Кино зөвлөлд хэн хэн сонгогдов? | News.MN

Кино зөвлөлд хэн хэн сонгогдов?

Кино зөвлөлд хэн хэн сонгогдов?

Кино зөвлөлд хэн хэн сонгогдов?

Жүжигчин Ч.Ундрал Соёлын сайдын тушаалаар Кино зөвлөлийн даргаар томилогдсон. Уг зөвлөлийн гишүүдийг томилж, батламжлах гэж "дуншиж" байгаа сурагтай. Олон жил маргаан дагуулж, хэлэлцэн баталсан кино урлагийнхныг хэн удирдаж, салбарыг хөгжүүлэх эсэх нь олны анхаарлыг татаж буй. Гэвч зөвлөлийн гишүүдийн нэрс одоогоор "нууц" байгаа юм.

Тэгвэл зөвлөлийн гишүүдийн нэрс эхнээсээ тодорчээ. Тодруулбал, “Аргамжаа” киноны найруулагч, кино зохиолч Н.Уранчимэг, "Цагаан хадаг" киноны продюсер Т.Номинзул, СУИС-ийн Радио телевиз, медиа урлагийн сургуулийн багш, кино найруулагч Б.Түмэн-Өлзий, "Нохойн орон", "Хадаг" уран сайхны киноны зураглаач Б.Пүрэвдорж, СУИС-ийн багш, доктор, профессор Д.Батсайхан, Кино урлагийн дээд сургуулийн багш, найруулагч Т.Төмөр-Очир, “Боролдой” студийн захирал С.Мягмар тэргүүтэй хүмүүсийн нэрс багтжээ.

Кино урлагийн салбарынхан 10 жил ярьсны эцэст 2021 онд хуультай болсон. Товчхондоо, УИХ-аас Кино урлагийг дэмжих тухай хуулийг 2021 оны долдугаар сарын 2-нд эцэслэн баталсан юм. Хууль батлагдсаны дараа 2022 онд Засгийн газрын ээлжит хуралдаанаар найман дагалдах журмаа батлуулсан.

Хуулиараа Кино урлагийн үндэсний зөвлөл 10 гишүүн, нэг даргатай байна. Дарга болон гурван гишүүн нь төрийн албан хаагч байна гэсэн заалтаараа Соёлын сайдын тушаалаар томилогдох юм.

Үлдсэн долоо нь киноны чиглэлийн төрийн бус байгууллага, уран бүтээлчдээс бүрдэнэ гэж заасан байдаг.

Кино урлагийн үндэсний зөвлөлийн долоон гишүүнийг нээлттэй сонгон шалгаруулалтад орох хүсэлтийг дөрөвдүгээр сарын 27-ныг хүртэл хүлээн авч, дууссан. Одоо салбарын сайд нь зөвлөлийн гишүүдээ батламжлах л үлдээд байгаа аж.

Мөн хуулиараа Кино урлагийг дэмжих сан байгуулах бөгөөд тэрхүү сангийн санхүүжилтийг дээр дурдсан зөвлөл мэднэ. Тэгэхээр Монголын киночид кино уран бүтээлээ Кино урлагийн үндэсний зөвлөлийн 11 гишүүнээр “шалгуулж” байж визээ авахаас өөр аргагүй болж байна гэсэн үг. Өөрөөр хэлбэл, энэ хуулийн ирээдүй гэрэлтэх үү, бөхөх үү гэдэг нь Зөвлөлийн дарга, гишүүдээс л шалтгаална.

Кино урлагийг дэмжих тухай хууль нь 2011 оноос хойш 10 жилийн хугацаанд гурван Засгийн газар, гурван ажлын хэсгийн нүүр үзсэн гэдгийг дурдах нь зүйтэй.

Уг ажлын хэсэгт киноны салбараас Монголын урлагийн зөвлөлийн удирдах зөвлөлийн гишүүн Ц.Ариунаа, “Боролдой” студийн захирал С.Мягмар, "ST" студийн захирал Б.Амарсанаа, "Монголын кино бүтээгчдийн холбоо” ТББ-ын тэргүүн Ж.Сэнгэдорж, “Аримун” продакшны продюсер, жүжигчин Д.Ганцэцэг, “Сэмүүн” студийн найруулагч Б.Баяр, “Хүмүүн фильм” студийн найруулагч Д.Мөнхсүх, кино эдийн засагч, эрх зүйч багш Г.Энхбаяр, "IFI" продакшны продюсер С.Уран, кино зохиолч, найруулагч А. Миеэгомбо гэсэн 10 хүн ажилласан байдаг.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-16 202.126.94.205

Монголд сүүлйн 30 жил хүн үзмээр нэг ч олигтой кио гараагүй кино урлагийн салбар гэж сүйрсэн салбар нэг ч чадалтай дүрдээ хувирдаг жүжигчин монголд хөгшин нь ч байхгүй залуу нь ч байхгүй ….

Avatar

Зочин 2022-08-16 45.49.10.68

Түмэн-Өлзий, Мягмар 2оос бусад нь цаашаа! Яацарцан сонголт гэж ийм байдаг юм бол доо! Хэрэг алгаа

Avatar

Ард Лувсан 2022-08-16 64.119.23.56

Монгол улсад кино урлаг хөгжиж ирсэн өөрийн хүнд бэрх намтар түүхтэй, жинхэнэ реалист бүтээлийг хийж байснаараа өнөөдрийг хүртэл үзэгч түмнийхээ сэтгэл зүрхэн хоногшин үлджээ. Энэ цаг дор эрх чөлөө гэдэг малгайтай , Голливудын гэсэн хийсвэр загварыг дууриах гэж оролдсон аллага, хүчирхийлэл сурталчилсан урлаг нэртэй дууриамалаа болиосой билээ.

Avatar

Зочин 2022-08-16 103.57.92.129

Шал балиар юмнууд кино нэртэй юмхийх юммаа

Avatar

Зочин 2022-08-16 66.181.187.10

Улс төрчдөд худалдагдсан Боролдой Мягмар болио.

Avatar

Зочин 2022-08-16 59.153.86.120

Боролдой студи гэж хаана байдаг юм бэ? Зурагтаар нэг айлын гэр гараад байна лээ. Тэр Боролдойн Мягмар гэж өөрийгөө рекламдсан хийсэн юм байхгүй Амны хаазтай нөхөр байна лээ. кино зөвлөл нэг мэдэмхийрэгч,холион бантан хутгадаг хүнтэй болждээ.энэ хүн .Байхгүй бол хүүхэлдэйн кино хөгжинө.

Avatar

Зочин 2022-08-16 103.80.210.183

шаал хогийг кино хийж байхаар кино хийхгүй байвал дээр. шаал хогийн киногоо магтаад яриад бас нэг кино гарна. хүний цагийг хий барж байна.

Avatar

Зочин 2022-08-16 103.57.94.126

Болдоггү Бор Бородой болио.ямар кино хийсийн.ахмад үзэгч л бх

NewsMN Гар утасны хувилбар Татах
NEWS.mn

Мэдээллийн эх сурвалж