Орон нутгийн нислэгүүдийг сэргээж, үнийг нь буулгажээ | News.MN

Орон нутгийн нислэгүүдийг сэргээж, үнийг нь буулгажээ

Орон нутгийн нислэгүүдийг сэргээж, үнийг нь буулгажээ

Орон нутгийн нислэгүүдийг сэргээж, үнийг нь буулгажээ

Сүүлийн жилүүдэд цар тахлаас шалтгаалж агаарын тээвэрлэгч компаниудын хувьд алдагдалтай ажилласан гэдгийг албаныхан мэдээлж буй. Гэвч Монгол Улс гадаадын жуулчдыг татахын зэрэгцээ дотоодын аялал жуулчлалаа хөгжүүлэх нь 2022 оны том зорилго. Харамсалтай нь орон нутгийн нислэгийн суудал дүүрэхгүй, ашиггүй байгаагаас зарим аймаг руу хийх нислэгийг ирэх есдүгээр сар хүртэл хаасан. Тэгвэл дээрх хязгаарлалт тогтоосон зарим аймаг руу үйлдэх нислэгийг сэргээх, мөн зорчигч ихтэй нислэгүүдийн хуваарийг нэмэх талаар авиа компаниуд судалж эхэлжээ. Мөн авиа компаниуд орон нутгийн нислэгүүдийн тийзийн үнийг буулгасан байна.

Тухайлбал, “Аэро Монголиа” компанийн хувьд суудал дүүргэлтээс шалтгаалж орон нутгийн Увс зэрэг зарим аймгийн нислэгүүдээ цуцлаад байсан бол сэргээсэн байна. Ингэхдээ нэг талын нислэгийн үнийг 200 мянган төгрөг болгож буулгажээ.

Увсаас гадна Өлгий, Ховд, Завхан руу долоо хоногт тус бүр хоёр удаа хуваарьт нислэг үйлдэж байгаа аж. Суудал захиалгын тоо ирэх очих хоёр талдаа нийлээд 70-аас дээш болсон тохиолдолд нэмэлт нислэг үйлдэх боломжтой. Үнийн дүнд өөрчлөлт оруулахгүй. Зуны нислэгийг барьцаа шаардахгүйгээр явуулах боломжгүй. Аль болох өмнөхөөс багасгаад явж байгаа. Нөгөө талдаа аялал жуулчлалын компаниудын хариуцлагын асуудал байдаг учраас барьцаагүйгээр шийдвэрлэх боломжгүй гэсэн юм. Харин тур операторуудын зүгээс агаарын тээвэрлэгч компанийн гэрээний нөхцөлийг уян хатан болгож, дотоодын аялагчдыг ч орон нутаг, байгалийн үзэсгэлэнт газар руу чиглэх хөдөлгөөнийг дэмжих хэрэгтэйг илэрхийлж байна. Тиймээс аймгуудаас нислэгийн тоог нэмэх хүсэлтээ хүргүүлж эхэлжээ.

Нислэгийн шийдвэрт өөрчлөлт оруулж өгөх хэрэгтэй байгаа талаар ИНҮТ-ийн харьяа Увс аймаг дахь "Дэглий цагаан" нисэх буудлаас санал өгсөн байна.

Иргэд болон аялагчдаас ирж буй санал хүсэлтийг аймгийн удирдлагуудад уламжлан агаарын тээвэрлэгч компаниудад нислэг нэмж өгөх талаар хүсэлтийг хүргүүлсэн ч одоогоор тус албан хүсэлтийн хариуг өгөөгүй байгаа гэсэн юм. Агаарын тээвэрлэгч компаниудаас асуухад захирамж, тушаал гарсан учир энэ зун зарим аймгийн нислэгийг нэмэх боломжгүй. Гэхдээ удирдлагууд шийдвэрийг өөрчилж магадгүй гэлээ. Харин нислэгийн хуваарийг нэмэх талаар шийдвэрүүд гарч эхэлсэн байна.

Энэ мэдээнд өгөх таны сэтгэгдэл?
6
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зохиолч Л. Пүрэвдорж 2022-08-14 66.181.183.27

Үнийг буулгадаггүй, хямдруулдаг..

Avatar

Зочин 2022-08-14 194.96.18.183

Odoo l neg hursun deeree buuh ni. Undur unetei, tsuun nisleg uildej ashig honjoo oloh gesen bolovch buteegui tul ergeed nisleguudee sergeej heviin gorimd shiljij bh shig bna. Ug ni ali havraas hoish ingesen bol iluu ashig oloh bailaa

Avatar

Зочин 2022-08-14 66.181.161.11

Oroitson boroo bolj dee

NewsMN Гар утасны хувилбар Татах
NEWS.mn

Мэдээллийн эх сурвалж