“Сүүн зам” бүжгийн наадамд Японоос 140 зочин оролцоно | News.MN

“Сүүн зам” бүжгийн наадамд Японоос 140 зочин оролцоно

“Сүүн зам” бүжгийн наадамд Японоос 140 зочин оролцоно

“Сүүн зам” бүжгийн наадамд Японоос 140 зочин оролцоно

Япон, Монгол хоёр улсын дипломат харилцаа тогтоосны 50 жилийн ойн хүрээнд "Сүүн зам" бүжгийн наадмыг Улаанбаатар хотноо наймдугаар сарын 22-ны өдөр зохион байгуулна. Энэ тухай Нийслэлийн аялал жуулчлалын газартай хамтран тус олон улсын наадмыг зохион байгуулах багаас мэдээлэл хийлээ. "Сүүн зам" бүжгийн наамдын талаарх дэлгэрэнгүй мэдээллийг СУИС-ийн Бүжгийн урлагийн сургуулийн захирал Д. Баярбаатар өгсөн юм.

Тэрбээр, “Энэхүү наадамд Япон улсаас 140 зочин хүрэлцэн ирнэ. Үүнд хотын захирагч, иргэдийн хурлын төлөөлөгчдийн гишүүн зэрэг 40 эрхэм багтсан. Мөн Японы дөрвөн хотоос 70 гаруй бүжигчид хүрэлцэн ирнэ.  Манай улсаас мэргэжлийн урлагийн бүх байгууллага оролцох бөгөөд нийтдээ 460 гаруй бүжигчид цугларна.

Хоёр улсын эв найрамдлыг бид хүний биеийн хөдөлгөөн, бүжгийн гайхамшгаар ард түмэндээ үзүүлэхээр зорьсон. Баруун монгол ойрдын бүжгийн гайхамшиг, зүүн монголын бүжгийн гайхамшиг, төв халхын намба төрх, орчин үеийн бүжиг болон Японы үндэсний бүжгийг хамтарч хийж байгаагаараа онцлог юм. Мөн Японы алдартай хоёр тогооч хүрэлцэн ирж монголчуудад өөрсдийн хоолны өвөрмөц соёлыг таниулж, хоолыг амтлах боломжийг олгоно.

Япон болон Монгол Улсын үндэсний өв соёлыг харуулсан гар урлал, хоёр орны хоолнуудыг шууд амтлах боломжтойгоор 40 асарт нээлттэй зохион байгуулна. Япон улсын бие хамгаалах урлагийн үзүүлбэрүүд, шинэ технологи болон хоёр улсын хамтын ажиллагааны талаар тус тус танилцуулна” гэлээ.

Д.НАМУУНЦЭЦЭГ

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-15 202.9.40.172

Бусад оронтой хайрамдалт сайхан харилцаатай байх нь чухал юмаа. Олон хүн ирнэ гэдэг чинь манайд ашигтай. Нэг япон хүн гэхэд л өдөрт 100 доллар манайд үлдээнэ гэсэн үг юм.

Avatar

Зочин 2022-08-15 192.82.72.86

Haana boloh ve

Avatar

ахмад эмч 2022-08-15 66.181.190.85

Цаг агаар хүйтэн байна гэсэн дулаан орныхон даарах болов уу

Avatar

Зочин 2022-08-15 49.96.15.217

dahiad l naadam

Avatar

Зочин 2022-08-15 147.161.194.108

Гадаадаас хүн ирэх яах вэ жорлонгоо цэвэрхэн сайхан байлгах асуудал дээр онцгой анхаарах хэрэгтэй.

Avatar

Зочин 2022-08-15 103.80.210.183

гадаад харилцааны сайд маань цэвэрлээд сахиад сууж байна гэсэн дээ

NewsMN Гар утасны хувилбар Татах
NEWS.mn

Мэдээллийн эх сурвалж