Зээл олголт хэзээнээс хэвийн үргэлжлэх нь тодорхойгүй байна | News.MN

Зээл олголт хэзээнээс хэвийн үргэлжлэх нь тодорхойгүй байна

Зээл олголт хэзээнээс хэвийн үргэлжлэх нь тодорхойгүй байна

Зээл олголт хэзээнээс хэвийн үргэлжлэх нь тодорхойгүй байна

Орон сууцны зээл болоод ипотекийн зээл, цалингийн зээл, зарим урт хугацааны зээлийг арилжааны банкууд хязгаарлаж наймдугаар сараас хэвийн олгохоо өнгөрсөн сард мэдээлсэн. Гэвч энэ сард ч мөн арилжааны банкууд зээл олгохгүй байгаа бөгөөд хэзээнээс хэвийн олгохыг тодрууллаа.

"ИПОТЕКИЙН ЗЭЭЛИЙН МАТЕРИАЛЫГ ШАЛГУУРЫН ДАГУУ БҮРТГЭЖ БАЙГАА"

Орон сууцны зээлд хамрагдах хүсэлтэй олон мянган өрх бий. Гэвч зээлийн шалгуурт тэнцэх амаргүй даваа. Ипотекийн зээл хэдийгээр бага хувийн хүүтэй ч хамрагдах магадлал жил ирэх бүрт багасч байгаа аж. Арилжааны банкуудын өгсөн мэдээллээр 160 сая төгрөг хүртэлх хэмжээтэй 30 жилийн хугацаатай зээл нь орон сууц барьцаалсан хувь банкнаас гаргадаг зээлээс хүүний төлбөр харьцангуй бага. Учир нь орон сууцны зээл буюу байр барьцаалсан зээл нь жилийн 18 хувийн хүүтэй дээд лимит нь 100 хүртэлх сая төгрөг байдаг байна. Тиймээс ипотекийн зээлийн хүлээлгийн хугацаа урт ч хүсэлт өгөх иргэд багасахгүй байгаа аж.

Ачаалал, хүсэлт өгсөн иргэдийн материалыг хянах зэргээс шалтгаалж “Хаан” болон “Худалдаа хөгжлийн банк” тавдугаар сард тавьсан хязгаарлалтаа өнөөдрийг хүртэл цуцлаагүй байгаа аж. Харин “Төрийн банк”, “Голомт”, “Хас” банкны тухайд  иргэдийн материал хүсэлтийг хүлээж авч байгаа гэв.

“Хаан” банкны зээлийн эдийн засагчийн өгсөн мэдээллээр тус банк дээрээс ирсэн тушаалын дагуу 2022 оны тавдугаар сарын 23-наас эхлэн ипотекийн зээл олголтыг бүрэн зогсоож, хүсэлт авахгүй хэвээрээ байгаа аж. Гэхдээ шалгуурт нийцсэн иргэдийн ипотекийн зээлийн материалыг авч эхлэхээр болж байгаа. Материалыг авсан ч хамгийн багадаа 2-3 сар хүлээх шаардлагатай гэв. Харин “Худалдаа хөгжлийн банк”-наас асуухад ипотекийн зээлийн хүсэлтийг авахгүй байгаа. Мөн орон сууцны зээлийн олголт буюу урт хугацаатай зээл гаргахгүй байх шийдвэр тавдугаар сарын 9-нд гарчээ. Тиймээс байр, орон сууц авах иргэдэд үйлчлэх зээлийг тус банкнаас бүрэн хязгаарласан байна. Шалтгаан нөхцөлийг тодруулахад удирдлагуудаас ирсэн шийдвэрийн дагуу зээл олголтыг зогсоосон. Тушаалаас өмнө хүсэлтээ өгсөн иргэд хүлээлгийн хугацаа нь хэвийн үргэлжилж байгааг онцоллоо.

“Худалдаа хөгжлийн банк” хадгаламж барьцаалсан зээл, цалингийн зээл болон автомашины зээл хэвийн олгож байгаа бөгөөд ипотекийн зээлийг зөвхөн эмч нарт 100 сая төгрөг дотор гаргаж байгаа талаар салбарын ажилтан хэлсэн юм.

Учир нь Covid-19-ийн нөхцөл байдлаас болоод ипотекийн эргэн төлөлт энэ оныг дуустал хойшлуулсантай холбоотой санхүүжилтийг зогсоожээ. Гэхдээ Монголбанкнаас тус зээлийг зогсоох, иргэдийн хүсэлтийг авахгүй байх шийдвэр, тушаал гаргаагүй байна.

"ОРОН СУУЦ БОЛОН БУСАД ЗЭЭЛИЙН ОЛГОЛТЫГ ШАЛГУУРЫН ДАГУУ ӨГНӨ"

Ипотекийн зээл авах боломжгүй иргэд  зах зээлийн хүүтэй буюу сарын 1-1.5 хувийн хүүтэй арилжааны банкны орон сууцны зээлд хамрагдах хүсэлтээ ихээр өгөх болсон байна. Энэхүү зээлд ч хамрагдах хүсэлтэй иргэд их байгаа учраас материалыг шалгуурт нийцэж байгаа эсэхийг 15-30 хоногийн дотор хянаж үзээд зээлийн эдийн засагчид иргэдтэй холбогдож байгаа аж.

Арилжааны банкны орон сууцны зээлд хамрагдах иргэдийн шалгуур нь нийгмийн даатгалын шимтгэл төлөлт, бусад банк болон банк бус санхүүгийн байгууллагаас зээл авсан эсэх маягт болоод сүүлийн 12 сарын дансны хуулга, өргөдөл зэрэг байна.

Мөн үүн дээр нэмээд байрны гэрчилгээ бичиг баримт хэрэгтэй гэсэн юм. Орон сууцны зээлээс гадна цалин, бусад үл хөдлөхийн зээлийг шалгуурын дагуу олгож байгааг арилжааны банкууд онцолж байна. Гол нь лимит шалгуурыг хангахгүй тохиолдолд дотоод журмын дагуу зээл өгөхгүй байгаа гэлээ.

"ИРЭХ САРААС ЗЭЭЛ ОЛГОЛТ ХЭВИЙН ҮРГЭЛЖИЛНЭ ГЭЖ ХЭЛЭХ БОЛОМЖГҮЙ"

Банкуудын эдийн засагчид зээлийн материал шалгуурыг хянах хугацаагаа сунгасан байна. Тодруулбал, өмнө нь зээлийн эдийн засагчид иргэдийн хүсэлтийн дагуу бичиг баримтад тулгалт хийж шалгуурыг тогтоодог байжээ. Харин одоо 25-30 хувийн урьдчилгаагаа төлөөд шалгуурт тэнцсэн иргэд ч 30 жилийн хугацаатай зээлд хамрагдаж чадахгүй байгаа аж.

Мөн урьдчилгаа төлөхөөс гадна 100 сая төгрөгөөр лимит тогтоож байгаа нь иргэдийн эрхийг хязгаарлаж, банк давуу талаа ашиглаж байгааг ч хүмүүс хэлж байна.

Угтаа урт хугацааны зээлийг олгох нь иргэдийн аж амьдралд хэрэгтэй ч нөгөө талаар үнийн хэт хөөсрөл, эдийн засгийн уналтыг сэргээж болзошгүй тул ийнхүү арилжааны банкууд хязгаарлалт тогтоох шийдвэрээ ирэх аравдугаар сар хүртэл цуцлахгүй төлөвтэй байна. Мөн урт хугацааны зээл олголтыг ойрын саруудад хэвийн үргэлжлүүлнэ гэж хэлэх боломжгүй гэдгийг зээлийн эдийн засагчид анхааруулж байна.

Энэ мэдээнд өгөх таны сэтгэгдэл?
8
БурууБуруу
4
ХарамсалтайХарамсалтай
3
ХахаХаха
2
ТэнэглэлТэнэглэл
1
ХөөрхөнХөөрхөн
1
ГайхмаарГайхмаар
0
ЗөвЗөв
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Juki 2022-08-15 202.126.88.189

Hicheel surguuli oroh gd haa saigui mongonii heregtei l bgaa hundreltei ymaa ter mongo ni tgd sar sardaa ter bankindaa ordg bzdee deer ni hvvg ni bs awdg bj

Avatar

irgen 2022-08-15 150.129.143.237

Mongol banknaas ipotekiin zeeliin sanhuujiltiig heviin hiij bgaa nuhtsuld ariljaanii bankuud zeel olgoltiig uguhgui bgaa ni huuli bus, davarsan uildel bus uu. Hudaldaa hugjliin bank, HAAN bank heterhii ashig harsan , turiin ajillagaag ul tooson uildel bna.

Avatar

ИРГЭН 2022-08-15 66.181.186.189

АМ ДОЛЛАРЫН ӨСӨЛТИЙГ ЭНЭ ОНДОО БИТГИЙ ХЭЛ ИРЭХ ОНД Ч БАРИХААРГҮЙ БОЛЖ БН ШҮҮ!! МОНГОЛ БАНК ДАНГААРАА БАРЬЖ ДИЙЛЭХГҮЙ МОНГОЛЫН ТӨР ЦААШИЛААД БҮХ МОНГОЛЧУУДЫН АСУУДАЛ ШҮҮ!!!

Avatar

Зочин 2022-08-15 103.229.176.132

er ni ene MAN – iinhan yagaad default – ruu mongoliig tulheed bna? bas neg huvisgal hiichih geed bna uu?

Avatar

Зочин 2022-08-15 66.181.160.81

Монголд арилжааны банкууд төрийн өмчийн компаниуд шиг аашилдаг болсон!! Хувь хүн хадгаламжаа барьцаалан зээл авья гэхэд үгүй гэнэ!!! Аягүй бол хүний хадгаламжийг ч өгөхгүй гэх шинжтэй!!! “Худалдаа хөгжлийн банк” хадгаламж барьцаалсан зээл олгож байгаа гэж худлаа хэлсэн байна шүү!!!

Avatar

sukhbat 2022-08-15 103.10.23.213

ariljaanii bank tsalingiin zeel olgohoos tatgalzaj bwal daatgaliin sanguudiin hurungiig bankind bairshuulah hereg bhgui ee. ted uursdiin huwiin biznessee bidnii tatwariin munguur sanhuujuulj butsaagaad bidniig shulj bna.

Avatar

sukhbat 2022-08-15 103.10.23.213

buh bankind bgaa nigmiin daatgal eruul mendiin daatgaliin mungiig tatah heregtei. irgede tsalingiin zeel uguhgui yum bol. yah gej bid ND EMD tuldug niigmiin eruul mendiin batalgaatai bh gej tuldug bizdee.

Avatar

Зочин 2022-08-15 66.181.169.66

Ковидын үеийн засгийн бодлого, иргэдийн бэлэнчлэх, өрөвдүүлэх хүсэл ч улс орноо самарч байна даа.

NewsMN Гар утасны хувилбар Татах
NEWS.mn

Мэдээллийн эх сурвалж