Энэтхэгт 21 орчим  хүн архи уусны улмаас нас барсан гэж албаны хүмүүс мэдэгдэв.

Согтууруулах ундаа үйлдвэрлэх, худалдах, хэрэглэхийг хатуу хориглодог засгийн газрын өндөр албан тушаалтан Мукеш Пармарын мэдээлснээр Энэтхэгийн баруун хэсэгт орших Гужарат мужийн Ахмедабад, Ботад дүүрэгт тус хэрэг гарсан байна.Нас барсан хүмүүсээс гадна 30 гаруй хүн хордлогод оржээ.

Энэтхэгийн Пресс Траст агентлагийн мэдээлснээр тус газрын цагдаа нар хууль бус архи согтууруулах ундаа худалдсан бүлгийг саатуулсан байна. Орон нутгийн цагдаагийн газрын ерөнхий байцаагч Ашок Яда "The Times of India" сонинд "Шүүх шинжилгээний лабораторийн баг болон эмч нар архины агууламжийг шалгаж байна. Бид үхлийн шалтгааныг… цогцосны шинжилгээний дүгнэлт гарсны дараа л баталж чадна" гэж мэдэгджээ.

Энэтхэгт хууль бусаар исгэсэн архи уусны улмаас нас бардаг хүмүүс ихэвчлэн пестицид гэх мэт химийн бодисоос болж хорддог. Мөн тус архийг хямд үнээр зардаг байна.

Эх сурвалж: Sky News