Угаагдсан төмөр замыг богино хугацаанд сэргээн засч дуусчээ

Хуучирсан мэдээ: 2022.07.27-нд нийтлэгдсэн

Угаагдсан төмөр замыг богино хугацаанд сэргээн засч дуусчээ

Угаагдсан төмөр замыг богино хугацаанд сэргээн засч дуусчээ

Өчигдөр 14 цаг 25 минутын орчим орсон гэнэтийн хүчтэй аадар борооны улмаас Аршаант-Давааны хоорондын 365 км-ийн 1-р зуутад төмөр зам угаагдсаныг Зүүнхараа өртөөнөөс тэгш чиглэлд аялж явсан 2554-р ачааны галт тэрэгний машинч мэдмэгц яаралтай тормос хийн зогсож, хөдөлгөөний аюулгүй байдлыг хангажээ. Зам угаагдсаны улмаас Сүхбаатар-Улаанбаатар чиглэлийн зорчигчийн 272-р галт тэргийг  Аршаант өртөөнд, Дархан-Улаанбаатар чиглэлиийн зорчигчийн 304-р галт тэргийг Ногоонтолгой өртөөнд тус тус зогсоож, зорчигчдыг нь автобусаар Улаанбаатар хот руу тээвэрлэх ажлыг яаралтай зохион байгуулсан байна. Мөн өдрийн 20:30 минутад сондгой чиглэлд аялах Улаанбаатар-Сүхбаатар чиглэлийн зорчигчийн 263-р галт тэрэгний зорчигчдыг Рашаант өртөө хүртэл автобусаар тээвэрлэж, тус өртөөнөөс галт тэргэнд суулгажээ. Улаанбаатараас Эрдэнэт рүү 18:40 цагт явах зорчигчийн 273-р галт тэрэгний аяллын цагийг хойшлуулж, төмөр замыг сэргээн засаж дуусмагц аялуулсан байна. УБТЗ-ын зүгээс зорчигчдын ая тухыг алдагдуулахгүйн төлөө шаардлагатай арга хэмжээг авч ажилласан байна.

Төмөр зам угаагдсаныг мэдсэн даруй яаралтай сэрээн босгох ажлыг эхлүүлж, төмөр замчид богино хугацаанд шаргуу ажиллаж мөн өдрийн 22:46 минутад галт тэрэгний хөдөлгөөнийг нээжээ. Одоо галт тэрэгний хөдөлгөөн хэвийн үргэлжилж байна.

 

 

 

 

Энэ мэдээнд өгөх таны сэтгэгдэл?
4
ЗөвЗөв
2
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж