Испанийн Валенсиа хотын ойролцоох хөгжмийн наадмын үеэр тайз нурсны улмаас нэг хүн нас барж, 17 хүн гэмтэж бэртжээ. Тус 17 хүнээс гурав нь хүнд байна гэж орон нутгийн албаныхан мэдээллээ. Орон нутгийн цагаар 04:18 цагт Валенсиа хотын ойролцоох Куллерад  болсон Медуза фестивалийн үеэр хүчтэй салхины улмаас гамшиг болсон байна. Амиа алдсан хүн 22 настай байсан гэж Испанийн иргэний хамгаалалтын алба "CNN"-д мэдээлэв.

Мөрдөн байцаалтыг хариуцаж буй Испанийн хагас цэрэгжүүлсэн цагдаагийн хэсэг болох Иргэний гвардийн мэдээлснээр тайз хэсэгчлэн нурснаар  илүү их хохирол учирсан байна.

Хэрэг гарах үед наадмын талбайд 50 мянга орчим хүн байсан бөгөөд гарах хаалганууд хэвийн ажиллаж байжээ. Осол гарч, наадмаас хүмүүсийг нүүлгэн шилжүүлэхэд 40 минут зарцуулсан гэж мэдэгдэв.

Испанийн үндэсний цаг уурын албаны (AEMET) Валенсиа хэсэг твиттер хуудсандаа бүлээн  салхины улмаас маш хүчтэй салхи шуурч, температур огцом нэмэгдсэн  гэж мэдэгджээ.Газар дундын тэнгисийн эрэгт байрлах Аликанте-Эльче нисэх онгоцны буудалд орон нутгийн цагаар 03:00 цагийн орчимд агаарын температур 40.5 Цельсийн (Фаренгейтийн 104.9 градус) халж, салхи цагт 82 км (50 миль) хурдтай байв. Английн хэд хэдэн хэсэгт ган гачиг, Францад ой хээрийн түймэр гарсны улмаас Европ даяар агаарын температур эрс нэмэгдсээр байна.

Эх сурвалж: CNN