэцэглэлтийн төлөө тууштай байна гэжээ.

Эх сурвалж: NHK Japan