Орос жуулчид Финландыг дамжин өнгөрөх цэг болгож байна | News.MN

Орос жуулчид Финландыг дамжин өнгөрөх цэг болгож байна

Орос жуулчид Финландыг дамжин өнгөрөх цэг болгож байна

Орос жуулчид Финландыг дамжин өнгөрөх цэг болгож байна

Финланд улс Оросын жуулчдад олгох визний тоог хязгаарлаж эхлэхээр төлөвлөж буйг тус улсын Гадаад харилцааны сайд Пекка Хаависто хэллээ. Тус улсын засгийн газар сүүлийн 10 хоногт олон нийт болон улс төрийн дарамт шахалтад өртөөд байна. Оросуудыг Европын холбооны орнуудад агаараар, галт тэргээр явахыг хориглосон. Гэтэл олон арван мянган орос иргэн Финландын хилээр дамжин Европын холбооны орнуудад зорчих болжээ.

“Ийм асуудалтай тулгараад буй цорын ганц улс нь мэдээж бид биш. Хэрвээ бид Шенгений визний хэмжээг бууруулбал Европын холбооны илүү сайн зохицуулалттай болох ёстой” гэж Хаависто хэлсэн. Финланд улс оюутны, ажилчны, гэр бүлийн гишүүдийн, аялал жуулчлалын гэх мэт 12 төрлийн виз олгодог. Жуулчны визний тоог бууруулах хамгийн энгийн бөгөөд хууль ёсны арга бол бусад төрлийн визний хугацааг нэн тэргүүнд тавих явдал гэв.

Орос улс долдугаар сарын дунд үеэс Covid-19 цар тахалтай холбоотой хилийн хязгаарлалтаа цуцалсан. Үүнээс хойш Оросын жуулчид Финланд руу ихээр орж ирэх болсон байна. Финландын жижиглэнгийн худалдаачид Оросын жуулчдад тансаг хэрэглээний бараа зарахгүй байхыг уриалжээ. Түүнчлэн тус улсын гаалийн ажилтнууд хилээр нэвтэрч буй орос жуулчдаас аж үйлдвэр, цэргийн чадавхид нь нэмэр болохуйц бараа бүтээгдэхүүнүүдийг хурааж авсан байна.

Финландын иргэд оросуудад шинээр виз олгохыг хориглох, одоо байгаа визийг нь цуцлах санаачилга гаргаж, 7000 гаруй хүний гарын үсэг цуглуулсан. Уг өргөдлийг парламентаар хэлэлцүүлэхийн тулд зургаан сарын дотор 50 мянган хүний гарын үсэг цуглуулах ёстой аж.

Оросуудад Шенгений виз олгох хамгийн том улсууд нь Грек, Итали, Испани юм байна. Эдгээр улсаас виз олгосон тохиолдолд Финландын хил дээр ирсэн хүмүүсийг буцаах боломжгүй гэж Гадаад хэргийн сайд онцлов. Оросууд Финландын хилээр нэвтэрч буй бас нэг том шалтгаан нь гэр бүл юм. Дэлхийн хоёрдугаар дайны дараа нөхөн төлбөр болгож өгөх хүртэл Оросын зүүн нутгийн томоохон хэсэг нь Финландын нутагт тооцогдож байсан. Тиймээс хил дамнасан гэр бүлүүд цөөнгүй байдаг аж. Финландад уугуул орос хэлээр ярьдаг 84 мянган хүн бий.

“Бид оросуудын дамжин өнгөрөх цэг, гарц болохыг хүсэхгүй байна.Үүний тулд зөвхөн Финланд шийдвэр гаргах бус, илүү өргөн хүрээтэй Шенгений шийдвэр хэрэгтэй” гэж Хаависто хэллээ.

Эх сурвалж: EURO NEWS

Энэ мэдээнд өгөх таны сэтгэгдэл?
8
ЗөвЗөв
3
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-08-05 213.87.128.101

!!!!!!!!!! Хамгийн сайн тавтай морилно уу секс болзоо сайт — https://clck.su/E2BXY

Avatar

Зочин 2022-08-05 202.126.88.156

Хориг асуудал шийдэх арга биш юм. Европ тэр чигээрээ л холимог гэр бул , тэгээд ч аялал жуулчлал, бизнес гээд л олон салбарт оросууд их ууоэгтэй,

Avatar

ҮНЭН 2022-08-05 43.242.243.226

ХЭХЭ ФИНЛЯНД ХИЛЭЭ ХААЧИХСАН ШҮҮ ДЭЭ ИХ МӨНГӨ ТӨЛСӨН ХҮМҮҮСИЙГ БОЛ БАРУУНРУУ ГАРГАЖ БАЙГАА

Avatar

Зочин 2022-08-05 66.181.183.112

Монгол ч бас цуцлая

Avatar

Ovgon 2022-08-05 122.201.22.220

Украйны ард түмний шалгарсан гарамгай удирдагч Зелёнский мандтугай. Тэр ард түмнээ гарамгай удирдан зохион байгуулж эх орноо оросын фашист түрэмгийллээс хамгаалж, улс орноо дэлхийн анхаарлыг төвд байлгаж, гадаадаас асар их тусламж дэмжлэг авч чадаж байна. Харин фашист путлерийн нэр хүнд хэзээч арилахгүй шавартай хутгалдаж хог дээр хоцорлоо. Фашист орос сөнөтүгэй

Avatar

Зочин 2022-08-05 188.207.105.67

Хүүхэд шиг адиа гар вэ хахаха

NewsMN Гар утасны хувилбар Татах
NEWS.mn

Мэдээллийн эх сурвалж