Венецийн олон улсын кино наадмын богино хэмжээний киноны уралдаант хэсэгт Монголын уран бүтээлчдийн хийсэн "Есдүгээр сарын цас" кино шалгарчээ. Уг богино хэмжээний киног залуу найруулагч П.Лхагвадулам найруулж, Францын "Lapage Aurora" студи, "Guru Media"-тай хамтран бүтээсэн байна.

Найруулагч П.Лхагвадуламын хувьд өмнө нь “Шилүүс” богино хэмжээний киногоороо Каннын кино наадмын уралдаант хэсэгт сонгон шалгарч байв. Мөн тэрбээр “Ze” кино төслөөрөө “Локарно” олон улсын кино наадмын хамгийн нэр хүндтэй, тэргүүн шагнал болох “Нээлттэй хаалга” 40.000 швейцар франкийн тэтгэлэгт шагналын эзэн болж,  шагнал хүртэж байсан удаатай.